今日凌晨同男朋友call Uber返屋企
諗住個uber司機4.96分 實冇死
跟住我上到車都有同個司機打招呼
咁佢冇理我 but it's fine
上到車之後我就繼續同我男朋友吹水
我地吹水嘅內容就係講緊關於佢同佢ex啲野
咁講到某啲嘢嘅時候 我就有啲唔開心
之後我男朋友就氹我 面對面咁攬住我

突然之間個司機就出聲 無啦啦警告我地
話「個cam係原裝㗎」
我地兩個聽到嘅時候都問曬號
跟住佢又再講「你地兩個唔好搞啲咁嘅野啦 個cam我老婆有時都會睇㗎 個cam仲會收音」

首先我同我男朋友係咩親暱舉止都冇做過
連錫都冇 佢氹我嗰時都只係我背貼住個座位
佢扭轉個身面對面咁氹我
完全冇錫冇打茄輪 總之咩都冇做
之後無啦啦佢就咁講
佢講完啱啱嗰句都keep住重重複複咁講

雖然我已經有啲燥 但係我驚佢誤會我地係偷食
都同佢講返我地真係男女朋友
之後佢都仲係係咁講話咩會收音有cam錄住
最後我地兩個都話ok 之後就成程車都keep silent

我地兩個落咗車之後都勁燥
唔講以為自己係安心偷食

最後最後一星好評加一蚊 唔駛多謝