[bouncer]up緊,就快得

發表失敗
發表失敗
原因: 確定
方丈日報 132日
也有人認為,相比以往,現在當學生已很幸福,以往壓力比現在大得多。


相比以往(主要是80、90年代),現在的小朋友、學生,壓力是大了,還是小了?

這個問題不好答,畢竟沒有人的兒童及青少年時期可以跨越數十年,去親身體驗及比較,只能根據有限的數據和個人觀察去比較,個人粗略觀察所得:

***************************************************

1.小學操練

以前:要操練學能測驗(1978-1999),再久遠就中學入學試(1962-1977)、小學會考(1949-1961),全部會影響升邊間(甚至有冇得升)中學,半個世紀都係一代又一代默默挨過,冇鬧出大風波。

而家:要操練TSA/BCA,傳媒已講過N次話TSA/BCA唔影響學生前途,就嗌救命嗌到滿城風雨鬼哭神號,點解呢?

***************************************************

2.中學升大學關卡

以前:要挨三鑊:中三淘汰試(表面上1988年已消失,但名亡實存)、中五會考、中七 A-Level。

大多數日校中學,中三有6班(甚至更多),中四只有4班,所以完左中三之後,係會篩最少1/3人。

仲有升中六個玩法有幾 Amazing:會考放榜後,全港性大洗牌,可能要搶的士撲中六位、新聞連續幾日報「中六收生程序進入第X階段,剩餘中六學額若干......」,只有約30%會考生可升中六。

就算升到中六,年半之後,仲有比會考痴線多幾倍起碼、艱深程度全球數一數二既中七 A-Level。

仲有如果你會考有D科成績唔理想,即使上到中六七,又如有神助咁喺A-Level進返,但都註定同某些睇重會考成績既大學無緣(例:中大)。


而家:簡簡單單挨一鑊DSE,再無中三篩人、搶的士撲學校既荒謬畸形現象、再無超深超難 A-Level。

要注意的是,現在不少人以為,DSE是一試定生死,會考同A-Level係有兩次考大學機會,其實係嚴重歪曲事實。會考同A-Level,係兩次一試定生死,必須兩次皆「生」,結果才是「生」,「死」其中一次,結果都係「死」。

會考失敗,已無機會升中六七考 A-Level;會考成功,但 A-Level失敗,結果係中七止步,一樣升唔到大學。

如果計埋中三淘汰試,更係三次一試定生死。

***************************************************

3.中學公開試的競爭

考評局官網,1978至2022年的數據

以前:會考,最少103,047人(1978年),最多172,321萬人(1983年),總之一定過10萬(唔計只供Repeat既2011年終極會考)。
留意,以前大多數中學完中三會篩人,如果唔係呢一篩,會考肯定仲多人。而呢一篩,會少咗墊底嗰班拉低條 Curve,變相令難度增加。

而家:DSE,最少47,891人(2022年),最多81,355人(2013年)。

https://www.hkeaa.edu.hk/DocLibrary/HKCEE/Release_of_Results/Exam_Report/Examination_Statistics/ceexamstat11_7.pdf

https://www.hkeaa.edu.hk/DocLibrary/HKDSE/Exam_Report/Examination_Statistics/dseexamstat22_7.pdf
方丈日報 132日
4.中學公開試「死亡之科」中文科:

以前:會考,一年半時間,讀26篇範文,有著名既痴向左走向右走線文章「陳蕾士」,又係多年都冇鬧出大風波。

而家:DSE,兩年半時間,讀12篇範文,未聞有類似「陳蕾士」咁既痴向左走向右走線文章,出現咁多爭議話「死亡之科」,問題出喺邊?


***************************************************

5.假期

一定好多人亞太區有一天成為亞太區出黎話,以前英女王同孫中山壽辰有假放,而家冇,好慘.....咁而家同以前既假,有乜分別呢?

