[bouncer]up緊,就快得

發表失敗
發表失敗
原因: 確定
關羽張飛劉備 46日
三國時代嘅劉備,為光復漢室而戰,
但係赤壁之戰中,成個戰場就因為某種原因突然之間穿越咗嚟2019年...。

面對民不聊生嘅地方,劉備會唔會跟隨權力者而墮落,定係會致力為心中嘅正義而戰?

「我係劉備,我要光復香港。」

*不定期更新
*一開始會係介紹背景人物先,唔識歷史或唔熟三國嘅當佢哋係一個角色就得#good#
關羽張飛劉備 46日
【初章—赤壁之戰】

夏雨連綿,驚雷震懾,將瞓喺床上面嘅我嘈醒咗。

「嗯...」

我緩緩睜開眼睛望住被白色窗花隔住嘅景象,盡係高樓大廈的掩蓋,加上烏雲密佈,令到間房都照唔到光。

「大哥,你醒喇?」一張唔係咁熟悉嘅面容對住我講。

「羽,早晨。」我都同佢打返聲招呼。

「哇今日真係落好大雨...一朝早就比啲行雷聲嘈醒咗...。」關羽摸著額頭道。

「同第一日穿越嗰陣差唔多..」我說。

「又係。」關羽點頭同意。

我一時陷入咗回想之中...

赤壁江上,腳下流水匆匆,四周都好似準備好瀰漫着一種腥血的味道...同埋兵器上嘅血鏽味。

因為呢度將會有一場腥風血雨嘅戰爭。

「不滅曹賊誓不罷休!光復漢室!」

呢一戰...係決一勝負嘅關鍵時刻。一定要趁呢一次,將水沉火熱嘅漢室喺曹操個Hi Hi手上拯救出來!

「主公,軍師已經開始作法,戰船亦都已經準備就緒,隨時都可以出發!」趙雲拱手說。

「水軍部隊都嚴陣而待喇。」糜芳報告。

「啱啱收到消息。你老婆都已經抵達咗江夏,唔使擔心。」孫乾道。

「好,咁行啦,都係時候吹起反擊嘅號角喇!」

我企喺戰船嘅甲板上面,拔劍出鞘,用劍尖指住赤紅色嘅天空。

「全軍出擊!」

周瑜企喺領頭嘅戰船上,離遠睇到我的劍閃過光茫,便露出咗一絲笑意,然後向全軍吶喊助威。

【另一邊廂】

「都督,你信諸葛亮條友真係借到東風?」說話嘅係一個肌肉厚壯嘅男人。

「阿蒙,佢就自己立咗軍令狀,借唔到佢就要拎個人頭嚟交換㗎啦。」周瑜說道。

英姿颯爽的周公瑾,面露著笑容,言談之間滲透著毫不在乎嘅感覺。

「公瑾就冇向左走向右走錯喇,諸葛亮呢個人咁向左走向右走古惑,肯定有啲咩詭計。」

「主公!」眾人見到孫權嘅出現立即一改態度。

「免禮啦,呢場仗大家加油!」孫權道。

「我一定唔會令你失望!」周瑜肅然起敬。

「咁我都出發喇!火燒連環船嘅功臣非我莫屬!」黃蓋策起裝滿燃油嘅運糧船揚帆。

「得啦,你仲有命返嚟一定加你人工。」孫權笑道。

「主公,你咁係擾亂緊大家嘅軍心啊...」魯肅搖了搖頭。

「係咩...哈哈哈Sor勁。」孫權掦手。
關羽張飛劉備 46日
【又返到嚟呢邊廂】

「大哥,黃蓋好似已經出咗發啦,不過而家仲吹緊大西北風...萬一火船撞埋去,就會將火勢吹返我哋呢邊....」關羽分析緊。

「信軍師啦。」我希望減低佢哋嘅疑惑。

但係老實講,我真係唔知應該點樣答佢哋囉。

孔明固之然係勁,仲係勁到出晒汁嗰隻添。

咁但係要我去相信一個常人會有呼風喚雨嘅能力,就真係有啲難度。

比著係你,無端端有條友同你講:「喂我可以問個天借啲風用吓呀!」

你都會鬧佢係痴線佬啦係咪先...?

「知道啦。」關羽點頭回應。

「嗰個孔明有乜咁值得大哥你去信佢啫?」成面鬍鬚嘅張飛都行咗入嚟。

「純粹係覺得佢有少少料事如神啫,唔信佢我哋都冇其他辦法。」我解釋道。

不過講返其實孔明本身就好似已經幾痴線..。

點解咁講呢?

