有片︱獲偶像Jeremy餵食 開心到斷片
沈殷怡着婚紗行catwalk
唔敢幻想與男神同場
Kiri T到台灣鬧鬼酒店拍MV
恐怖經歷留陰影
黃妍改粗線條形象 換新Look試着婚紗

影片link放留言

#沈殷怡（Shirley）、Kiri T與黃妍（Cath）今日到金鐘為婚禮品牌頒獎禮擔任頒獎嘉賓，Shirley先後換上兩套婚紗行catwalk，並指平時工作都有唔少機會着婚紗，講笑已經「似係平時着嘅裙一樣，如果自己婚禮可能會調轉所有嘢一切從簡。」未敢幻想自己要有童話婚禮，會放手讓另一半決定。

早前在節目中獲偶像李駿傑Jeremy示範寵粉動作，被孭起又被餵食，Shirley再次解釋：「個遊戲好難完成，所以要有咁man嘅Jeremy先做到！只係遊戲要求下做呢啲動作！」她又形容幸福片段太多，開心到斷片，如果未來有機會與Jeremy為婚紗展一齊工作，Shirley甜笑：「唔敢想像，已經好滿足喇。」

【Kiri T想穿婚紗開演唱會】

#KiriT 雖然未有着婚紗現身，但睇過靚靚婚紗之後充滿幻想：「如果可以着嚟做演唱會就好啦！唱英文歌着裙褂，唱中文歌就着婚紗。」她夢想中的婚禮會有好多貓貓狗狗一齊慶祝，就算決定要旅行結婚，都一定會返香港擺酒。

早前Krir為新歌《哈姆雷特下班了》到台灣一間荒廢的鬧鬼酒店拍MV，事前為配合主題，訂造了一隻在自己MV老是常出現的黑化版TT公仔，最驚訝是公仔在不明原因下自己「搭𨋢」，嚇壞所有現場人員。Kiri T報平安人無事，但就留低陰影：「做咗啲research間酒店係幾恐怖，但平時都好多人拍嘢以為OK，但去到拍嘅時候感覺係幾奇怪。隻公仔依家交咗俾台灣嘅同事，我哋唔敢掂佢！下次唔會再專登去啲咁恐怖嘅地方！」

#黃妍 今日就着住婚紗出席：「我覺得幾有趣，冇諗過自己着婚紗咩樣！啲同事成日覺得我着得好粗魯。」講起婚禮，Cath笑住指一定會盡力避免擺酒：「阿妹結婚時我有幫佢手避，但最後係避唔成，如果我要結婚都一定會簡簡單單。」她又諗起試過做姊妹超級忙碌：「要撳住唔少怒氣同焦急之餘，亦會替新娘開心，但去到交換戒指一刻真係感動到喊。」

#娛壹

Hi