[bouncer]up緊,就快得

發表失敗
發表失敗
原因: 確定
極端的年代 79日
重溫舊貼

#good# 【常威考証】大清亡國關我老母蛋牛治
https://m.hkgolden.com/view.aspx?message=6835958&page=1

#good# 【常威中史】大清亡國關我老母蛋牛治2
https://m.hkgolden.com/view.aspx?message=6885326&page=1

#good# 【常威中史】大清亡國關慈禧蛋牛治 3
https://m.hkgolden.com/view.aspx?message=6928986&page=1

#good# 【常威中史】大清亡國關我老母蛋牛治 4
https://m.hkgolden.com/view.aspx?message=6970625&page=1

#good# 【常公子近代史】大清亡國關我老母蛋牛治 5
https://m.hkgolden.com/view.aspx?message=7007456&page=1

#good# 【常公子近代史】大清亡國關慈禧蛋牛治 6
https://m.hkgolden.com/view.aspx?message=7044235&page=1

#good# 【常公子近代史】大清亡國關慈禧蛋牛治 7
https://forum.hkgolden.com/thread/7085861/page/1

#good# 【常公子近代史】 8
https://forum.hkgolden.com/thread/7134248/page/1

#good# 【常公子近代史】 9
https://forum.hkgolden.com/thread/7173701/page/1

#good# 【常公子近代史】 10
https://forum.hkgolden.com/thread/7224663/page/1

#good# 【常公子近代史】 11
https://forum.hkgolden.com/thread/7274558/page/1

#good#【常公子近代史】 12
https://forum.hkgolden.com/thread/7321775/page/1

#good#【常公子近代史】 13
https://forum.hkgolden.com/thread/7363743/page/1

#good#【常公子近代史】 14
https://forum.hkgolden.com/thread/7405816/page/1

https://upload.hkgolden.media/comment/ucg5pafy.1yu1duzaxms.dtwcqroqbnm.gj5.jpg
極端的年代 79日
https://upload.hkgolden.media/comment/qgp1bcug.qlgkdlazvpp.ddr5f5nt1co.jnl.jpg

【常威近代史】(五百七十二回)
蔣Sir受洗成為基督徒

1930年10月3號,蔣軍佔領開封,10月6號,蔣軍攻佔洛陽,馮玉祥及閻錫山部隊十幾萬人,大部分被俘虜被收編,當然係以馮玉祥嘅軍隊為主,中原大戰亦宣佈進入尾聲善後階段。

10月3號,法國商船「大廣東號」抵達汕頭港,法籍船主指示船員毆打船上十幾個潮籍歸僑,打死工人蔡裕欽,仲將屍體拋落海,暴行被揭露之後,汕頭總工會通令港口工人拒絕對該輪嘅駁卸、落客、逼使其傻的嗎9停留響海面,同事要求市政府扣押該輪。經過同法國領事交涉,汕頭市政府喺5號同意放行「大廣東號」。15號,汕頭民眾組織該案後援會,議決對法國經濟絕交,18號,舉行三萬人大遊行示威!民風強悍嘅潮州人(架忌冷)真係唔可以蝦。

10月5號,北平各國立學校共收到南京政府35萬元匯款,有望開課,之前汪精衛閻石山馮玉祥等喺北平另起爐灶,睇嚟亦都冇錢經營北平,組織前文後理,睇嚟中原大勝嘅獲勝者蔣Sir,佢贏在有錢,上集已經講過,張學良係收錢先肯幫你拖入關撐場,蔣Sir至少有錢過閻石山同馮玉祥,至於點解佢咁疊水?啲錢點樣嚟?歷史當然冇話畀我哋知真相,大概係同美國勢力有關,除非唔係。

之前已經講過,今日再講多次,有句說話叫「財來自有方」,你見到好多有錢人,但係你永遠唔會知道佢哋啲錢點樣搵返嚟?當然佢哋都唔會話你知。同你講努力工作就有出頭天,勤勤力力擔屎唔偷食就會發達,你信嘅話你係傻瓜。畢竟有錢人點解會係有錢人?當中就係有你唔知道嘅秘密,否則你就成為有錢人啦,駛向左走向右走捱窮咩?渠頭!

10月7號,吉安召開十人大會,宣佈江西省蘇維埃政府成立!(呢個就真係真真正正係另起爐灶啦),10月9號,北平至吉林直達列車開通,舉行通車儀式; 同日張學良喺瀋陽就任南京政府委任嘅陸海空軍副總司令一職,成為中華民國南京政府最有權力嘅第二把交椅。10月10號,蔣Sir發表雙十節文告,提出五項政治方針:肅清剿共、整理財政、澄清吏治、發展經濟、實行地方自治。「剿共」,清除共產黨勢力已經排喺第一位,仲有一點,第五個方針「地方自治」,亦反映出中央仍未夠強勢,距離「大一統」之路,仲有好遠好遠。

同日,響比利時舉行嘅萬國博覽會上,中國獲獎399項,名列第三,當中徐悲鴻(1895-1953)獲繪畫特獎,徐悲鴻,原名徐壽康,江蘇宜興人,中國現代畫家、美術教育家,兼擅油畫及水墨畫。中國現代藝術巨匠,中國現代美術奠基者,與顏文樑(1893-1988)、林風眠(1900-1991)和劉海粟(1896-1994)並稱「四大校長」,桃李滿門,最近,徐悲鴻嘅一幅國之瑰寶級油畫《奴隸與獅》,估值係$3.5億 - 4.5億港幣,成為史上估價最高嘅亞洲藝術品,你都咪話唔巴閉。徐悲鴻自1933年起響世界各地舉辦中國美術展覽同個人畫展,此後重返南京,擔任中央大學藝術系教授兼系主任。1946年任國立北平藝術專科學校校長,1950年任中華人民共和國中央美術學院院長,曾任中華全國美術工作者協會主席,1953年於北京逝世,享年五十有三。
極端的年代 79日
10月11號,立法院通過《電影檢查法》; 10月13號,蔣Sir公佈 中原大戰死傷數字,蔣Sir一方約30000人陣亡,60000人傷,閻石山馮玉祥方面,死傷人數達到150,000以上,整場戰爭死傷總數超過300,000人,算係為呢場中原大戰作一個總結,但係我講過,數字並唔可信,畢竟當時採用嘅統計方法實在太粗疏,仲有上述嘅數字只係軍人嘅傷亡人數,未計平民嘅傷亡數字,當時嘅戰爭,係有大量嘅平民參與。

