森美代購張天賦演唱會門票　
誤放洗衣機致爛晒
「呢啲屍骸畀唔畀到朋友可以入到紅館睇MC㗎呢？」

華納高層惡搞
一度送上肥媽個唱飛安慰

#張天賦 MC將於明日（7日）起在紅館展舉行五場《張天賦 E = mc² 演唱會 2026》演唱會，不少人向圈中人求救幫手撲飛， #森美 是其中一個受朋友所託、幫忙代購的人。

昨日（5日），森美拍片透露人生遇上一件棘手的事，並說：「我幫人買演唱會飛，啲人畀返我，我就甲4返人，結果我將啲信封連埋啲飛放咗落褲袋度，條褲咁啱…放咗落洗衣機，而家啲飛變咗咁。」

森林美展示已被洗到變形的「信封」及洗碎了的門票，他苦笑說：「啲飛……爛晒，咁我應該點做呢？呢啲屍骸畀唔畀到朋友可以入到紅館睇MC㗎呢？點算呀？」森美在片下留言問網民：「大頭蝦同蠢係咪同一樣嘢嚟㗎呢？我係大頭蝦定係…唉！」

而一向喜歡惡搞的「華納高層」，在社交平台睇到森美條片，即刻出po營救森美，表示：「森美大哥，新嘅MC飛已經處理好， 到時紅館搵我攞啦」。別以為「華納高層」真是出手相助，原來個po是整蠱森美，所預備的原來是Maria Cordero（肥媽）的演唱會門票，死未！

幸好，後來森美向傳媒表示，華納唱片已手相助，透露唱片公司將寫信和確認門票位置，再「補票」給森美。森美此次洗爛飛事件警剔了大家，如果下次收到任何門票，切勿貪方便放在褲袋。

#娛壹

記者仔出文前識唔識check 下有無錯字