https://www.stheadline.com/film-drama/3588138/%E9%84%A7%E9%BA%97%E6%AC%A3%E8%A2%AB%E6%89%B9%E8%B5%B0%E9%9F%B3%E8%A6%8B%E6%85%A3%E4%B8%96%E9%9D%A2%E7%84%A1%E5%94%94%E9%96%8B%E5%BF%83-%E8%81%9E%E5%82%85%E7%A9%8E%E7%9B%B4%E8%AA%8D%E8%88%87Cookies%E6%88%90%E5%93%A1%E4%B8%8D%E6%98%AF%E6%9C%8B%E5%8F%8B%E4%BB%B2%E8%AC%9B%E5%91%A2%E5%95%B2%E5%98%A2

鄧麗欣（Stephy）昨晚（28日）出席《第八屆KKBOX香港風雲榜》，對於早前她為公司晚宴擔任嘉賓，唱其首本歌《電燈膽》時因表現失準走音，事後被網民狠批，鄧麗欣透露上月尾開始病，自己病了成個月：「我唔會攞呢樣嘢做藉口，但自己都好擔心，因為又要錄音。」她指去年在相同月份也曾病到失聲，上月咳完以為好返，但最近又復發，病情很反覆，搞到自己的狀態也不太好，但也要盡力去保持。

https://www.instagram.com/p/DaLLs5kH5WP/

https://www.youtube.com/watch?v=ilCO0IUb8EU

https://www.youtube.com/watch?v=f1CUq61_dzI

鄧麗欣不介意負評

對於被網民批評會否不開心？鄧麗欣笑說：「我呢啲咁多年，見慣世面，冇乜嘢，但唔使批評都知自己好唔好，自己知自己事，所以有時狀態未好嘅時候，希望下次好啲，我覺得每個藝人都係咁，都希望每一次出騷都係最好狀態，但有時事與願違，所以平時就更加要努力啲，盡力 Keep啦。」鄧麗欣早前開畫展，不過就捲入抄襲風波，她表示知道，不過就未有因此不開心，她解釋網民是找了一段網上教畫樹技巧的教學：「流體畫嘅一個技巧，好多人都會上網去學，好多老師都會上網去教，每個人用唔同嘅顏色加唔同嘅配搭，其實係一個設計嚟。」至於是否感到冤枉？她表示不緊要，因為自己知發生什麼事，可能只是大家不理解，所以也不會介意，自己亦很開心畫展能夠將所有畫賣出做慈善，算是達成了自己的目標。

鄧麗欣接連受批評

對於早前在活動中穿上的歌衫令她突出小肚腩，鄧麗欣笑指歌衫質地屬於「吸多啖空氣都唔得」的狀態，又表示女仔好難做，食多啖飯、飲多啖水都會咇肉，再加上角度問題，這些相信女仔會明白，自己也不需多講，又指一向努力做運動，是希望keep好身材令着衫靚點，認為自己不用為此平反，大家現場見到就會知道，她坦言因為不想太瘦，反而有吃多一點，問到男友是否有幫她管理？她指管理是要靠自己，不過亦有跟男友一起做運動，亦有互相提點。至於近日不斷被批評，男友是否有安慰？鄧麗欣表示男友知她性格，除非見到自己特別不開心或在家唔出聲，否則不會提，又指近日忙做有關新歌和新碟工作，所以沒時間不開心。

鄧麗欣指做朋友好講緣份

另外，傅穎最近於訪問中直認Cookies的成員「不是朋友」，鄧麗欣聽後即反問：「仲講呢啲嘢？2026年啦喎，好似返番去2000年咁，咁得意嘅！每個人都有唔同嘅圈子、緣份，朋友都好講緣份，冇緣分做朋友迫都迫唔嚟。（Cookies合體無望？）上次演唱會合咗體，（爭人！）係呀，冇辦法，緣份促成唔到呢件事，我上次都好努力去促成呢件事，但我都冇辦法。」

唔好再扮才女同唱得好好啦

除左樣得(以前)，歌影視藝冇樣得

出晒名叫鄧走音
幾時變左唱家班？

除左樣得(以前)，歌影視藝冇樣得

咁又唔係
鄧麗欣演得嘛嘛
但佢係繼鄭秀文之後既愛情片女王
鄧麗欣唔拍，葉念琛D戲D票房亞太區有一天成為亞太區到

傅穎除左舊帳無野好講嘛