10月15號,中華民國嚴禁栽種罌粟;1930年 10月23號,蔣Sir 偕同夫人宋美齡自南京抵達上海,參加宋母嘅祈禱禮,蔣Sir接受基督教儀式洗禮,正式成為一個基督徒。背後嘅政治意義,就係蔣Sir同美國連成一線,美國嘅國教係基督教,之後中國同中國四億人嘅命運,亦都與此息息相關。但係同一日,國民政府卻下令,以後國幣、郵票、印花票上,一律禁止印上外國文字,只可以印中文,呢個舉動,應該係同增加國民意識形態嘅向心力有關。同日,湘、鄂、贛三省綏靖會議喺漢口召開,決定剿共部隊嘅配備、經費籌措同埋聯絡方法。

10月28號,國民政府以招商局「經營無方、腐敗滋甚、瀕臨破產」為由,命令將其收歸國有,成為國企。招商局係中國最大嘅航運企業,國民政府成立之後,即開始對該局實施控制,1927年11月,就設立咗招商局監督辦公處,1928年1月,監督處下令將原董事會全體董事「停職查辦」,同時下令招商局改設總管理處,之後就開始咗一系列管理體制改革。1928年8月,全國交通會議喺南京召開,會議就招商局嘅體制問題展開咗激烈嘅辯論,最後確定以「收歸國營」為原則,並以「官商合辦」為過渡辦法,此時招商局經濟不振、弊端重重,被迫大舉借貸,上年6月,招商局改隸國民政府,名義上仍為商辦,實際上已由國民政府代管。歷史的確係一面鏡,從前發生嘅事,今日亦都發生中……有陣時,加強監管,甚至收歸國有,並唔係因為賺蝕嘅問題。
極端的年代 79日
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

請加入常公子的近代史世界!

#常威 #廣東話 #中國近代史 #HongKong #Chinese #History
比其他孩子長得高?
馬凡氏症知多少
sooohealthy.org
贊助網站
極端的年代 79日
https://upload.hkgolden.media/comment/cd5coz21.4rt4canyftq.rarhwbybnup.pfr.jpg

#yup# 【常威近代史】第九部《孫文之死》
https://play.google.com/store/books/details?id=evMsEAAAQBAJ

#yup# amazon同步上架請大家大力支持!
https://www.amazon.com/dp/B094D663XH
永遠的蘇狄雄 79日
#hoho#lm
極端的年代 79日
https://upload.hkgolden.media/comment/rus1jayt.hp1bhzzamau.wumir5poh4z.wej.jpg

【常威近代史】第十部《蔣Sir狼死開拖》
https://play.google.com/store/books/details?id=SgE8EAAAQBAJ

Kindle版
https://www.amazon.com/dp/B09C2FJD3S

先睹為快,請大家捧場#yup# #yup# #yup#
極端的年代 78日
#唔鍾意睇字可以聽

https://www.facebook.com/129055447762576/posts/784415038893277/
極端的年代 76日
https://upload.hkgolden.media/comment/d4mjxc5r.qdsjpv3gknm.e5f0a5usin2.tsu.jpg

【常威近代史】(五百七十三回)
屠夫與豬

1930年10月30號,上海中國公學校董會作出決議,因為校長著名教育家、柏林大學工程物理學博士、曾出任北洋政府司法總長嘅知識分子馬君武(1881-1940)「干犯黨怒」,予以免職,由于右任(1879-1964)繼任校長一職。10月14號,中國公學政經系國民黨黨員學生李維、嚴照經等企圖包辦系學生自治會,亦即係我哋而家叫嘅學生會, 李、嚴與同學鄧中邦、魏佑翰等發生衝突,之後鄧中邦、魏佑翰被指控為共產黨員,被軍隊逮捕,第二日,馬君武將兩人保釋,而李、嚴二人因自把自為向軍方打小報告,擾亂學校秩序,被開除學籍。10月25號,上海國民黨第八區黨部通電指控馬君武不設黨課、藐視總理、不願掛黨國旗、包庇反動分子等罪名。大家亦可以睇到,馬君武雖然係一個大名鼎鼎嘅學者知識份子,但係犯上政治錯誤,都係要受到教訓!

馬君武被免職後,該校學生1200幾人召開大會,堅決挽留原校長,而蔡元培更親自前往敦勸于右任早日就職,平息風波。11月10號,學生因為馬君武被免職一事發生衝突,警方前赴顛壓,同日,赴日訪問嘅馬君武回到上海,中國公學學生代表前往迎接,懇請馬君武回校主持校政,11月26號,馬君武到校視察,校內一切仍由馬君武主持,真係國有國法,校有校規,政治一旦進入學校,其實好難處理。呢啲事,其實有理說不清,凡是牽涉到政治,就冇啱同錯嘅問題,只有勝和負嘅問題。接受唔接受都好,呢個係真相。

