鄧月平專訪自爆「功夫女足」試鏡辛酸戲份被刪大方回應拍攝真實詳情

鄧紫棋藝會 51日

https://imgs.weekendhk.com/wp-content/uploads/2026/08/178688119499324917_5127185716a81a4ab531e3.jpg

電影《功夫女足》8月8日在香港首映並進行8場謝票，電影公布內地上映時，參演名單上有香港新生代女藝人鄧月平曾一度引起關注，不過其後有內地觀眾指出她在片中戲份近乎零，電影在香港公映前，鄧月平接受鄒凱光訪問，首度公開當中細節，原來在海選時曾被周星馳當面拒絕，她在面臨淘汰邊緣時主動出擊極力爭取，過程曲折最終迎來令人意想不到的「入選」。

鄧月平四年前試鏡《功夫女足》

回憶起當初試鏡的經過，鄧月平表示過程相當漫長，早在三、四年前便已進行《功夫女足》 Casting。由於試鏡後電影方曾舉辦公開海選，她一度以為自己已徹底無緣該片，心想「多謝參與」便未再多想。不料兩年後突接獲通知，要求她即時前往球場測試踢球姿勢與動作。當天周星馳親自到場監督，鄧月平透露星爺對動作要求的嚴謹與身手令人佩服：「佢雖然已經六十幾歲，但身手非常靈活，喺現場想打乜嘢招式，會自己做一次同武術指導溝通，分分鐘仲敏捷過三四十歲嘅年輕人。」

星爺面前「做多咗」弄巧反拙搵窿捐

然而在試鏡過程中，急於表現自己的鄧月平卻適得其反。她笑言當時踢完球後一時興起，把腿高高抬起展示動作，結果當場被星爺矯正：「阿平啊，踢波係隻腳唔可以飛高嘅。」隨後幾次嘗試她依然堅持己見，結果越做越錯，「我見到導演嘅眼裏面已經開始『無光』，可能佢心諗——呢條友都係混吉嘅，快啲叫佢走啦！」

試鏡結束後，周星馳當面給予了最直接的回應。鄧月平坦言：「佢當面同我擰頭！嗰下喺我人生之中都崩潰咗。」結束測試後，一眾演員互相交換聯絡方式。隨後一位好心嘅香港女演員私下透露，入圍訓練的名单上似乎沒有她的名字，鄧月平回想當時在電話中只能強裝鎮定回應對方「無所謂，我預咗啦」，但一掛斷電話便瞬間崩潰大哭：「我嗰下真係覺得自己失準，好想佢哋畀多一次機會我。」

面對落選，鄧月平曾經主動聯絡副導演及製作公司，表達自己對角色的想法、主動提出造型建議，但對方回覆十分冷淡。就在她萬念俱灰、決定「斷捨離」不再強求之際，劇組卻突然通知她加入深圳的訓練班，峰迴路轉地獲得參演機會。

深圳一個月封閉式訓練爭取入選娥眉隊

喺深圳接近一個月的封閉式訓練中，每日訓練長達十多個小時（早上七八點至晚上六七點）。所有演員在未確定最終角色的情況下，皆全力以赴爭取認同。鄧月平形容當時大家都拼盡全力，甚至「誇張啲講，每一個人都是食緊止痛藥第一日去 training 嘅」。訓練期間更充滿煎熬，鄧月平透露曾目睹室友和其他演員陸續獲安排試鏡，自己卻遲遲未被抽中，甚至一度面臨「等到頹廢、獨留酒店」的空等窘境，讓她無數次萌生「收拾包袱返香港」的念頭。

#hehe#

鄧紫棋藝會 51日

逆轉入選「金龍隊」苦練泰文對白拍通宵雨戲

經過約一星期的等待，鄧月平終於獲通知試造型，雖然未能入選主角球隊，正式確定成為電影中第一場球賽中「金龍隊」成員。為了把握機會，她極其拼命地硬背劇組發放的所有泰文對白，甚至主動上網多學幾句備用：「總之你抽我邊一句，我都講到比你聽！」拍攝期間，金龍隊成員需連續十多天捱通宵，在寒冷天氣下淋雨拍攝。鄧月平特別提及星爺的敬業態度：「周生好就好喺金龍隊每一個演員佢都有比單頭大家去發揮。佢老人家又要睇住我哋臨雨，啲雨都會撇到佢，佢都是挨緊凍同埋挨緊通宵去拍我哋每一個人。雖然出到嚟大家個畫面唔多，但是佢自己後面做咗嘅功夫，同埋我哋付出嘅都有好多喺度。」

澄清星爺並無強制演出方式

對於現場拍攝，她也闢謠澄清星爺並非全無彈性：「喺現場導演係 50/50 嘅，當你有自己嘅節奏、做得好嘅時候，佢係唔會搞你嘅；當你真係偏離咗佢的想法的時候，佢先至會介入教戲。」
大方回應戲份被刪剪爭議：「只希望好好學習」

面對電影上映後，有部分網民與媒體討論其戲份遭大副刪減或曝光較少的問題，鄧月平亦有在鄒凱光的訪問中大方回應，她坦言整隊演員的戲份都有所調整，不希望因自己的回應造成外界對劇組或導演的誤解：

「我唔想畀人覺得我黐呢套《功夫女足》任何嘢，因為唔係我本人嘅性格。我唔想消費導演，對於佢同埋我都唔公平。我只想喺後面好好咁學習。」

鄧月平期望外界不要對其《功夫女足》演出戲份有期望

鄧月平補充：「佢（導演）睇大畫面，都是最後以整套作品為先。所以我又覺得其實冇對我唔公平嘅，只是可能有時大家喺網上面碌到啲新聞見到有我個名，然後 expect 我喺裏面戲份好重。」

「我要同大家講聲：真係唔係（戲份好重）嘅！大家唔好對我有期望、唔好對我有期待！」

回顧今次能參與大製作並獲得與周星馳合作的經驗已是非常寶貴，經歷過《功夫女足》後，她現時積極回歸基本功練習拳腳功夫與各項武術，不設限地做好準備，今年較早時上映的《一個部門的誕生》以及為HOTYV主持《大小矛盾在路上》都係最近期獲得好評的幕前作品。