[bouncer]up緊,就快得

發表失敗
發表失敗
原因: 確定
雨果小子文創 24日
世上沒有無緣無故的鐘意。有啲樓我九世都買唔起,好多樓我窮其一生都唔知籌唔籌到首期入夥,但因為做滅蟲,吳婉芳式幾億嘅單位我未參觀過,幾千萬嘅樓我反而參觀過好多。道理就同去旅遊咁,我去唔到一個國家定居,旅遊當享受過當地嘅美,去多幾次旅遊享受多幾次幾個國家嘅美,對於一個平凡人嚟講,知足則常樂。

幾千萬嘅樓固然精彩,幾百萬嘅豆潤單位亦可以好精彩,甚至殘舊嘅屋村,我入門後,以為入咗多拉A夢嘅任意門,原來裝修可以改變公屋嘅氣質,真係大看眼界,豆腐變燒鵝,精彩。

一號銀海,我覺得單單個名應該都值幾十萬。樓下嘅保安防線,我覺得應該都值幾百萬,事關我呢啲外人,要搵入口上樓亦並非易事,差啲被fake到變肥貓鄭則仕。有少少迷宮feel,Google Map並冇攻略提供,好彩我習慣早半粒鐘到以免搵路遲到,好人有好報,最後如願見到保安大哥,被告知路線之後先知,哦,原來又要去隔離邊棟先有電梯上客戶嘅屋企。

我聚焦於人哋屋企嘅樓宇結構和裝修,對於別人的容貌和身材,我常常自動開啟視線模糊模式。我覺得咁樣比較禮貌啲,同埋我真係嚟滅蟲嘅。女士對滅蟲嘅細節很感興趣,不惜烏低身並且伸頭去望我落藥嘅位置,我同佢講,放心,該藥物唔會掂到食物或者被人掂到,女士表示明白,但純粹對滅蟲好感興趣,想知道點「打大佬」,於是我既要設計落藥嘅位置,亦不忘聲音導航,耐心講解。期間女士見到曱甴嘅反應比較誇張,又驚又要睇。呢一種無形中嘅干擾,令我差啲不能集中精神。幸好,廚房嘅落藥位置順利完成,之後到客廳。女士嘅兩個小朋友被圍欄圍住,於是我檢查Sofa,並且落啲藥喺隱藏位置。期間有隻生勾勾嘅小強跳出嚟,咁啱俾女士見到,女士隨即驚叫,我一張紙巾收伏小強並且送強投胎,功德無量。女士問,點解會咁嘅?點解會跳出嚟嘅?

Er……專業嘅意思,除咗做嘢專業,解答客戶嘅技巧都要專業。最後入到女士嘅睡房(最無關痛癢嘅落藥位置),我被窗外嘅無敵海景吸引住,繼而先發現墻上有一幅好大嘅照片,相信便是女士本人。之後去埋衣帽間,打開,我相信肥貓都知,呢位女士應該係Model。

臨走時,我不忘帶走頭先sofa小強嘅遺體,女士表示感激,送我出門,微笑道別。

「其實,你係咪model嚟?」我問。

「你宜家先知?」女士反問。

「頭先做緊嘢,唔好問其他嘢,家陣任務完成,好奇一問咋。」

「係呀,做Model架。」

「幸會,我寫文章嘅。」

第一集(完)

https://upload.hkgolden.media/comment/dbwti3nx.bqymy4j04o2.02wye3t4bzu.01t.jpg


本人滅蟲post:

2017

https://m.hkgolden.com/thread/6806790/page/1

2020

https://md.hkgolden.com/view.aspx?message=7301807&&page=1


歡迎follow ig:pestofcontroldiary
跳到頁尾