10月31號,北平公安局發表統計數字,至本月底,北平戶口居民為261,951戶,居民人數為1,318,218人,除開每戶大概有4個人左右(咁少嘅?),北平住咗百幾萬人,係當時嘅亞洲大都市。同日,汪精衛、馮玉祥、閻石山早已經離開北平,喺閻石山大本營山西太原開會,打輸中原大戰嘅馮玉祥、閻石山決定下野,之前已經講過,馮玉祥就慘到阿媽都唔認得,一鋪清袋,輸光輸淨,正式離開政治舞臺,閻錫山就繼續返番去山西,做其山西王,冇人吹得佢脹,兩者待遇有別。

所以,不得不承認,北洋一衆軍閥之中,以山西王閻石山最為機靈,永遠死唔去,亦係最長命,點到你唔服?冇辦法,世界上始終有幸運嘅人,亦有不幸嘅人,基本上亦同能力無關,尤其政治世界中,五分靠實力,五分靠運氣,一個人如果冇運,就真係好難搞。不過運嘅嘢,非常虛無飄渺,屬於哲學上嘅形而上學範疇,唔係每個人都可以掌握,「運」 唔係單純風水算命五行八卦,認真去講,其實係無從捉摸,所以冇得講。
極端的年代 76日
不過打場中原大戰,閻錫山亦都附上極大代價,山西省銀行戰時濫發紙幣cap水,導致幣值狂跌,山西省金融亦一片混亂,不過我成日有個感覺,依種金融混亂狀態,當然有無數人平民百姓Hi Hi,但係亦都有人會一朝富貴,一夜賺夠幾代駛嘅錢,大家如果明白我講乜,亦會瞭解個社會嘅運作方式。有人講,社會上分成兩種人,第一種人叫平民百姓、叫豬,第二種人叫冒險家,或稱屠夫,專殺豬嘅。

時間線進入1930年嘅11月,因為戰禍連綿,嚴重影響社會經濟,11月1號,因為絲綢滯銷,上海106間絲廠全部停機,失業人數多達40000人;同日, 天津妥信銀行因虧欠十幾萬,今日倒閉,經理潛逃,上述例子,亦只係冰山一角。11月4號, 下野嘅閻石山宣佈取消太原中華民國陸海空軍司令部,江蘇省政府決議發行首期建設公債400萬元,向民間籌旗經營政府,睇到都心痛。11月7號,國民黨中宣部命令,新聞報導及記載,一律採用白話文,再唔俾用文言文。11月8號,全國禁煙會發表統計報告,本年上半年,全國海關共查獲鴉片及麻醉科毒品共值白銀47萬餘兩,我個人相信,只屬冰山一角。11月9號,教育部下令取締所有學校嘅宗教儀式,大概唯一可以相信嘅宗教,只有「三民主義」; 11月12號,國民黨三屆四中全會喺南京召開,海軍新艦「逸仙號」舉行下水典禮。

11月14號,毛澤東第二任妻子楊開慧(1901-1930)喺湖南長沙遇害,壯烈犧牲。楊開慧上個月喺長沙東鄉板倉一帶被密探發現被捕,長沙國民黨當局許諾衹要楊開慧宣佈與毛澤東脫離關係,即可恢復自由,但係楊開慧斷然拒絕。楊開慧係毛澤東老師教育家楊昌繼(1871-1920)嘅女兒,1920年同毛澤東結婚,之後楊開慧一直從事中共地下工作,係一個堅貞不移嘅馬克思主義者。佢同毛澤東結婚之後,二人聚少離多,楊開慧同毛澤東生下三個孩子,分別係毛岸英(1922-1950)、毛岸清(1923-2007)以及早夭嘅毛岸龍(1927-1931)。

楊開慧臨刑之前講:「死不足惜,但願潤之革命早日成功!」

1927年,毛澤東準備組織秋收起義,後上井岡山,楊開慧攜帶兒子回到長沙板倉鄉下老家躲避被捕,有傳聞蔡元培向當時嘅湖南省主席何鍵發電要求保釋楊開雲,何鏈回復蔡元培時謊報已處決楊,並下令立刻處決,11月14日楊開慧被處決。當時響江西嘅毛澤東得知後,寄信給楊家,信中有云:「開慧之死,百身莫贖」。

#常威 #蔣介石平反系列 #黃金十年 #民國歷史
極端的年代 76日
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常公子近代史】第三部《#東方維多利亞女王之死》https://play.google.com/store/books/details?id=GaGrDwAAQBAJ

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第五部《霹靂大忠臣對決無敵大買辦》Round two
https://play.google.com/store/books/details/%E5%B8%B8%E5%A8%81_%E9%9C%B9%E9%9D%82%E5%A4%A7%E5%BF%A0%E8%87%A3%E5%B0%8D%E6%B1%BA%E8%B6%85%E7%B4%9A%E5%A4%A7%E8%B2%B7%E8%BE%A6_ROUND_2?id=puXmDwAAQBAJ

【常威近代史】第六部《最九衰的大軍閥時代》Round 1
https://play.google.com/store/books/details?id=bCMNEAAAQBAJ

【常威近代史】第七部《最九衰的大軍閥時代》Round 2
https://play.google.com/store/books/details?id=lPgaEAAAQBAJ

【常威近代史】第八部《最九衰的大軍閥時代》Round 3
https://play.google.com/store/books/details?id=fY8mEAAAQBAJ

【常威近代史】第九部《孫文之死》
https://play.google.com/store/books/details?id=evMsEAAAQBAJ

【常威近代史】第十部《蔣Sir狼死開拖》
https://play.google.com/store/books/details?id=SgE8EAAAQBAJ

*available on android and ios
極端的年代 75日
[常威近代史]第五百七十三回 屠夫與豬(高清錄音版)

#唔鍾意睇字可以聽

https://www.facebook.com/129055447762576/posts/786097458725035/
極端的年代 74日
https://upload.hkgolden.media/comment/g0mozsjn.hsh1bf5b20z.11h0xxfhd0u.gzl.jpg

