https://hk.on.cc/hk/bkn/cnt/entertainment/20260621/bkn-20260621190600131-0621_00862_001.html


藝人戴祖儀（Joey）、林沚羿（Venus）及玄學家麥玲玲等今日（21日）為電競節目《2026特戰英豪倫敦大師賽》進行拜神儀式，祈求一切順利。

https://www.instagram.com/p/DZ2DwmTzSa4/

Joey表示讀書期間已開始打機，更自稱是「大師級」，問到會否考慮投身職業電競選手參加比賽？她笑指很多電競高手也只有十多歲，自己反應不及年輕人，最多也只能當業餘，不過她表示近來忙宣傳劇集和預備入劇組，故未有時間打機，笑言連「吃好西」和識男生的機會也沒有，不過很感恩能夠多工作，希望在事業上先努力。



Joey自爆今早出席《飛常日誌II》宣傳時，不慎與朱敏瀚發生碰撞，令手上的咪高峰撞崩了點一對門牙，她笑謂：「呢單真係要朱敏瀚為我嘅人生負責！（要照顧你下半生？）折現得喇，我個人好膚淺。」她指剛才請教了麥玲玲，對方跟她說會影響財運，笑言讓她有點擔心，又指朱敏瀚是個負責任的男人，表示可以介紹牙醫。提到朱敏瀚受訪時承認已單身了一段時間，更將緋聞女友陳曉華稱之為同事，Joey反問：「佢唔係不嬲都單身嘅咩？以我所知佢不嬲都單身㗎！」她指跟對方合作時拍劇時不覺得有甚麼異樣，提到她跟對方同屬單身，問可有考慮發展感情？她説：「近水樓台？有冇諗過朱仔感受？朱仔係靚仔嘅，身材又非常之好，但我哋真係好好嘅朋友，大家玩鬧多，感情方面就冇諗過，叫佢負責咗我隻牙先。」

Venus表示平日有跟好友施焯日和林俊其等一起打機，見她似乎顯瘦了，問她是否只顧住打機影響營養吸收？她笑言因近來多了做戶外活動，她説：「唔係淨係匿喺個Gym度做運動，出去曬下焗下啲汗出嚟，游下水行下山，同埋飲食模式改變。」問她是否因拍拖而減肥？她笑稱感情生活空白，只不過若未有工作在家會吃少一點，體重因而輕了10多磅，但仍有進步空間。提到她日前網晒峇里水着照騷身材，她笑稱並非大解放：「大家游水都會着泳衣嘛，潛水衣都有着㗎。（有冇艷遇？）應該冇，哈哈！」問到爸爸林迪安對水着照意見？她笑指爸爸未有意見，反而媽媽很撐她：「媽媽話後生女個個都係咁着泳衣，去陽光海灘唔着泳衣仲着咩？」她表示因為要開工而已提前慶祝父親節，認為每日也應孝順父母，問到爸爸有否催她拍拖？她説：「吓！唔好咁快住。（爸爸講？）唔係，係我自己唔想住，6年前拍過拖。（傷得好深？）唔係，想專注自己工先，處理好自己先可以有空間顧另外一個人。」

朱依條友又係第二個馬子淫黎