老公鬧我凌晨12點落去跑步叫我去測智商。

韓玄 38日

我老公因為我凌晨12點落去跑步，就不停用粗口鬧我，話我有問題，叫我去測智商，又話我係落去搵姣仔。又話下面好多阿差好危險，但我喺公園跑嘅時候真係一個阿差都冇，我嗰下真係覺得好委屈！

原因係：我生完一個小朋友，又餵咗人奶之後，新陳代謝真係好慢，依家好難瘦返嚟。今日又食咗好多嘢，唔想食飽一返到屋企就瞓覺，所以就諗住落去跑跑步，燒返啲卡路里。
點知跑跑吓，尿又滲咗出嚟（我生完之後一直有呢個問題），已經好唔開心。返到屋企同佢講我已經好慘佢就話：「你唔拎使做慘乜拎？」
我而家唔使出嚟做嘢，主要都係我先生養家，我有時會返去幫吓手，但大部分時間都係佢出嚟做嘢。我自己都覺得我已經好幸運，但係我都想照顧自己身體，想瘦返少少，想健康啲。
結果換嚟嘅就係佢一輪粗口同否定。
凌晨跑步係咪真係好大問題？

有冇人試過類似情況？或者有冇媽媽明白我而家嘅心情？
純粹想發洩吓謝謝！