【常威近代史】(五百七十四回)
借錢總要還 咪畀錢中介

1930年11月15號,香港《工商日報》增出晚報,創立晚報潮流,做人一日要睇兩份報紙,朝一份,晚一份,緊貼時局,《工商日報》於1925年7月8日創刊,創辦人洪興錦,督印人容守正,報社位於中環結志街六號。除賣香港之外,亦賣到中國同外埠。《華僑日報》、《工商日報》和《星島日報》係香港早期三大中文報紙,其中《工商日報》及《工商晚報》於1984年12月1日停刊,《華僑日報》做多10年貨仔,亦於1995年1月12日停刊,只有《星島日報》 頂到今時今日。報紙,曾經係最重要嘅媒體工具同社會喉舌,相信到咗今日仍然都係,一份報紙有幾大威力?你睇香港《蘋果日報》嘅前身今世就一清二楚,早前2021年6月《蘋果日報》停刊,成個香港社會嘅氣氛立刻轉變曬,相當得人驚。

11月15號,中華民國財政部召開有英國、法國、美國、日本等九個國家代表同埋國內債權代表出席嘅秘密會議,商討整理內外債務,咁多年利疊利,滾雪球效應之下,中華民國嘅債務問題已經到達頂點,即係無法償還嘅地步,自國民政府成立以來,已經有風吹要整理債務,但係因為戰火彌漫而無暇顧及,打多場中原大戰,債務有增無減,而且國府亦有以大規模舉債以作重設經濟之用,於是不得不召開債權人會議,公開承認以往政府所拖欠嘅債款,重新建立國際借貸信用,雖然舊債未清新債免問,但係唔借新債,又點有錢冚舊債呢?

根據財政部嘅估計,當時中華民國有外債200幾種,共值12億元,內債為8億元,一共欠債20億(如果用奉票計算,就係1000億奉票)。當中債務爭執較多嘅係鐵路債款是否同一般債款相同待遇?借錢畀你起鐵路,分擔風險同享有鐵路權益,同真金白銀借畀你花飲飲食食,始終係唔同。如果計算埋鐵路方面貸款,日本毫無疑問將會係最大嘅債權人。依次債權人會議並未達成任何具體協議,都係意料中事,「借錢總要還,咪畀錢中介」 從來都唔會錯。會議最後定立綱領如下:「自本年度起,以不違背債務,不損害債權國利益為原則,按年撥還各國債務。」並且預計,今年可以由海關撥還內外債500萬元,如果條數真係咁計,欠20億,一年還500萬,即係還0.25%?利息都未夠喎?有啲債,仲去到八九厘年息,點死呀?其實都唔使問,一早已經死咗。個情況就係比喻落場踢波,巴西對大溪地,未完上半場已經落後10:0,仲要領咗三張紅牌,龍門傷X埋,冇後備,你話反cup同追和嘅機會有幾大呢?answer係0。
極端的年代 74日
11月17號,河南有單大案發生,河南商城20幾個鎮俾土匪連環洗劫,一共綁走肉參1000幾人,損失財物共達1000萬元以上!非常得人驚,社會危險成咁,難怪當時每個有錢嘅鄉鎮,都有自己嘅私人保安隊,雄霸東北嘅張作霖就係保安隊出身!不過保安隊做大咗,好多時候就會成為地方霸權,變咗小型軍閥,或者唔入歧途,又變成土匪,或叫馬賊,真真正正叫連鎖效應。11月20號,上海金融界聯合調查結果公佈,中國嘅國債約為13億元,其中外債佔70%,內外債比例,同政府公佈嘅一樣,但條大數就少成7億,相信就係同鐵路債項目計算有關。

11月22號,鐵路部統計,關內火車喺中原大戰期間損毀1000輛,剩低3000輛,冇咗四分一!11月23號,汪精衛夫婦由天津乘坐郵船逃亡日本,又一次著草,又一次打輸比蔣Sir!但係,汪精衛仲會覆灼,去到日本又會重新開始,又係日本,全部都係日本!11月25號,之前領導中共中央發動紅軍攻佔主要城市戰略失敗嘅李立三,喺莫斯科接受共產國際嘅審查,隨後被扣留喺蘇聯達15年之久,要去到第二次世界大戰結束先返翻中國。

11月27號,原本屬於閻錫山嘅晉軍被張學良收編統領,改稱為邊防軍。同日,原本馮玉祥嘅地盤河南戰區受兵禍之亂,全省有800萬人陷於饑荒之中,急需救援。河南省位於中原大戰軍閥勢力交接之處,屢遭戰火波及,加上大量土匪橫行,百姓生活水深火熱,今年5月,北平方面發表調查報告,稱河南省全省112個縣,災區有104個,其中匪患災區佔76個縣,兵災佔28個縣,水旱災2個縣,但匪災同兵災?由究竟點樣分?我個人唔明白。但每日平均餓死1000人,就係殘酷真相。而且在中原大戰期間,喺寧陵、陳留、睢縣、蘭封、道許5縣,一共掘出戰壕170餘條,共占土地9000畝,20世紀初期嘅戰爭,戰壕戰係基本戰略,大家睇電影都睇得多,上述嘅170條戰壕,如果要填平,所需經費超過100萬,但又邊度有錢呢?

