陳曼娜指證商天娥蝦蝦霸霸唔怕收電話：佢敢搵我咩！

黃金.週.芷琪 2日

有片｜陳曼娜指證商天娥蝦蝦霸霸
唔怕收電話：佢敢搵我咩！

跟入房安慰楊思琦
遭陳鍵鋒發惡質問「佢講乜嘢呀！」

澄清夏雨非惡人黨
獲致電答謝

請到留言撳link睇片

伍詠薇早前在節目爆料，親眼見證 #楊思琦在 #TVB 拍劇時被同劇演員當透明、鬧喊，網民發現該劇是《#翻叮一族》，而被指是欺凌者的 #陳曼娜，就接受傳媒訪問否認有份蝦蝦霸霸，更直指 #商天娥有份鬧人，而另一位發惡的年輕男演員就已退出娛樂圈。

今日陳曼娜到荔枝角出席活動，解釋公司大多數人都默默耕耘，不甘同事因傳聞而受影響：「冇人夠膽講，所以我講。傳聞講到成班人蝦一個人，我覺得唔公平嘛，所以一定要講。」網民抽絲剝繭估計，有份欺凌楊思琦的年輕男演員是 #陳鍵鋒，陳曼娜今日承認：「雖然我冇講邊位，但大家都估到。」

她指自己拍劇做騷好少與思琦妹同場，當日難得一大班演員在場，仍然聽見吵鬧聲：「鬧得好嘈，女嗰位好大聲，男仔又係好大聲鬧，思琦妹喺我附近同佢哋嘈嘈吓，可能當時環境令到佢頂唔住，走咗去化妝間喊。」曼娜姐謂不知道誰是誰非，但見思琦妹仍是細路女，跟過去就安慰：「後來先知道原來佢拍呢套劇同嗰兩位好多拗撬，我由化妝間返去，仲俾男嗰位質問，『佢講乜嘢呀！』我都唔敢再講多。」

受事件連累變「惡人」的 #夏雨，陳曼娜都有幫口澄清，事後獲夏雨致電親口答謝。至於被指證的娥姐就無任何聯絡，陳曼娜反問：「佢敢搵我咩！」又指過去有其他演員合作，都試過與娥姐爭執，但她亦呼籲：「如果佢係啱嘅，我都希望佢出嚟澄清。」

#娛壹