以前有,而家冇:比盡3日:英女王壽辰、孫中山壽辰、英聯邦日(後兩者非紅日,有冇假放視乎個別校政,但如跌落星期六日就肯定冇)。8月暑假入面,有兩日紅日「重光紀念日」,年年必蝕。冇暴雨警告制度,除非8,9,10號波,否則落狗屎都要返,但以前冇咁多秋颱,打風幾乎暑假限定。

而家有,以前冇:起碼7日:教師發展日+學校自主假期(起碼3日,教師發展日已知起碼1999/2000學年至有)、5.1、佛誕、7.1、10.1。再冇同暑假重疊既紅日。仲有平均隔年有既選舉翌日假。紅彩的話,仲有紅黑雨假,近年秋颱增加,9、10月風假機會增,2023年9、10月就有多達4次風雨假。


***************************************************

6.家教

以前:家家戶戶(尤其公屋)打細路打到開巷,冇人話有問題,視作正常家教,比老豆老母藤條無雙亂舞(藤條已經算低武力),再成手成腳藤條痕返學校被恥笑(變相雙重懲罰),係家常便飯(已經唔計兩登仔傳說中既趕出門口全裸罰企,男女都有)。

而家:新世代分分鐘唔知藤條為何物,打一下手板一條藤條痕,已經報狗報社署,最大懲罰係冇手機冇iPad玩。

***************************************************

7.師權

以前:先生大向左走向右走晒,莫講話學生冇聲出(除非黑底、父母係學校高層或大捐款人),家長都買佢地怕。有本 YES!雜誌創先河,設校園投訴專欄,畀學生去信匿名鬧先生鬧學校,已經好震撼好爭議,被教育界視為洪水猛獸。

而家:學生當面Hi勁先生係正常事。家長更唔使講,直頭係老細既老細。


***************************************************

8.校政

以前:中學要帶PE衫返學校換,其實相當無謂,百害無一利,一拎多D野增加重量、二浪費時間、三洗多套衫、四換衫過程又係一大欺凌熱點位。

而家:街上經常見到著PE衫既中學生,PE堂換衫呢個無謂規矩,是否已消失呢?

***************************************************

9.冷氣

以前:返學涼冷氣,係天荒夜譚。

而家:偶然一日「無冷氣日」,係大新聞。

***************************************************

10.出行

以前:學校旅行一定一年一次,去OP已經係 Final Boss級咁豪咁巴閉,而且基本上未到中六七都唔使旨意。遊學團?超級名校、貴族學校限定 。

而家:學校旅行可能一年兩次。除左旅行,仲有咩「全方位學習日」。 OP/HKDL?分分鐘幼稚園旅行同影畢業相已經去。公屋區街坊小學都有飛機遊學團,未必豪到去歐洲去北極,都起碼東南亞。
方丈日報 132日
現在的學生、小朋友,真的比以前痛苦同大壓力??

以前小學半日制、冇TSA/BCA就係好輕鬆就係天堂?

如果而家恢復美好以往既一切,包括恢復小學半日制、取消TSA/BCA,同埋恢復以上既一切:學能測驗、中三篩人、中五會考、中七A-Level....你估會點?學生、小朋友既壓力,會大左定細左?
_強_ 132日
𨳒Auntie唔𨶙怪得話壓力大啦,連唔讀書果陣睇個爛勁po 都咁𨶙多字,你條冚家剷係咪想迫𨶙死讀書果班人啊𨳒Auntie
比其他孩子長得高?
馬凡氏症知多少
sooohealthy.org
贊助網站
挪威三文魚腩 131日
而家:要操練TSA/BCA,傳媒已講過N次話TSA/BCA唔影響學生前途,就嗌救命嗌到滿城風雨鬼哭神號,點解呢?



唔影響學生前途,但影響學校前途[sosad]
咁你話學校做唔做勁你丫拿?
RX-78-3 109日
以前冇暴雨警告制度, 但有時落狗屎咁大雨教育署都宣佈停課
RX-78-3 109日
香港學業能力測驗
https://zh.wikipedia.org/zh-hk/%E9%A6%99%E6%B8%AF%E5%AD%B8%E6%A5%AD%E8%83%BD%E5%8A%9B%E6%B8%AC%E9%A9%97
作為電郵轉發 109日
[sosad] #good#
跳到頁尾