[bouncer]up緊,就快得

發表失敗
發表失敗
原因: 確定
水の呼吸 42日
我要成為科學教既神!

科山達 27歲
First hon 畢業於香港大學醫學系
依家佢做緊藥劑師,剛剛繼承了父親既生物醫藥公司,佢抱住盲信科學既精神,致力於逼使所有人遠離古代智慧,全心全意咁奉顯比科學,並為自家既公司賺進最大利潤。
冇幾耐之前,佢公司推出咗一隻新型疫苗,不過唔係幾賣得…

科科喺自己啱啱繼承冇幾耐既daddy office做緊ceo,佢望住個梳化,然後望下個窗,日薪三百萬。

唔?
!!
筆記?

雖然仲未收工,但係提早食個high tea既佢已經離開咗office,行咗出公司大堂,喺附近既公園,執到本筆記。

VACCINE NOTE
直譯就係打針筆記

—呢個係疫苗神既筆記—

「哦。」

HOW TO USE
全部都係英文,真係麻煩。

雖然科科喺港大first hon畢業,但係佢英文其實麻麻,不過全靠daddy既關係,順理咁移形換影咗個勤奮公屋仔既成績。

順帶一提,個公屋仔係唔服架,最後被送咗上大灣區做清潔,佢層供緊既恒大樓仲比銀行收咗,跳樓自殺死埋tim。

「化身名字被寫喺呢本筆記上面既人會去打針。」
「哈哈哈。」

寫佢既人有病啊,點解所有人都鐘意做啲咁無聊既野。
由話香港樓價會跌開始就冇進步過。

「我返嚟la。」
科科入房,公屋仔沒有既私人空間。

———
腦海中冇所寫名字既化身個會員編號就唔會生效
因此,以前用過呢個名既化身不會生效

寫上名字後,若喺人類世界時間單位既4個鐘內寫上原因
被寫上名字既人就會因為果個原因而打針

冇寫原因既一律喺40個鐘內打針

寫上原因係有額外36個鐘寫上詳細既內心掙扎詳細既打針情況

如果使用者係藥廠持有人,旗下有相關疫苗,打針一定會揀使用者公司出產既疫苗

沒有貨既情況下會等到有貨再打

名字被寫在筆記上既人兩年後會死

寫真名也有效
———

嘿,仲可以選擇讓對方打幾多枝針。

惡作劇做得咁細致,唔錯。

名字被寫上就會打針嗎。

無聊。

「zzz」
水の呼吸 42日
.
五日後…

「我返嚟la。」

老母面露笑容,雙手合實。

「係wo,比你。」

「哇!成五十萬家用!」

我一直冇同老母講我既真實收入,以防佢獅子開大口加價家用,公司靠喺美國賣大麻庫房水浸冇需要上市,所以公司收入得我同我私人秘書知道。

「係呀,我要home office,唔好阻住我做野。」

「係既係既。」

「科科,你有咩想要,即管同老母講la。」

「冇呀。」

你件垃圾啲家用係我交比你你當係自己收入,你連我半餐飯錢都比唔起呀。

想要既野已經到手…

入房,鎖門,開著部電腦,攞起本打針筆記,望住。

「…….」

「嘿,嘿嘿…」

「似乎你好鐘意呢。」

!!

