[bouncer]up緊,就快得

發表失敗
發表失敗
原因: 確定
DDEIYC 47日
我叫阿明,今年大一,係呀個名好毒拎,但係一個咁毒嘅名偏偏喺我身上,有個咁毒既名我都唔想架。 由細到大,唔知點解周圍既女仔都係好鍾意望住我,可能佢地歧視我個名太毒所以係咁望住我,仲要係咁po ig嗰啲話心心我話我好靚仔,好不解:-(可能我真係太靚仔,但係我都唔想架。:~(
喺今日之前既生活,每日就係起身 行返學 成日俾女仔望 翻到課室 又一堆女仔喺出面望住我 上堂 又唔知點解啲女同學又望住我 放學 跟住下刪幾段成日比女仔望既時間。 (唔拖了反正就係我靚仔到俾女係咁𥄫。 )但係今日我返到屋企,見到屋企門口掛住左個包裹,雖然冇寫名,但係掛住左喺我門口就係我架啦。唔知大家係咪,但係我自己就係一拆啲包裹就會好興奮好想知入面係啲咩或者睇下究竟訂左嗰舊係乜黎。唔打開就還好,但係一打開,就見到支勁普通既鋼筆,仲要我冇買過鋼筆。
「妖,鋼筆駛鬼咁大個包裹呀?等我仲咁期待[love] ......」但係接下落黎發生既事我真係收番我啱啱講既野,唔係講笑,支筆真係勁到痴線......@_@
DDEIYC 47日
O:-)
店小三 47日
lm
DDEIYC 47日
上回講到我打開左個包裹見到支筆。
我仔細睇吓支筆,好似有啲字,我諗住攞起支筆睇下啦......
「喂阿仔醒未?我返工喇,記得鎖門!」
呢個係家母,芳齡四十九(唔駛問呢個故冇四十路),唔知點解其實佢個仔就算同佢出街都好多女係咁望,仲要擔心個仔會唔會冇女朋友:o)
「得喇知喇!」我喺床度大嗌左句。
鎖完門,我開始周圍望,「去左邊度?」 琴晚明明係拆緊支筆㗎,望一望,到底去左邊?琴日我唔係睇緊支筆㗎咩?
正當我諗住再搵下,阿媽突然返左黎,問:「係喎仔,我今晚同梓彤姨姨食飯喎你跟唔跟?偲穎都黎㗎喎。」
「偲穎......?」「嗯好啦預埋我。」我壓抑住興奮咁應左句。
「好勉強咁喎,偲穎咋嘛唔駛跟住㗎喎。」
「哎呀得啦妖我好想去!」呢個老母硬係好鍾意用偲穎逼我睇下我點,啲老母真係好八卦。
偲穎係我由幼稚園識到依家既朋友。簡單咁形容下佢就係,er女神應該差唔多了。
又細到大雖然係就係好多女喺周圍轉黎轉去,但係我都不屑一顧,真係睇厭。但係每次一見到偲穎,就好似萬里叢中一點紅咁一嘢就發現到佢。唔知佢對我點,但係我鍾意佢:-( 成日都想表白但係驚冇左段關係,唉。
好快到左夜晚,因為知道要見偲穎,我特登襯左吓衫,著返靚仔啲。唉,但係我後悔了。出左門口,因為我屋企喺何文田,一行落去就係旺角嗰邊。路過旺角,有幾個女仔走埋黎問我:「唔好意思啊可唔可以俾你個電話我?」我都唔知佢地做乜嘢無啦啦要我電話,咁我梗係唔俾。唉乜啲女仔依家咁㗎咩?
終於到餐廳,好似好高級咁,好彩我都著得唔失禮,但係突然間離遠望居然有個女人喺度揮手,「頂,好尷尬......」係家母。
行到過去,淨係見到阿媽同梓彤姨姨,冇偲穎既?
「阿媽,梓彤姨姨,hello。」
「Hello啊阿明,喂阿善阿明越大越靚仔有高大喎哈哈哈......」啲長輩成日都鍾意咁講搞到啲細既勁尷尬都唔知佢地咩心態......
