[bouncer]up緊,就快得

發表失敗
發表失敗
原因: 確定
翠玉瓜先生 114日
是咁的,我同左依家男朋友一齊好耐,十幾歲已經一齊。男朋友亦介紹過我比佢父母識,不過表面上淨係介紹我係佢朋友。聽我男朋友講係因為佢父母,特別係佢媽媽唔接受佢同男仔一齊,以前仲嘈到好大獲,所以之後佢都盡量唔提佢同男仔一齊既事。不過事實上我成日用朋友身分參加佢地家庭聚會,所以都默認左我唔係只係普通朋友,我都諗住當佢媽媽係奶奶咁孝順。

但最近一次同佢屋企人見面,奶奶突然又問我男朋友幾時搵個女仔結婚,又順便問埋我,我開頭都忍佢,癈事頂撞佢老人家搞到場面難睇。但佢仲繼續講咩咩男人要成家立室,我男朋友係長子嫡孫要繼後香燈之類。到我聽唔落去想行開下果陣,佢又話未講完我就行開好冇禮貌,愈講愈難聽,最後終於講埋心入面果句,話我做咩痴埋佢個仔到,唔會比我入門之類。最後我都忍唔住頂左佢一句「你唔比我入門?你知唔知你個仔個門每晚比我入左幾多次呀!我入門駛你批准呀?」講完我就走左。

其實我好傷心,原來我成日去我男朋友屋企,佢媽媽都仲係當我係外人,從來都冇承認過我同我男朋友既關係。今次之後我諗我地條路會更難行,唔知仲有冇可能同佢屋企修補關係:-(
翠玉瓜先生 114日
自從果日之後我都冇再上男朋友屋企。聽我男朋友講,果日佢阿媽激到好嬲,仲差d暈低要去醫院,又威脅我男朋友咁話如果要同我一齊既話就唔好認佢做阿媽。我男朋友覺得好難做,所以都冇同我見面一排,我心入面明白我男朋友要就奶奶,但我真係唔想因為奶奶唔接受而放棄呢段感情,所以我都一直keep住message我男朋友。本來我男朋友都覺得呢段時間大家應該冷靜下,但可能時間沖淡左件事,琴日佢突然態度180度轉變,話不如出黎見個面,好掛住我果d。我見佢主動返,所以就同佢約左係間cafe見面。

點知琴日我去到cafe果陣,見到既唔係我男朋友,而係佢表妹婉君。我問點解係佢既時候我先知,原來係佢偷偷地用我男朋友電話約我出黎。我知道婉君佢一直鐘意我男朋友,所以搵我出黎一定心懷不軌。果然,佢一黎就惡言相向,叫我離開我男朋友,話咩我地唔會有好結果,如果我同佢表哥一齊係為左錢既話最多開張十萬蚊既支票比我。仲話我男朋友要同女人結婚先可以繼承家族生意,叫我唔好害佢表哥。我嘗試同佢解釋我同佢表哥係兩情相悅,點知佢淨係話唔想聽,仲話我係「死基佬」再跟手摑左我一巴,之後佢就走左。
翠玉瓜先生 114日
之後我好快就收到男朋友電話。佢一黎語氣就好似好嬲咁,問我做過咩黎。我怕佢唔鐘意我同婉君見面,而且唔想佢擔心我,所以就同佢講冇咩野,話我全日都係屋企冇野做。點知佢聽完好嬲,問我做咩打完佢表妹仲要講大話,話婉君咩都話哂比佢知,知道我打左佢一巴。我當下好驚訝婉君居然反咬我一口,即刻同男朋友解釋我冇。但佢淨係問左我一句「咁你今日有冇見過婉君?老實答我!」我答左佢有之後佢已經冇講聽我講,話大家都需要時間冷靜下就收左線...
翠玉瓜先生 114日
果晚我好唔開心,估唔到我男朋友都唔相信我,所以我自己一個去左飲野。但我飲緊野果陣竟然比我撞返我以前既男朋友Chris.佢見我好唔開心咁所以過黎陪我飲,我亦好坦白咁同佢講發生左咩事。好耐都冇試過有男人咁關心我,所以亦同佢傾得好開心,甚至忘幾左係幾年前我地點解會分手。可能係酒精既影響,我之後既記憶都開始模糊,只係記得我飲得太醉所以佢帶左我上佢屋企休息...
潮人必買最新奢華款波鞋
Givenchy新款男裝波鞋HK$2604!
www.farfetch.com
贊助網站
翠玉瓜先生 114日
"Chris, 唔好呀, 我有男朋友..." 我一邊叫, Chris就一邊壓落我度.
"...呀...唔好...停..."唔理我點反抗, 本來外表斯文既Chris已經成為床上既一頭猛獸, 用力捉住我雙手, 就好似月圓之夜既狼人一樣.
"你以前好鐘意架...?" Chris見到我拚命掙扎, 終於開口. 見我冇回應, 又再將頭哄過黎, 好似想鍚我咁.

