Stephy露背裙力證身材完美被彈走音早已習慣

黃金.週.芷琪 7日

有片︱
Stephy露背裙力證身材完美
被彈走音早已習慣
為畫展抄襲解釋︰
「流體畫有呢種技巧去畫呢種樹，相似都唔出奇。」
驚訝Kary低調快閃復出唱歌

影片link放留言

#Stephy鄧麗欣本月初為保險公司周年晚宴擔任表演嘉賓，被指着錯衫身材走樣兼唱歌走音打回原型，昨晚(28日)她出席KKBOX風雲榜，以露背長裙贏回一仗。對於之前被指演出走音，她大方謂早已習慣：「呢啲我有好多經驗喇！要戰競唔係因為嗰次，而係反覆作病，擔心要表演又要錄歌，驚身體撐唔住，幾樣嘢加埋身體都攰，嚟緊都要唞一唞。」

網民另一批評，是她上月為畫展提供15幅作品義賣，當中有兩幅畫作被指抄襲，Stephy先交代心情：「成個畫展我係開心嘅，賣晒所有畫已經目標達成，有啲係fans買咗，有啲買家係收藏家，得到人欣賞係最大鼓舞。」

其中有網民指枯樹、瞳孔兩幅作品可以搵到不少相似畫作，Stephy解釋：「嗰件事我都冇特別澄清，因為唔係某個藝術家嘅畫，係一條教學片。呢一種流體畫，係真係有呢種技巧去畫呢種樹，所以會有無數咁多人去畫呢種樹。」她承認用同一技巧作畫：「有相似地方都唔出奇，但同網民形容嘅唔係同一回事，每一個畫作都有獨特性，每一個人睇藝術嘅眼光都唔一樣。」事件並未打擊她的創作熱誠：「我有好多創作概念，呢次只係其中一個嘗試。」

至於昨晚音樂會，Stephy獲安排與Edan、Jer合唱，三人在後台擺出《男排女將》姿勢合照，又自爆已約兩人打牌：「俾佢哋呃少少，唔緊張啦。肥仔勁㗎，一個扣晒三家牌，但要數戰績我係贏㗎！」

而餅女Kary(#吳雨霏)低調復出為品牌活動快閃唱歌，Stephy驚訝：「之前同佢食生日飯都冇提過會表演，我睇到條片都好surprise。」

#娛壹