11月29號,由中央研究院同山東省政府聯合組成的山東古蹟研究會喺章丘龍山鎮城子崖發掘譚國古城遺址,今日發現咗被稱為龍山文化嘅代表作品——黑色陶瓷。龍山文化處於新石器時代晚期,屬於父系氏族公社制時停期,分佈於黃河中下游及沿海地區,當時陶器已經開始使用高溫嚴密封窰嘅技術,令陶坯嘅鐵素能夠充分還原,從而質地堅硬,燒制嘅溫度約攝氏950度。黑色陶器中,除平底器外,仲有圈足同三足器,紋飾有繩紋、藍紋同方格紋、弦紋等,仲有縷孔嘅,係新石器時代陶器體系中,別樹一幟。

#常威 #蔣介石平反系列 #黃金十年 #民國歷史
極端的年代 73日
【常公子歷史頻道404回:替大軍閥平反系列之 支那佛學院佛學大師歐陽竟無】

佛教自魏晉南北朝由印度經絲綢之路傳入中國,自此大受歡迎,中國文化亦由儒家哲學和道家哲學之外,衍生出第三條路徑,因此構成了「儒、釋、道」三家鼎立之勢,當中,以佛家的宗教意味最重,義理亦最深。佛學在中國的發展,自成一派,到了唐代,始達顛峰,開出「天臺」和「華嚴」二宗,在女皇武則天的大力推動下,更成為國教,中國佛學文化漣漪向外急速擴散,波及整個亞洲大陸,影響力非同小可。

四大名著「西游記」中的主角唐三藏便是唐代的名僧玄奘大師,這位我認為是世界上最聰明的人之一,從天竺帶來了佛教的最高經典「唯識學」回到大唐,至此,佛教的哲學義理亦到達盡處,西方哲學要到200-300年後,方才到達相同層次,不過這是後話。不過凡事物極必反,中國佛教發展到最高峰,即是寺院最多出家人最多的日子,就是大唐盛世武曌統治的時代,武曌死於705年,在她死後的140年,唐武宗會昌五年,篤信道教的唐武宗就發動了中國歷史上一場最大的滅佛事件,史書記載,唐武宗勒令二十六萬人還俗,我並不認為純粹是「佛、道二教之爭」,只是佛教團體宗教勢力不斷坐大,除了影響國家經濟,也影響國家政權穩定性,所以統治階層不得不出手撥亂反正,或進行自保。

唐武宗滅佛事件影響極其深遠,事實上世界佛教的義理發展,在盛唐時期到達前所未有的顛峰,不過社會上也不需要太多思考哲學的「智者」,忠誠的「勞動者」反而才是必需品,唐武宗滅佛之後,中國佛教至高峰滑落,從此一蹶不振,淪作愚男愚女求神拜佛不在話下,有人說,中國並無「哲學」,終日把二千多年前秦始皇焚書坑儒掛在口邊,卻沒有人炮打唐武宗殺斷佛教哲學之源,歷史其實相當不公平。

https://youtu.be/MXiELvnL0-w

最新上線,請課金支持
【常威近代史】第十部《蔣Sir狼死開拖》
https://play.google.com/store/books/details?id=SgE8EAAAQBAJ
Kindle版
https://www.amazon.com/dp/B09C2FJD3S
極端的年代 73日
https://upload.hkgolden.media/comment/yoxzkwel.vtdgw2arhq4.ewvyeorbzos.dd4.jpg

本土唯一香港土話近代史文本

【常威近代史】第一部《大清亡國關慈禧蛋牛治》,全面開放,免費下載, #freedownload!

Free下載連結

https://play.google.com/store/books/details?id=C3hjDwAAQBAJ
極端的年代 72日
https://upload.hkgolden.media/comment/gmwgyg5x.qioxc2tmfj0.dt0fatd1q5e.xsc.jpg

【常威近代史】(五百七十五回)
首先做好自己 一定冇錯

時間線進入1930年嘅12月,中原大戰戰火平息,以馮玉祥一鋪清袋收場,但係剛剛係中原大戰抽身出嚟嘅蔣Sir,就立刻親自部署咗對中共江西蘇區紅軍嘅第一次大規模圍剿,戰火其實從來冇平息,不過矛頭就直指中共堀起嘅朱毛紅軍。月初,蔣Sir乘坐「永綏」號軍艦沿長江西上,視察湘、鄂、贛三省嘅剿共部隊,對外宣稱剿共大軍合共30萬,對紅軍實施「 四面圍堵,無異網羅」 天羅地網式嘅大圍剿。12月9號,蔣Sir 喺南昌召開軍事會議,限定一個月內奪回紅軍手中嘅各個城池,兩個月來肅清紅軍,隨後,又通電各路指揮,懸賞五萬元緝拿朱德、毛澤東、彭德懷、黃公略(1898-1931)四人。

紅軍採用「誘敵深入」嘅戰術,先以小股兵力對圍剿嘅敵人節節阻擋,引誘敵人深入腹地,拉長補給線,再用遊擊戰略邊打邊走邊退邊進大打消耗戰略,以空間換取時間,12月19號,紅軍更主動放棄東固、退守靈都、興國、雩(音愚)都一帶,誘敵深入山林不毛地帶,24號,紅軍喺黃陂照開總前委會議,決定對分三路推進嘅剿共軍隊實行中央突破,30號,張輝瓚(1884-1931)嘅第18師同埋兩個旅喺龍江遭到紅軍圍殲,1931年1月3號,第50師一個旅又喺東韶被殲,至此,國軍嘅首次大圍剿以失敗告終,紅軍嘅遊擊戰術取得全面優勢,哩個時候,蔣Sir應該開始要重新思索,佢面對嘅究竟係一群乜嘢嘅敵人?紅軍嘅裝備大概遠遠不及閻錫山同埋馮玉祥軍隊,但係紅軍嘅戰意和韌力,就一定遠遠喺佢哋之上!

