寵物友善｜食客憂狗隻入食肆惹衛生問題黃傑龍：建議你不要去

河北採花賊 · 2026-07-13T00:38:48.1030000Z

隨著政府於9日起放寬狗隻進入食肆規定，首批約900間餐廳獲批可容許狗隻內進，社會上隨即對寵物友善餐廳的衛生及秩序產生廣泛關注。近日，餐飲集團敘福樓CEO黃傑龍針對網民對寵物在餐廳行為的質疑，於社交平台明確交代旗下餐廳的安排，並「霸氣回應」不少質疑聲音獲不少狗主與食客支持。政府日前落實放寬狗隻進入食肆的新措施後，引起不少怕狗人士關注，部分人擔心會衍生衞生、狗隻吠叫等問題，尤其部分獲批的食肆屬於客群廣、人流多的連鎖餐飲店。敘福樓CEO黃傑龍亦在政策實施後，公布旗下旗下餐廳安排，表示集團旗下60多間分店中，只有「The Matcha Tokyo」（九龍灣Ｍegabox分店）一間設有座位的分店申請為寵物友善餐廳。他進一步解釋他對是次政策的看法。他指出，「寵物友善」並非單純的一條法例，而是「一個社會態度同共識」，並認為這「需要成個社會一齊去建立」。他強調當中的關鍵詞是「友善」，若大眾事事皆以規管的角度出發，動輒投訴「呢樣唔得嗰樣唔准」，他坦言這場「社會實驗就未必成功到」。不過，隨後有網民再向他提出質疑「隻貓狗可唔可以唔好坐係客人坐既座位上面？」，並詢問寵物主人可否使用私家餐具餵飼寵物，當中反映了部分食客的憂慮。面對網民的質疑。黃傑龍再度發文回應，他形容自己的態度是「真係想做一間寵物友善餐廳」，並真誠建議若客人對寵物的行為「有好多疑問及擔憂，建議你不要去這間分店」。他認為顧客「都係想開心消費」，在有選擇的情況下「唔需要去同啲寵物矛盾」。黃傑龍亦承諾，旗下其他品牌如牛角、溫野菜、牛涮鍋及挽肉與米等「絕對不會有寵物出現」，並發出「莊嚴承諾」，表明上述餐廳「不申請寵物餐廳資格，不容許寵物進入（導盲犬除外）」。相關言論在網上引起兩極化的反應。有支持的網民大讚黃傑龍的處理手法，認為「唔鍾意的人會有好多分店/餐廳選擇」，直言社會不應「趕盡殺絕」，並表示即使不帶狗也「一定會去Megabox 呢間幫襯」。有網民指出寵物如同小朋友，「好睇主人點處理」，建議主人可以「先鋪寵物墊再俾寵物上櫈」，認為「介意嘅真係唔好去」。不過，亦有網民對寵物友善政策持反對意見，表明擔心部分不負責任的狗主會引發衛生問題，形容是「一粒老鼠屎搞死一鑊粥」; 亦有人表明罷食「Sorry 一定唔會幫襯有寵物友善嘅餐廳」。對此，黃傑龍親自回覆反對的網民稱「不需要sorry」，重申該餐廳為寵物友善，並比喻指「正如你唔食牛肉就唔好去牛角啦，大家辛苦」。

金田一一 23小時

其實家下飲食業面對嘅問題係乜？比隻狗入去真係解決到個生存問題？
咁如果寵物友善餐廳只係屎忽痕攪出嚟，唔係去幫飲食業，只係想益下班養狗人士，咁有冇諗過有幾多人係怕狗？有冇統計過香港有幾多人會支持？

比狗入會有一批寵物向左走向右走去幫襯
同時又趕走一班唔非寵物向左走向右走去
其實無幫助個根本問題

D餐廳話生意倍增呀

金田一一 23小時

黃傑龍再度發文回應，他形容自己的態度是「真係想做一間寵物友善餐廳」，並真誠建議若客人對寵物的行為「有好多疑問及擔憂，建議你不要去這間分店」。

佢其實係唔係已經放棄對狗主執行有關狗隻入餐廳規矩？

所以佢得一間申請左
我對寵物好有善, 對閪主人唔友善姐

佢咁樣態度，其他分店對衞生條例有幾遵守？

係D主人要遵守唔同每枱企個人監住咩

所以根本就冇野搵野黎搞

冇人迫餐廳申請
D人最興話D老闆申請得就識計數喎 [369]