![[bouncer]](faces/lomore/bouncer.gif)
up緊，就快得
周星磁力王
79日
https://menclub.hk/tech/35213
作為一部手提遊戲機，Nintendo Switch一直最為人詬病嘅就係其電池續航力，哪怕到Switch 2推出時標榜電池容量更大，實際遊玩時間都無明顯改善。不過明年起，市面上就可能會有能夠完美解決呢個問題嘅新型號Switch 2，事關據報Ninteodo將會於歐盟地區推出無論主機定Joy-Con都可以換電嘅新型號，以配合相關法規。
話說歐盟新法規將於2027年2月生效，規定所有便攜式電子裝置必須讓用戶「輕易更換電池」，而目前要拆開個機殼再拆走一堆零件先見到舊電嘅Switch 2就明顯唔算係「輕易」。所以據《日經》報導，Nintendo目前正研發一部專供歐洲市場嘅新型號Switch 2，其他性能規格完全不變，只係可以換電咁解（Joy-Con亦同樣會有換電版）。報導指新型號未有具體推出日期，目前只知係「即將推出」，不過考慮到歐盟法規生效時間，應該就係2027年初見街。
雖然話法規只適用於歐盟地區，不過理論上Nintendo係可以選擇全球統一推出可換電版。可惜嘅係目前睇落機會就非常渺茫，事關《日經》指日本本土販售嘅Switch 2將會維持原本嘅不可換電規格，日本都無，其他地區就更唔可能有。換言之大家想要換電版Switch 2的話，就可能要想辦法搵部歐版水貨返黎啦。
不過點都好，今次Switch 2推出換電版乃係近年越黎越多人關注嘅「維修權」（Right to Repair）之下嘅產物。無論你只係想帶多舊電出街玩多陣，定係想避免電池老化後要拎去畀錢人整，其實都對大家有好處。希望類似嘅設計未來可以更加普及啦……定係應該話「回歸」呢？
資料來源：
https://www.theverge.com/games/898313/nintendo-switch-2-eu-replaceable-battery
https://asia.nikkei.com/business/electronics/nintendo-switch-2-to-let-eu-users-change-batteries-on-their-own
作為一部手提遊戲機，Nintendo Switch一直最為人詬病嘅就係其電池續航力，哪怕到Switch 2推出時標榜電池容量更大，實際遊玩時間都無明顯改善。不過明年起，市面上就可能會有能夠完美解決呢個問題嘅新型號Switch 2，事關據報Ninteodo將會於歐盟地區推出無論主機定Joy-Con都可以換電嘅新型號，以配合相關法規。
話說歐盟新法規將於2027年2月生效，規定所有便攜式電子裝置必須讓用戶「輕易更換電池」，而目前要拆開個機殼再拆走一堆零件先見到舊電嘅Switch 2就明顯唔算係「輕易」。所以據《日經》報導，Nintendo目前正研發一部專供歐洲市場嘅新型號Switch 2，其他性能規格完全不變，只係可以換電咁解（Joy-Con亦同樣會有換電版）。報導指新型號未有具體推出日期，目前只知係「即將推出」，不過考慮到歐盟法規生效時間，應該就係2027年初見街。
雖然話法規只適用於歐盟地區，不過理論上Nintendo係可以選擇全球統一推出可換電版。可惜嘅係目前睇落機會就非常渺茫，事關《日經》指日本本土販售嘅Switch 2將會維持原本嘅不可換電規格，日本都無，其他地區就更唔可能有。換言之大家想要換電版Switch 2的話，就可能要想辦法搵部歐版水貨返黎啦。
不過點都好，今次Switch 2推出換電版乃係近年越黎越多人關注嘅「維修權」（Right to Repair）之下嘅產物。無論你只係想帶多舊電出街玩多陣，定係想避免電池老化後要拎去畀錢人整，其實都對大家有好處。希望類似嘅設計未來可以更加普及啦……定係應該話「回歸」呢？
資料來源：
https://www.theverge.com/games/898313/nintendo-switch-2-eu-replaceable-battery
https://asia.nikkei.com/business/electronics/nintendo-switch-2-to-let-eu-users-change-batteries-on-their-own
![[sosad]](/faces/sosad.gif)