呢個時候,社會嘅經濟狀況究竟又係點呢?1930年年尾,統計數字講俾我哋知,全國計有各類工廠1975間,Yes!only 1975間,只有1975間,以一個四億人口嘅超巨大國家來講,實在少得可憐,19萬間都嫌少喇,其中紡織工業、飲食工業、化學工業及機械工業佔多數,如果我哋將中國嘅工業化起步點set向1860-1870年嘅洋務運動,咁樣未免行得太慢,比烏龜仲要慢,同一岸之隔嘅日本比較,正正就係龜兔賽跑。另外,全國累計有商業公司944間,連1000間都冇,全國新開辦嘅商業公司68間,總資本額約為3200萬,好少,真係好少!1930年,對外貿易進口額為13.1億兩,出口額為8.9億兩,好明顯,入不敷支,有巨大嘅貿易逆差。全國年產煤2603噸,鋼鐵225萬噸、石油36.4萬桶、金11.4萬兩、銀11.9萬兩。全國在學嘅中學生大概51.4萬人,大學生約3.7萬人。
極端的年代 72日
數字足以說明一切,凡事皆要用實質數字量化,先可以得知真相。我再重申一次,千萬唔好用今日嘅角度去睇當時嘅中國,當時嘅中國,只係一個貧窮落後、四分五裂嘅國家,大部份財富資源同人才,只係集中喺全國幾個(或十幾個)重要嘅城市內,其餘95%以上嘅廣大地區,都係以貧窮農民為主,亦冇所謂管理同規劃,甚至冇任何法治嘅概念(都唔識字,法咩治?),簡單啲講,叫自生自滅,理唔到咁多。1930年嘅中國,喺國際社會上,祇不過係今日嘅埃塞俄比亞或阿富汗伊拉克,冇乜人會理會,亦冇乜影響力,外國人淨係知道中國立立亂戰亂頻繁民不聊生(同我哋今日對阿富汗嘅認知大同小異)。當時世界嘅中心仍然係歐洲大陸,當然仲有以經濟力量工業力量強大崛起嘅日本同埋美國,凡事講錢,有錢就惡,冇錢Stop la,其實非常簡單,一啲都唔複雜。

1930年12月4號,中蘇代表喺莫斯科召開第二次會議,決定將交涉分中東鉄路、通商、復交三組進行,有排傾,亦已經傾咗成年。12月6號,行政院嚴令教育部整頓全國學風,學校係最重要嘅意識形態國家機器,凡事要由教育做起,當時行政院認為全國學校學風不良,「不憔教育破產,抑且有亡國滅種之憂」,教育有幾重要?其實教育最重要。1930年,中央大學、勞動大學、中山大學等學校相繼發生學潮,理由有好多種,我亦都提過唔少,學潮令到政府非常頭痛,行政院喺今日命令宣佈一齊罷課、集會屬非法行為,責令「學生惟當一意力學、涵養身心,凜古子思不出位之訓戒,奉總理三民主義為依歸,不得干涉行政,致荒學業」,叫學生唔好再搞政治搞反抗,專心返學讀書,如有違令越軌者,政府「唯有執法嚴繩,以治反動派者治之,決不姑息」,話畀你聽,再搞事就拉,依法處理,歷史的確係喺度不斷重複又重複。

其實都冇話唔啱嘅,學生要搞政治?首先學生唔識政治,政治嘅嘢,亦唔係讀幾十本有關政治及政治哲學嘅書籍就能夠清楚瞭解,十零歲人仔,未響社會碌過捱過,又點知道世途有幾險惡呢?一腔熱血,年少氣盛,亦最容易衰衝動,亦最容易被人煽動或利用,一刀切唔好搞,其實亦係一個唔錯嘅選擇,出嚟衝出嚟犯法,利益由背後人獨佔,刑責則由自己承受,情況好多時候都係咁發生,今日大家相信已經一清二楚,無需要講得太多,實踐始終係檢驗真理嘅唯一方法。

高尚情操啲嘢,其實好虛無,千其唔好無限放大,真實生活,好多時候只係求三餐一宿,求活得安心,對身邊嘅人負上應盡嘅責任,其實已經相當足夠。有一句說話永遠冇錯,你以為可以改變世界?到頭來祇有改變咗你自己,或者無論點都好,首先做好自己,盡好自己責任,就一定冇錯。

#常威 #蔣介石平反系列 #黃金十年 #民國歷史
岡部倫太郎 72日
#cn#
極端的年代 71日
【常公子歷史頻道405回:替大軍閥平反系列之 中國人自己嘅文藝復興】

新型冠狀病毒疫情果然是一件沒完沒了的事情,由2020年頭開始發展至今,已經就快兩年時間,但世界各國仍未能控制疫情蔓延,今天全球已經有二億人受到感染,平均每35個人就有一個曾經中招,疫苗出現亦冇為全球疫情帶來新曙光,感染病毒嘅死亡率仍然維持喺2%左右,情況同一開始一樣,並沒有顯著改善,殘酷嘅真相係,似乎每種疫苗嘅出現都冇辦法追上病毒嘅變種速度,病毒亦都不斷變種,繼續狙擊人類。

為咗阻止新型冠狀病毒擴散,全球各國採取封閉,隔籬,限制出入境等手段,亦因此令到全球人口流動大減,貿易額下降,所付出嘅經濟代價,有人講已經超過世界大戰。疫情發展至今,已經有好多人發問,究竟我哋應否付出這麼大的代價去應付一隻死亡率只有2%嘅病毒呢?答案唔可以肯定,因為每一個人都有唔同嘅睇法,我記得疫情起初出現,美國前總統特朗普已經講過毋需理會,當冇件事發生,冇必要戴口罩,當然佢亦為此丟失咗連任嘅機會,不過今日睇返轉頭,Donald Trump可能冇錯。

