見到有鄭秀文做代言, $3,800 做10次既廣告做鼻鼾槍, 心思思想去

破麻 88日

首先如果你有鼻鼾, 見到有鄭秀文做代言, $3,800 做10次既廣告做鼻鼾槍, 心思思想去呢間New BEAUTY 既, 我同你講, 千萬不要來!!!!! 或者細心閱讀以下來容先. 本人當然係有鼻鼾, 太太有投訴冇覺好訓, 真心想搞搞佢, 但唔知揀邊間好, 見到鄭秀文做代言既廣告, $3,800做10次, 心想邊有咁平, 都預左埋單唔只呢個數, 預左比DOUBLE 或者TRIPLE都冇所謂, 最緊要太太有覺好訓, Happy wife, Happy life, 好啦, 即時跟IG 條LINK 預約, 好戲要開始, 上到去The one 11F, 我當然係講想做$3,800做10次既呢個咩咩N8鼻鼾槍plan, Sales當然立即發功, 同我做左個超簡單既檢查, 就係叫我張開口, 用手機去影我個喉嚨, 之後話, 我呢個情況係第4期, 我心唸: 生CANCER咩, 咩第4期呀. 總之就係講到你好嚴重, 廣告$3,800 果個N8槍係幫你唔到, 我都心裡有數, 來吧! 入正題, 要多錢?

破麻 88日

總之一開始就吹到好大, 個價錢就差唔多6位數, 之後又話用晒咩Staff discount, 過左今日就冇既呢d 廢話, final就變左$18,000 /12次, 好野! 同廣告多4倍都唔只, 唔緊要, 鄭秀文, 我信你!! 我上得黎都預左比錢, 最緊要太太訓得開心. 好啦, 之後每個星期, 或者隔個星期左右就上去the one 做呢個療程之後, 做完頭1 次係“好似”有d 效果, 唔知係咪心理作用, 之後第2,3,4次, 都真係完全冇幫助, 個同我打鼻鼾槍個工作人員妹妹, 佢每次都有問我有冇好到, 我都直接講, 真係效果不大, 有時好似仲大聲左, 太太比我嘈到要出廳訓, 但我心想, 做得果3,4次, 可能真係未有效果呢. 好啦, 之後如事者, 都keep住上去做, 到第6 定第7次時, 當我係房做緊療程時, 即係打開緊個口, 個工作人員妹妹幫我口打激光果陣, 突然有個sales 入左黎, 我又講唔到野住, 個sales 女人開始sell, 好明顯佢見我12次既療程做到過半, 係時間想我再課金續療程, 又話今日有優惠, 記住, 當然我仲係口張開, 比激光射緊.

破麻 88日

好啦, 當激光停頓等我吞口水時, 終於到我講野, Sales 問: 個療程有冇效果呢? 我話: 老老實實, 真係冇效果喎, 我仲比我太太鬧, 夜晚比我嘈到要出廳訓添. Sales: 哦, 其實係咁既, 呢d 係要keep 住做, maintain 先有效果喎, 其實而家做緊優惠, 可以加堂…………. 我話: 我忍唔住stop 左佢, 我話冇效果呀, maintain d 咩呀? Maintain 冇效果呀?! Maintain d 鼻鼾聲? 要我比錢我冇問題, 但係有效果先? 同埋我做緊療程做到一半你係度sell 野, 其實你想點? 之後個sales 估唔到我外表斯斯文文, 但原來會爆佢, 就求其打完場出返去. 我真心忍唔住爆左佢一小段, 因為實在太嬲, 本身個鼻鼾槍冇效果我都唸住算數, 個個人體質唔同, 又話者係佢支槍真係冇料道, 當唔好彩, 點知佢仲想sell. 自此之後我唸住, 算啦, 佢day one 時寫明冇得退錢, 同埋我都冇同佢講過要退錢, 咁只好做晒12次佢就算, 睇下會唔會有奇蹟發生, 可能做完第12次, 即刻冇晒鼻鼾, 或者細聲左都好d呀.

破麻 88日

好啦, 一直做, 做到今日, 係我第11次, 呢下真係精彩, 我上到去the one 11F, 報到左, 係lobby等工作人員妹妹叫我入房做療程時, day 1個sales 想再黎sell我, 問我做成點? 有冇效果? 我直接 : 真係冇效果, 仲係好嘈, 我太太都仲係有時比我嘈到出廳訓. 佢好緊張話: 冇理由架喎, 你介唔介意張開個口比我睇下喉嚨個情況? 跟住我張開口, 佢又用DAY1 時既果部手機影左個我喉嚨, 就話: 咦, 你睇下個喉嚨真係唔同左, 見到個喉嚨頂, 我send比你睇下. 我問佢, 有冇我day 1時你幫我影既果張相做對比下? 佢話冇keep呀, 我手機有咁多喉嚨既相, 不過真係有效果, 唔係冇幫助架. 佢又激到我要爆: 我話, 我上黎做鼻鼾槍, 係想減小鼻鼾, 個fact係鼻鼾聲 “完! 全! 冇! 細! 到!” 唔好同我講有咩效果, 我剩係講事實, 就係而家鼻鼾聲一樣咁大, 就係咁簡單, 事實證明, 你地公司既product 真係幫唔到我! 佢仲想搵其他籍口逃避, 佢話, 其實鼻鼾既成因都有好多, 減肥都有幫助,

破麻 88日

佢又比位我入, 我話, 咁你地咪唔專業囉, 我上黎講我有鼻鼾, 叫你地幫我解決鼻鼾, 我話$3,800/10次, 想試下先, 你地話唔好, 要$18,000 /12次, 好啦, 而家做到第11次, 冇效果, 你話要減肥先得, 我以為你係鼻鼾專家, 原來都係靠估, 同埋如果你當初評估要減肥+ 鼻鼾槍 + 其他任何你覺得對減小鼻鼾係有幫助既項目, 點解你唔DAY 1講? 要我做完HK$18,000鼻鼾槍先講? 利申, 我180CM, 160磅, 係有小小肚腩, 同埋我要減肥,都唔搵你啦. 以事論事, 雖然錢係跌左, 但講返D 公道說話 1. THE ONE 11F個場係靚既, 2. 幫我打激光既工作人員妹妹係好既. 3. 佢既其他產品我就冇試過, 除左鼻鼾療程我極度反對之外, 其他產品我就唔知啦, 當然我估都係果批SALES架啦, 自己衡量一下啦.

破麻 88日

喺地鐵站到笑向左走向右走死咗 [sosad]