可能係酒精既關係, 我既記憶中只係得返呢幾個畫面, 任我再想回憶起琴晚既事, 換黎既只有劇烈頭痛. 我回過神黎, 發現自己仲係Chris既睡房, 但Chris已經人去無蹤...
翠玉瓜先生 114日
呢個時候, 我既電話響起, 來電顯示寫住打比我既係我既男朋友, 但當下我真係好亂所以冇聽, 等來電停止後我再睇電話, 發現原來男朋友成晚打左成十幾次比我...
翠玉瓜先生 114日
電話又再發出提示聲, 今次係男朋友send黎既訊息...
'你去左邊啊? 我打去你屋企冇人聽既?' - 23:01
'應下我啦' - 23:02
'Sorry呀, 我知我今日語氣係重左, 又未搞清楚件事就話你' - 23:05
'我問左婉君啦, 佢話今日既事佢都冇怪你' - 23:06
'當冇事發生過ok?' - 23:07

.
.
.

'就算你唔想同我覆我都好, 就話比我知你係邊丫, 成晚搵唔到你我真係好擔心' - 06:06
'點都好, 覆返電話比我啦' - 06:09

見到密密麻麻既message, 我真係好想喊, 好想搵返佢, 但我知道琴晚既事已經令我地既關係留下左永不磨滅既傷痕...
翠玉瓜先生 114日
電話又再響起, 係佢響左兩下之後, 我終於鼓起勇氣接聽, 電話既另一邊, 當然佢心急如焚既聲音.

"你去左邊呀? 你知唔知我搵左你成晚呀?!"

唔知係咪因為佢近乎責罵既語氣, 抑或係我心中有愧, 當下既我無言以對.

"...sorry呀, 我唔係想話你, 我只係好擔心有冇事咋" 或者係聽到我既沉默, 男朋友明顯放輕左聲線.

"我...我冇事呀..." 強忍住心入面既淚水, 我盡量用平穩既聲線回答, 儘管牙關仍然有一絲絲震動.

"咁你依家係邊呀, 不如出黎見個面? 就去你平時最鐘意果間cafe? 駛唔駛我黎接你呀?"

"ar...唔駛啦, 我...我地一陣見啦!" 為左掩飾我既心情, 我仲有D逞強咁將尾音提高.
翠玉瓜先生 114日
呢間cafe係岩岩識男朋友果陣成日黎買咖啡比佢既地方, 所以我每次黎心情都特別輕快, 不過, 今日係唯一一次例外. 我一邊行, 一邊諗我要同佢講咩, 要點樣解釋我琴晚成晚唔見左人. 應該和盤托出, 定係隨便作一個藉口. 可惜, 係我未諗到完美既解決方法之前, 約定既時間已經到左.

我一眼就望得出男朋友坐左係外面既一張檯等我, 一向遲到既佢, 今次居然比我早到. 但諷刺既係, 對今次既見面黎講佢雖然早左, 但對我地黎講卻已經太遲.
翠玉瓜先生 114日
我行埋去男朋友張檯到坐低, 我地雙方都唔知應唔應該開口先. 不過, 沉默持續天不過兩秒, 馬上就比一把高亢既聲音打破.

"你黎左啦? Sorry呀我岩岩去左toilet呀, 唔好意思呀" 係一把帶外國口音既聲.

我向聲音既來源望過去, 原來係成件事既始作俑者婉君. 因為男朋友事前完全冇同我講過佢都會黎, 我一時之間完全唔識反應. 不過打扮妖艷既婉君亦冇打算等我開口, 就已經自動坐左係我男朋友側邊.

"係咁既, 因為婉君同你之前好似有D誤會, 所以我特登叫埋佢黎." 男朋友係同我單獨相處時保持緘默, 但係婉君開聲之後卻自然地跟著講野.
114日
Lm
衰十一郎 114日
第一段好似睇過…
翠玉瓜先生 114日
"Well, what's past is past" 婉君故作豁達咁用洋文講.

"咁既表妹都唔介意, 咁琴日既事就當粉筆字咁抹左佢啦, 至於阿媽果邊..." 男朋友講到一半, 我已經忍唔住出聲.

"咩抹左佢呀? 依家係我比佢打喎, 佢屈我我都未同佢計, 佢仲係度扮大方?" 沉唔住氣既我終於將我既不滿講出口.
翠玉瓜先生 114日
第一段好似睇過…

前面係之前出過, 依家繼續寫埋
JJB '_' 43日
點知婉君突然企起身, 好激動咁話佢冇打過我.

"我冇打你呀! 你做咩要屈我呀? Why?" 聲線仲有些少抖震, 好似好委屈咁.
JJB '_' 41日
"你地一人少句啦!" 我男朋友係呢個時候亦企左出黎.
跳到頁尾