好多國家,實在頂唔順封關防疫措施,紛紛開放門戶,好似英國,就將所有防疫措施解除,要市民過返正常生活,同病毒共存,而亦有好多國家紛紛效仿——情況就係,既然付出好大代價都控制唔到疫情,不如乾脆唔控制。是對是錯?到目前冇人知道,正如冇人知道下一輪變種病毒會帶嚟乜嘢後果?美國最新公佈25000億美圓印鈔計劃重振疫後經濟,是對是錯?到目前冇人知道,再印多25000億會帶嚟乜嘢後果?亦冇人可以預料,不過印銀紙所引發嘅通脹,就一定要由全世界承受,依一點就肯定。再講多次,再講多一次,如果印銀紙可以解決問題,個世界根本完全冇問題……

https://youtu.be/pU8q2WMk9HI

【我奮鬥不奮鬥】 常公子 楊熙合著

電子書下載 https://play.google.com/store/books/details?id=CVo3EAAAQBAJ
Amazon Kindle版下
https://www.amazon.com/dp/B098XHWTDK
實體書訂購
https://www.382now.com/product?id=325
極端的年代 71日
#唔鍾意睇字可以聽

https://www.facebook.com/129055447762576/posts/788444731823641/
極端的年代 69日
https://upload.hkgolden.media/comment/pf0kqlkm.vmodd1juqy4.dnu0sdfre1p.qk3.jpg


【常威近代史】(五百七十六回)
永久廢除厘金 收消費稅

1930年12月6號,當時中華民國最先進嘅大城市上海,真如國際無線電臺今日舉行開幕典禮。依座電臺係前年開始籌建,建築費用為美金40萬,國幣54萬元左右,由此可見,當時中華民國貨幣同美圓匯率大概係1:1.3,電臺喺11月完工,同美國舊金山同埋德國柏林試行通訊,運作正常。電臺開通之前,日本駐上海辦事處宣稱:段祺瑞政府於1903年曾經同日本訂立無線電臺合同,規定中國建立無線電臺,日本可獨佔借貨權,而今次向美國借錢興建電臺,與舊約牴觸,十勁幾年前嘅嘢喎?講嚟把托咩?因此中國外交部對此未有理睬。

由上述事件可以睇得到,中日之爭,同步亦係美日之爭,美國同日本嘅關係亦都日益惡化,日本人一早唔妥美國人,日本嘅幕府封建門戶係比美國人強行打開,史稱「黑船事件」,日本人一直視為國恥,但美國人當然認為係我大美利堅為你小日本帶嚟西方文明教化,等你可以好似蒙面超人咁變身,唔著擋布學著底環。如今,只係區區半個世紀多DD過去,一個東方嘅封建落後島國,唔知點解食正個大運,打贏1895年嘅甲午戰爭同1905年嘅日俄戰爭,一個華麗轉身,脫亞入歐,已經成為世界軍事強權之一,兩者相隔一個遼闊嘅任賢齊傷心太平洋,早已經成為競爭對手,加上在華利益方面美國又大力插隻腳埋嚟,真正係新仇舊恨一朝了,遲早就要攤牌——攤出嚟嗰隻牌,歷史上叫「太平洋戰爭」,即係人類歷史上到此為止,一場最大型嘅海上大戰——最後由美國向廣島長崎投下原子彈為止,你話個仇恨幾大呢?

12月7號,陝西省大型水利工程開工,該工程由華洋義賑會發起,完工後可灌溉良田50萬餘畝,水利問題困擾中國幾百年,甚至上千年,去到近年三峽工程完工先有大規模嘅改善,不過溫室效應極端天氣之下,呢幾年內地又再多番水災,的確係永劫回歸。12月10號,國民政府整理舊稅制,開始籌備新稅制,財政部稅務整理委員會成立。12月15號,國民政府打算將全國陸軍280個師縮為100個師,打完仗就要裁軍,天經地義,歷史上無一個政府能夠長期處於戰爭狀態或維持多場小型戰爭,打仗好貴,速度快過燒銀紙,去到21世紀更加昂貴,你睇美國頂咗二十年都要響阿富汗全面撤兵,原因就係太貴。有個例子我唔怕舉多次,60年代,一場越戰就差啲打到美國破產,所以我個人唔相信戰爭會響21世紀嘅今天輕易發生,因為實在太貴,好似香港啲樓,冇人可以負擔得起,傳統嘅實質戰爭相信會以第二種模式表現,可能我哋早已經身處其中體會緊,不過唔多覺啫。
極端的年代 69日
12月15號,中華民國財政部宣佈,全國厘金及類似厘金嘅一切捐稅,至本年12月31號起,一律永久廢除,其實廢除厘金,阻止地方勢力或武裝力量或土豪劣紳私行徵稅收陀地收保護費收買路錢,由1911年辛亥革命成功開始,講到今時今日,終於能夠(表面)落實以法律實施,點解呢?就係因為之前國家四分五裂,各自為政,今年中原大戰結束,蔣sir南京國府對南北中國大部分地區施行前所未有嘅強勢統治(起碼表面上係),因此先可以貫徹廢除厘金制度。

細說從頭,1853年,清政府幫辦江北軍務刑部雷以誠為籌措對抗太平天國嘅軍餉,派員喺揚州仙女廟、邵伯等處設立厘金所,首先係米行徵收1%嘅捐稅。當時厘金分為活厘、板厘兩種:活厘主要喺水陸關卡徵收行商貨品嘅通行稅(即係收買路錢); 板厘主要係喺市場徵收商人貿易活動嘅交易稅(即係收陀地),之後各省陸續彷行厘金所制度,以增加地方政府收入,之後不但成為潮流,亦成為制度一部份,所謂厘金,某程度上咪即係等於今日嘅消費稅,總之凡事凡物生活大小事務要上繳1%比政府作稅收。民國成立之後,每個政權都曾經頒佈裁切舊稅制條例,但因為戰火不息而無法真正推行,直至1930年嘅今日。