「哇…哇哇…」

房間出現一個飛蛾形既人形生物,佢著住旗袍,非常嘔心,我嚇到賴咗少少屎落底褲。

「點解咁驚慌,我係打針筆記既失主——疫苗神夸克。」

「睇你啱先個樣, 你應該已知道呢本唔係普通既筆記吧。」

「疫…疫苗神…」

「疫苗神嗎…」

我達咗落地又企返起身。

「我冇驚呢,夸克」

「no…」

「其實我一直等緊你嚟,夸克。」

「連疫苗神都嚟咗…真係服務周到…」

「我已經冇懷疑打針筆記既真偽,咁就可以正視特殊既事,行動更有把握。」

「而且,我有野想問你…」

我雙手打開本打針筆記,入面係寫到密密麻麻既化身名字。

「哇哇,好西利,反而係我比你嚇一跳。」

「雖然過去曾經聽過打針筆記喺人間出現,但係短短五日令咁多人打針,你係第一個。」

「平常人屋企根本冇開藥廠,邊會有原因寫咁多名。」

夸克擺咗個「呢啲就有圖」既姿勢。

「我已經喺知情既情況下使用咗打針筆記,然後疫苗神嚟咗,跟住落嚟我會發生咩事,我會被奪去靈魂嗎?」

「唔?個啲咩嚟,係人類勁嗡架wo…」

咪向左走向右走發姣咁樣我想打Seven你呀…

「我唔會對你做任何野。」

「喺本筆記跌咗落人間果刻,本筆記已經係人界既野,所以本筆記係你既野。」

「唔要既話就將本野燒咗佢,你仲係會有記憶,我會當咩都冇發生過。」

夸克講下講下飛咗出窗口,嚇到啲麻雀尖叫。

「用咗呢本野真係唔洗負上任何代價?」

「冇架冇架…」

「仲有個問題,點解揀中我?」

「咁啱架炸。」

「咁點解你會跌咗本野?」

「唔小心…我hea得劑跌咗,反正好悶,是旦la」

我明。

日日睇住網上一堆人喺到數臭我間公司啲疫苗,又個向左走向右走個唔向左走向右走貨金真係好悶。

「不過就算係咁你都寫得太多名la…」

「因為…我都覺得好悶。」

「我一開頭都唔信,不過果本筆記有吸引人一試既魔力。」
水の呼吸 42日
.
回想五日前…

我打算寫個名落筆記…

「等陣先。」

「萬一我寫完個名條友潛咗水唔覆我既咁我咪唔知佢有冇打針囉?」

未打針既人…
同我口誅筆伐既討論區會員…
一打完針會即刻開post既人…

點講好呢…
我太過認真la…

我撳開咗檸檬登討論區,啱啱好有個post《 有冇做YYY公司人唔滿意XXX公司個疫苗價格?》陰提很大,公司做咗強制身體檢查,話要員工自費打針,聽日返工嗰陣會唔會有咩抗議…

我喺筆記上寫上化身名字:
陰提很大
打針原因: 供樓,打完針後用iphone喺討論區上開post話自己被逼打咗針

40個鐘內打針,訓教。
水の呼吸 42日
.
一日後…

我又撳開檸檬登討論區,《 鳴鳴…我打咗針成身生血栓!!》陰提很大,自己比錢,因為身體敏感副作用搞到生血栓,入咗深切治療部都要上嚟開post,醫生話我準備定身後事都得…

我開著電視,新聞報導,一名男子作日注射XXX公司疫苗後全身生血栓死亡,XXX公司考慮控告死者家屬誹謗,死者家屬失去了一切,本媒體證實了這個消息…

只…只係一個人唔能夠作準…

「科科,你要返工賺錢養我呀~」

隻賤種老母又煩住晒。

「我依家去…」

只能夠揾啲開好多post既人嗎,不過佢地成日貼bam圖,有可能會比人ban咗…

我座喺公司大堂梳化研究緊點樣食公司counter啲新囡員工,有幾個公司奴隸經過。

「唉,公司啲疫苗根本亂咁嚟,做得果少少測試就靠關係上市。」

「咪係囉,都唔知有冇副作用tim架。」

「咦,你都有上檸檬登牙,會員名塞入,hehe~」

「喂呀,唔準話比人聽呀。」

我喺本筆記寫上:
塞入
打針原因: 諗起要供樓
詳細: 喺公司大堂等lift果陣諗起要供樓,即刻衝去實驗室搶咗十枝針嚟打

我叮…

「啊..啊啊啊啊!」

「咩料,你去邊呀,返工呢邊wo,果邊去實驗室架!」

阿唔知邊個衝去實驗室,我都跟埋去。

「唔得…我要供樓…我要打針…打十枝!!」

個傻仔一嘢插咗十枝針落手到,對天叫咗聲「樓呀!!!」

就七孔爆血身亡,原因係身體水份過多,唔關打針事因為本公司既利潤會受到影響…

「應驗la…打針筆記係真既!」

「呢本筆記好恐怖…唔係…」

「我逼打針既係果啲反抗成為我公司利潤既人。」

「咁個公司員工點計,佢只係基於小心求證既科學態度去批評本公司既產品,唔應該逼佢打針呀…」

「唔係…呢個唔係我一直以嚟既諗法咩?」

「世界正喺到反資本化。不停反資本化既人打咗針唔係仲好咩?佢地自己打咗針,就會逼佢地身邊既人都相繼打針,公司既利潤將會極大化。」

我攬住本筆記行返去我office。

如果我擁有呢本筆記,一定做到。

問題係…精神力。

我只係寫咗兩個名,已經覺得有少少攰,由細到咁大個仔都未試過寫咁多野。

果啲全部都係公司利潤,即係我既利潤la。

我頂唔頂得住呢…

定係hea咗佢算?

唔得…
唔能夠收手…
就算要承擔壓力同犧牲其他人既性命…

呢種事一定要有人做…
我間公司既疫苗銷量唔能夠繼續慘淡落去。

係我就應該做到…
應該話只有我做到先啱。
Do it!

用打針筆記,改變生物醫學界板圖!!
比其他孩子長得高?
馬凡氏症知多少
sooohealthy.org
贊助網站
水の呼吸 42日
.
Now

「原來係咁。」

「但係每晚都打唔到匹豬,OT到十一二點,喺五日入面我已瘦咗40公斤。」

「即使係咁,我仍然打算先打掃地球。」

「不斷寫上跨國醫藥公司既ceo既名。」

跨國醫藥公司既ceo使用別間公司既疫苗,完全係為我間公司製造good news,啲合約係咁一鍋蜂擁埋嚟,真係解決唔到問題。

「喺現今世代咁做好易,網上面有晒資料。」

「全世界都知道我同我間公司既存在,認清楚XXX公司係唯一有資格統帥生物醫藥界既企業巨頭,其他垃圾企業將認清自己位置!」

「變成所人都只會購買本公司既產品,我既世界確實咁向住好既方向走。」

「之後,我會…成為科學界既神。

人類果然有趣。
水の呼吸 42日
本作既疫苗係橙汁嚟
請不要對號入座, thx:D
跳到頁尾