網紅女實習醫生被爆是「神之手」打豆9成9不中血管

河北採花賊 · 2026-06-12T12:15:06.5600000Z

有網民近日在社交平台Threads發文爆料，指女實習醫生Angel在進行靜脈注射導管置入（俗稱「打鹽水豆」）時，技術欠佳，「係9成9唔中血管」。帖文更指，該名實習醫生即使未能成功將導管刺入靜脈，仍「打唔中都扮打中」，照樣用膠紙固定針頭。該網民在帖文中解釋，正常情況下，醫護人員經鹽水豆緩慢推注生理鹽水或藥物時，一旦感覺到針筒有阻力，便會拔出導管，改由自己或抽血員重新嘗試，直至成功置入為止。而在急救情況下，救人分秒必爭，醫護往往會用力推注藥物。若針頭根本未處於靜脈之內，會導致藥物出現血管外滲（Extravasation），嚴重者可引致組織壞死，需要接受手術處理。寧願實習醫生主動認打唔到，好過唔出聲扮打得中。呢啲係病人安全問題。呢位實習醫生將會係7月1日正式成為註冊醫生，醫護同市民睇路啦。最新影片推介：帖文發出後引起大量網民熱議，紛紛狠批該名女實習醫生缺失醫德：「哇，打唔中係能力問題，強行貼膠紙係人品問題」、「佢呢啲全職做兒子/女兒咪幾好囉，好哋哋做咩醫生，要證明能力都唔好搵啲人命關天嘅嘢嚟做呀」、「知識同人品都咁，咁都做到醫生」、「問題唔係指佢打豆技術如何或者俾護士做咪得，係指佢明明打唔中都扮打中呢個行為無職業操守」。更有人指出，若事件屬實，「好大機會會造成醫療事故」。不過，有網民解釋：「係一個隱性醫療事故，因為壇野結果唔一定好大單，唔一定變組織壞死、出大事，好大機率可能係落藥懟痛阿婆啲肌肉，阿婆又唔識講以為正常，最終病人辛苦，又未辛苦到爆大鑊」。原定下月1日正式成為註冊醫生據悉，涉事女實習醫生洋名Angel，就讀於香港大學醫學院，期間經營個人YouTube頻道，有3.6萬個訂閱者，最後一次更新為去年7月。惟事件爆出後，有關平台影片及帖文已全被清空。她亦曾於社交平台透露原定於7月1日正式註冊為醫生。召屯院醫生男友幫手做「肛門腸鏡檢查」有網民爆料指，她在律敦治醫院實習期間，要求於屯門醫院任職的醫生男友跨院代為替病人進行「肛門直腸鏡檢查」，而該男醫生當時正值當值，為協助女友而閒置一名食肉菌感染的病人。該名女實習醫生於明愛醫院實習期間，亦爆出在雜物房使用C-arm X光機自行拍攝膝部，形容為「Perks for 乖乖HO」（實習醫生福利），她其後更將圖片上載至社交平台限時動態，照片疑攝於明愛醫院。惟根據法例，實習醫生不得擅自操作C-arm，若於雜物房內使用而沒有鉛板防護，可能導致輻射外洩。