撞樣「姊弟」難分割
五索胸傷
難為Jeremy變代言回應
“其實我爆胸關佢咩事！
我覺得佢真係好偉大
但都戥佢好慘
我同佢永遠分唔開”

回饋「細佬」關懷
五索宣傳Jeremy新歌
網民期待「姊弟」同框畫面

#五索(鍾睿心)因與 #Jeremy(#李俊傑)撞樣，從此被外界視為「姊弟」關係，將他們的新聞綑綁式處理，有你有我。幸Jeremy EQ高，不單大方認似，甚至自封「九索」，一度獲網民讚大度。

早前五索又有事發生，自爆服食安眠藥入睡後，擁著睡的暖水袋移到胸前也不知，直至一覺醒來發現胸部因此燙傷。五索這單胸傷，事後Jeremy見傳媒時亦被問及，他照樣關心這位「家人」，並送上早日康復的祝福。

五索昨日開post，談論Jeremy如變了她代言人被迫回應，感難為對方，她說︰「啲記者又問Jeremy，知唔知道五索『爆波』，其實我爆胸關佢咩事！即每一次啲記者都會問佢五索新聞，但我從來都唔使答佢啲問題，我覺得佢真係好偉大，雖然佢好關心我個胸，但我都戥佢好慘，你要加油，做artist真係一啲都唔容易。

「因為佢係一個artist，佢又唔好意思同啲記者講『五索啲嘢關我咩事！』，所以我覺得佢真係好慘！」

其實不止Jeremy常要答「家姐」近況，五索出席飯局，同樣不時聽到朋友間提到「細佬」的事，她感到「姊弟」難以分割，續說︰「而家我去咩飯局，啲人都會有意無意提Jeremy，好好笑。我同佢永遠分唔開，好多人問我哋係咪兩姊弟。」

為回饋Jeremy常被迫表態關懷，識做的五索亦為「細佬」曲線宣傳，這條自拍短片的身後，電視正播著Jeremy新歌《#黑蛇傳》MV，她寫道︰「你祝我早日康復，我祝你新歌大熱！加油兄弟我哋拍住上！」既補償亦抽水，兩者兼備。

網民亦期待有日見到「姊弟」同框畫面，「試吓一齊拍Dance challenge」、「要同Jeremy 相認下」、「好想見到你哋同框」。

#娛壹

Hi

霉到要痴五索

同框會唔會有分唔到樣嘅問題？

霉到要痴五索

吸引力法則

班dj 仲要話佢靚。。。
假到呢