幾年之前,曹操手下最強悍嘅大將軍夏候惇就帶住十九幾萬人追殺我,咁就梗係打算逃走啦。

咁呢個時候孔明就提議咗一條橋比我。

佢好似一早知道夏候惇嘅軍隊會喺博望坡出現,預先就叫咗關羽張飛喺山谷埋伏,佢哋一行過就一把火燒到佢地變灰。

最尾我哋都叫勉強贏咗啦,事後我就問返佢:「點解你又知曹軍會喺呢度進兵?」

「世事一早就已經安排好曬...」

佢當時就係咁答我,我就比佢搞到𢱑曬頭,不過自此之後我就覺得信佢係一個係唔錯嘅決定。

【又另一個另一邊廂】

「丞相!黃蓋架船浮咗大半喺海面,會唔會輕得有啲誇張...?可能係詐降呀。」荀彧焦急咁向座上嘅曹操滙報。

梗係輕,因為成架船都只係裝滿易燃物。

「驚乜向左走向右走啫?定啲嚟。」曹操氣定神閒咁講。

「但係...」

「再講野就掉你落江餵魚!」

「知道...」荀彧只得吞回到口嘅說話。

「哈哈,飲返杯?」曹操輕舉裝有杜康酒嘅壺。

「屬下...唔飲酒。」荀彧道。

曹操立即露出銳利的目光瞪著他。

「叫你飲就飲啦咁多嗲!」夏候惇見狀便幫忙解圍。

荀彧被逼吞下酒水..。

看著曹操淨係掛住飲酒作樂個樣,荀彧都只好無奈咁嘆一口氣。
春バッグ 46日
劉備嗰個年代講之乎者也㗎:o)
潮人必買最新奢華款波鞋
Givenchy新款男裝波鞋HK$2604!
www.farfetch.com
贊助網站
關羽張飛劉備 46日
我係詩凌#bye#
特登開個新ac寫係因為驚爛尾[sosad]
所以叫做擺喺度暫存靈感先。
多謝大家
關羽張飛劉備 46日
劉備嗰個年代講之乎者也㗎:o)


特登口語少少[sosad]
自己文言文真係唔掂:o)
庇護工場廠長 46日
劉備肯向左走向右走定係藍絲啦
漢室幾廢都要攬
又同改革者對抗
路邊的小雞 46日
ISX水貨店大地震!人心惶惶,聽講總經理比人燉冬菇!黑底口水佬比人架空,咩權都冇曬!抵死呀#yup# :o) #ass#
關羽張飛劉備 46日
劉備肯向左走向右走定係藍絲啦
漢室幾廢都要攬
又同改革者對抗


同意O:-) 劇情會慢慢講#yup#
關羽張飛劉備 46日
光復都可以係藍絲嘅光復[sosad] [sosad]
店小三 46日
估唔到係詩凌巴
春バッグ 46日
光復都可以係藍絲嘅光復[sosad] [sosad]

藍絲嘅口號好似係咩
對抗暴徒,拯救香港
關羽張飛劉備 46日
光復都可以係藍絲嘅光復[sosad] [sosad]

藍絲嘅口號好似係咩
對抗暴徒,拯救香港


係咩 真係唔知:o)
Death死神 46日
留名跟進O:-)
關羽張飛劉備 46日
至於江上,黃蓋的船距離曹軍的船陣已經不到百米...。

周瑜望住,呼咗一口氣道:「估唔到諸葛亮都有失算嘅一日。」

「嘭!」

佢啱啱講完呢句...天上突然就閃下一道狂雷。

周瑜輕退一步,臉上依然係處變不驚。

「天降異象...」佢好細聲咁講左句。

佢再舉起右手,用手感受風嘅流動。

「係...係東風!」呂蒙大驚。

「我知。」周瑜說:「哈哈哈...」

風越吹越烈,將船上嘅簱幟吹到發發聲,海浪嘅聲音更加係越來越強。

黃蓋乘勢加速,將糧船撞入咗曹軍船陣,點燃咗第一隻船。

「吖!!救命呀!!」

曹軍戰船被火舌燃起之後,因為東風嘅關係,火勢迅速蔓延,唔少士兵抵受唔住高溫,紛紛跳海逃生。

....

「都督,諸葛亮真係借到東風....。」魯肅說道。

「唔係,呢一股怪風係...」周瑜望向岸邊,

「果然。」然後斥笑一聲。

「果然咩?」魯肅唔明。

.....

「嘭!」天雷再次震懾戰場,天上亦出現左一管光束。

「咩...咩嚟㗎?」士兵高呼。

「天呀...。」孫權看得目瞪口呆
未戀先失 45日
留名
原來係詩凌巴打
期待接下來嘅劇情#yup#
零星落索 45日
三國迷留名 期待樓主成功開闢一條新戰線:P
BTW 正字夏 :Psg
跳到頁尾