揸小巴難「養家活兒」　司機平均年齡約70歲　88歲黃伯：希望一直揸落去

闇魔 5小時

近年涉及高齡職業司機的交通意外時有發生，並造成人命傷亡，政府早前建議商用車司機由65歲起加強體檢要求，要「五年兩檢」，70歲後更要「每年一檢」，並採用較嚴格的體格標準。不過，業界就直言由於小巴司機月入不夠「養家活兒」，很多都是人生「最後一個行業」，因此入行越來越老齡化。

「咁嘅年紀已經，有份車揸已經好滿足，仲想做咩？洗碗你又唔夠力托碗。」今年88歲的黃伯駕駛年資已超過60年，目前仍在駕駛由土瓜灣北帝街往旺角的紅色小巴線。他每天由早上7時半做到晚上8時左右，月入約一萬四千元，從未想過退休，「我自己做到，夠花夠使，何必貪嗰啲（政府津貼）？」

「冇超速，冇衝燈，乜都冇。」黃伯表示自己駕駛一向以安全至上，數十年來只曾一次被扣分，「呢幾十年只係試過一次，自己唔知道，因為前面撞車就大塞車，我見個個人都轉右走，我就跟著他轉右走，唔記得擲住咗條黃線，就被佢扣咗三分。」

「退休就見仁見智，自己做得咪當玩吓咁囉，生於社會，服務於社會，啱唔啱呀？我而家手腳靈活。」黃伯又指自己聽覺敏銳，即使乘客戴口罩說話聲量很小，坐在車後方也能清楚聽到，而自己視力方面也不錯，不需要戴眼鏡看報紙，「如果佢（政府）唔限年齡呢，我應該可以。醫生嗰關呢，我諗一定過到。」

按照現行運輸署規定，年過70歲的司機每一年或三年續牌，要提交由醫生簽發的體格檢驗證明書。黃伯的駕駛執照明年4月到期，他對體檢並不擔心，認為自己身體狀況良好，希望可以一直開下去，「照我嘅體能啦，未死得住嘅，至少五年啦，至少。我乜（疾病）都冇，點解唔可以承擔？」

闇魔 5小時

「我哋理性啲睇先，而家唔係六十幾歲意外特別多，而係我哋呢個職業裡面，六十幾歲嘅人係特別多。小巴司機平均年齡都七十歲咯，咁點會唔係七十歲司機發生意外呢？」的士小巴商總會理事周國強直言小巴司機入息中位數約14,000多元，根本無法養妻活兒，「往往做小巴司機都係人生最後一個行業，可能我退咗休，我有個小巴牌，咁我揸下，或者以前揸巴士、揸校巴，我冇嘢做，就返嚟揸小巴」，導致行業萎縮、從業員日趨老齡化。

政府早前建議，商用車司機由65歲起加強體檢要求，70歲前五年兩檢，之後每年一檢，並採用較嚴格的體格標準，例如夜盲症、認知障礙症、惡性腦腫瘤等情況均不可續牌。年滿65歲的商用車司機可使用醫療券支付評估費用。局方對是否訂立年齡上限持開放態度，並計劃於今年內向立法會提交法例修訂方案。

周國強贊成由65歲開始實施五年兩檢，但強調不能單靠醫生體檢，車主、家人及朋友也應多留意年長司機的身體狀況，因為老化導致的反應遲鈍有時會突然出現，「我試過有司機糖尿上眼，攞住鎖匙插唔到入鎖匙窿，突發㗎，幾天就（突然）出現」，他認為日常觀察司機狀態比定期檢查更重要。

闇魔 5小時

https://www.i-cable.com/%E6%96%B0%E8%81%9E%E8%B3%87%E8%A8%8A/492116/%E4%B8%80%E7%B7%9A%E6%90%9C%E6%9F%A5-%E6%8F%B8%E5%B0%8F%E5%B7%B4%E9%9B%A3-%E9%A4%8A%E5%AE%B6%E6%B4%BB%E5%85%92-%E5%8F%B8%E6%A9%9F%E5%B9%B3%E5%9D%87%E5%B9%B4%E9%BD%A1