未授權下被續36個月長約翁靜晶投訴電訊商做法犯規

黃金.週芷琪 1小時

未授權下被續36個月長約
翁靜晶投訴電訊商做法犯規
「就算你俾個皇帝我做，你都要得我同意呀！」

難過cut有線網民感同身受
「要cut就本人都cut唔到，要續約你求其搵個人」

#翁靜晶經常在其網上節目《危險人物2.0》探討個案，日前她出片分享自己成為研究對象，繼「希特拉都cut唔到有線後」，自己無端被 #電訊商續約36個月，為追查真相親自到門市搵答案。

由於經常收到詐騙電話，翁靜晶多次表示「我一向都唔聽電話」，但上月底卻忽然收到通知，其私人電話號碼已成功 #續約 36月，她形容事件「really suspicious（相當可疑）」，反問：「唔聽電話點續約？」她懷疑身份被盜用之餘，亦不滿電訊商未經本人確認下開出合同，並拋出金句：「就算你俾個皇帝我做，你都要得我同意呀！」

翁靜晶細問下發現，原來電訊商是透過她的 #秘書「蕭太」確認合同，但她質疑做法正當性，並留言解答網民疑惑：「法律的關鍵處在哪裏，關鍵的地方是 #合約必須 #本人同意才可以續約。客戶的秘書或家人，都不可以代表客戶去同意的。」

由於合約風波經常發生，引起唔少網民共鳴，有網民就留言：「要cut就本人都cut唔到，要續約你求其搵個人，搵隔籬個同事問佢就得，真係勁過cut有線。」獲翁靜晶貼堂讚講出重點。

電訊商其後罕有地在社交平台公開回覆，重申「本公司服務人員致電聯絡相關電話號碼之擁有人，詢問續約一事。其後由其秘書接聽及指出由其負責處理相關事宜，在經核對資料並按其秘書同意下，本公司為該號碼辦理了36個月的續約安排。」約一星期後才與該號碼之擁有人取得聯絡，達成協議將合約改至24個月。

惟翁靜晶轉發電訊商回覆時，質疑對方將「秘書同意」等同於「本人同意」，強調簽任何合同都須要有當事人同意：「如果秘書可以未經老闆同意，就幫老闆簽賣身契，豈不是世界大亂？沒有正式授權，任何人都不可以代表另外一個人，去簽任何合同的。就算是夫妻，沒有正式的授權書，也不可以代替另一方去訂立合同的。這個是法律問題，不是溝通問題，不可以偷換概念。」她亦公開電訊商的聯絡電郵，對方稱會檢討續約及授權程序。

#娛壹