12月16號,國民政府任命宋美齡等49人為立法院立法委員; 12月20號,行政院命令,除軍政部門外,任何人不得私購軍火,原來之前,任何人有錢都可以買軍火?個個有槍真係仲得了?有時候所謂權力嘅展現,就係「我可以有槍執法」七個字咁簡單。12月21號,《民國日報》統計,日本帝國已經向東北移民超過20萬,係20萬; 12月21號,財政部決定實行特種消費稅,以抵銷裁厘之後嘅金融缺口,咁即係又係政府收稅?換個排頭啫,森羅萬象,名相而已。12月22號,原本由英國人管理嘅福建廈門檢疫事務,今日正式移交中方;同日,外交部就英國軍艦潛入浙江象山港一事向英國政府提出嚴正抗議,真係一啖砂糖一啖屎,紳屎即係紳屎; 12月25號聖誕節,《民國日報》報導,國府轄下海軍軍艦一共有54艘; 12月27號,北寧鐵路發生空前劫車巨案,土匪將鐵路拆除,令到整列列車翻側,一共有80幾名乘客遇難,無法無天!12月30號,福建省廈門英租界正式收回。

#常威 #蔣介石平反系列 #黃金十年 #民國歷史
極端的年代 69日
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常公子近代史】第三部《#東方維多利亞女王之死》https://play.google.com/store/books/details?id=GaGrDwAAQBAJ

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第五部《霹靂大忠臣對決無敵大買辦》Round two
https://play.google.com/store/books/details/%E5%B8%B8%E5%A8%81_%E9%9C%B9%E9%9D%82%E5%A4%A7%E5%BF%A0%E8%87%A3%E5%B0%8D%E6%B1%BA%E8%B6%85%E7%B4%9A%E5%A4%A7%E8%B2%B7%E8%BE%A6_ROUND_2?id=puXmDwAAQBAJ

【常威近代史】第六部《最九衰的大軍閥時代》Round 1
https://play.google.com/store/books/details?id=bCMNEAAAQBAJ

【常威近代史】第七部《最九衰的大軍閥時代》Round 2
https://play.google.com/store/books/details?id=lPgaEAAAQBAJ

【常威近代史】第八部《最九衰的大軍閥時代》Round 3
https://play.google.com/store/books/details?id=fY8mEAAAQBAJ

【常威近代史】第九部《孫文之死》
https://play.google.com/store/books/details?id=evMsEAAAQBAJ

【常威近代史】第十部《蔣Sir狼死開拖》
https://play.google.com/store/books/details?id=SgE8EAAAQBAJ

*available on android and ios
極端的年代 68日
#唔鍾意睇字可以聽

https://www.facebook.com/129055447762576/posts/789947521673362/
極端的年代 67日
https://upload.hkgolden.media/comment/cl2d1jya.mk1h1er34mi.0yeuxoxp0rv.gpa.jpg

【常威近代史】(五百七十七回)
1931年係善後之年

中原大戰塵埃落定,時間線進入1931年,今年係善後之年,中國嘅軍閥時代終於正式結束,南方蔣Sir嘅南京國民政府與北方東北張學良聯盟取得全面勝利,某程度上南北統一中國,實現自從1911年辛亥革命以來,最大程度上嘅國家統一,當然統治核心以外,仲有幾個軍閥割地稱王,例如山西閻錫山,不過已經不成氣候,佢哋已經臣服於南京國府成為受控制嘅地方諸候,中華民國出現大範圍統一局面,相信最唔願意睇到嘅就係日本人,趁火打劫最easy,比你統一坐大,就叫養虎為患。呢個時候,「滿州國」project 已經如火如荼,上篇文章已經講過,日本已經向東北移民超過20萬,中國嘅東北滿洲地帶,日本人係志在必得,只係選擇用乜嘢手法獲取?

1931年1月1號,國民政府公佈《國民會議代表選舉法》及《政治犯大赦條例》,今日,國府特赦大量政治犯,當然未必包括共產黨人,去到1931年,盤鋸於江西一帶嘅紅軍遊擊勢力,已經成為蔣Sir頭號心腹大患。本日,中東鐵路中文俄文並用,正喺莫斯科舉行嘅中蘇馬拉松式談判,似乎有所進展;同日,全國軍隊亦都開始編遣,分為甲、乙、丙三種師,打完仗就要裁軍,要軍人放低槍搦返起個鋤頭繼續耕田,其實難度相當高。細心觀察當時當兵,當軍人未全面職業制度化之前,工作生涯其實相當短暫,同今日職業運動員一樣,可能十六七歲入行,廿零歲就要退役,如果天下太平,甚至會更加提早被遣返農村,所以有得返工(打仗)嘅時候,一定要搏命,儘量「賺」多啲,「揾」多啲,以供日後打算,其實都算係無可厚非之事。明白呢個道理,你就會明白好多事情,講到尾,其實都係一個錢字。

1月5號,山東官錢總局喺濟南開業,局面平靜,就要開始印銀紙,印唯一合法政權認可嘅銀紙,該局經理宋福祉稻過去山東全省發行紙幣竟然達到1008種,真係五花八門,有印刷機就有銀紙(或者手寫畫公仔都可以),問題就爭在你信唔信啫?由此可見,當時社會嘅貨幣流通其實相當混亂,1930年嘅人,大概唔明白貨幣因素係浚駕所有其他經濟因素之上,美國強大係因為美元強大,日本強大係因為日元強大,要做大一個國家嘅國力,第一件事,其實係要統一貨幣,製造堅定不移嘅流通信用,中國嘅貨幣幾時開始全面統一?答案係1949年中華人民共和國建立之後。

1931年1月7號,為期祇有一日嘅中國共產黨六屆四中全會上,高舉「執行國際路線」 旗幟嘅江蘇省委書記王明(陳紹禹,1904-1974) 被補選為中央委員,開始向中央權力中心邁進,王明係百分百嘅國際派,由莫斯科第三國際直接委派,接管中共權力,第三國際嘅角度嚟睇,王明的角色係撥亂反正!中共喺呢一次上海召開嘅四中全會,由共產國際代表米夫(1901-1938)呢位蘇聯學者歷史學家操縱下進行。
跳到頁尾