「咪讚壞佢啦到時佢唔知醜。」
「係喇唔好意思啊阿明,偲穎突然有啲嘢做黎唔到啊。」
「哦唔緊要啦哈哈冇所謂。」我突然有啲失落感,仲諗住可以見到偲穎添,我帶住呢啲失落感坐低諗住攞部電話出黎睇下,突然我摸到褲袋有啲嘢,「點解支筆會係褲袋?」「算啦唉。點解偲穎唔黎呀我仲襯到咁靚......」
就喺我諗緊呢樣嘢嗰陣,突然間聽到:「Hello媽咪,曉善姨姨,Hi汋明!」
(不喜勿插,有咩覺得我寫得唔好唔該大家講一講出黎,小弟第一次寫故,好驚寫得唔好:~(
山系型男必入手爆紅越野鞋
Hoka One One男裝跑鞋八五折優惠碼「NEW15」HK$885!
www.matchesfashion.com
贊助網站
DDEIYC 47日
:P
詩凌 47日
推 加油#good#
DDEIYC 46日
上回講到梓彤姨姨話偲穎唔黎,我有啲失落嗰陣後面突然傳黎叫人聲。
「Hello媽咪,曉善姨姨,Hi汋明!」
我擰轉頭,係偲穎! 「吓乜佢唔係唔黎咩?」
「阿女你唔係話你啲group member全部都唔係好做嘢,最後你要自己做咩?搞掂嗱?」
「係呀本身就係既......但係唔知點解突然間佢地個個都話佢地搞掂曬自己嗰part,明明佢地前一日仲係0%......咁我見佢地搞掂我咪過黎囉,想見下曉善姨姨同汋明吖嘛。」
偲穎最後仲要整個鬼臉,哇真係不得之了......
「咁偲穎快啲坐低啦,黎啦黎啦我坐隔離你同汋明坐啦!」
有時候真係唔知多謝定埋怨呢個老母好......
「喂hi汋明近排搞緊咩?」
「Er......我......冇......冇乜嘢搞呀......」
「口窒窒做乜嘢呀怕醜呀?未見過靚女?我今日呢套衫特登襯㗎,見係你咋!」
偲穎本身已經好靚,今日佢仲要著套全白既日系連身裙,真係不得之了:)
DDEIYC 46日
(sorry㩒錯po制)
算啦頂硬上,怕咩醜。
「係喇你唔係話要幫埋佢地做project架咩?做乜佢地突然有做曬咁好笑?」
「唔知呀,就係啱啱嗰吓佢地話做曬,咁我見屋企幾近咪過黎。做咩呀唔想見到我?咁我走囉!」
「喂喂喂等陣等陣唔係呀唔好走呀......」
「你睇下你,我講笑咋哈哈!」
我心諗,「點解無啦啦做曬?唔係話0%㗎咩,咁快?等陣先,啱啱?我唔係攞住支筆咩?」
「汋明!你冇嘢吖嘛呆曬既,諗緊咩?」
「哦哦冇嘢冇嘢嗌嘢食啦!」
「痴線咩你張汋明當自己多啦A夢咩有法寶?算啦唔理了。」
食完飯,偲穎話:「係喇媽咪,我要去買啲嘢啊你返屋企先啦!」
我諗諗下「夜媽媽自己一個好似好危險,陪唔陪佢去好......?」
「喂阿仔陪人去買嘢啦,夜媽媽偲穎自己一個人危險啊!」
老母真係,好似睇穿左佢個仔諗咩嘢咁,好嘢啊老母!
「哦好吖我冇所謂。」真係唔明點解自己仲可以扮曬冷靜[bouncy]
一齊行嗰陣,我見到偲穎係咁睇電話,唔通佢有男朋友?
「喂偲穎咩男朋友呀?邊個黎㗎俾我睇吓?」
「傻啦你邊有男朋友我都想呀。你做我男朋友囉好唔好?」
頓時你眼望我眼,唉頂硬上啦張汋明!
「好呀怕你呀?」
「Hello男朋友!」
我呆左吓......「等陣先,你講真㗎?」
DDEIYC 44日
上回講到偲穎一個殺我措手不及,嚇到我心都跳出黎。

「Hello男朋友!」
我呆左吓......「等陣先,你講真㗎?」
「做咩呀?你唔想咩?唔想咁咪算囉!」講完佢就跑走左,唔知點解,我好似見到佢好似有少少唔開心(?)
我真係好憎自己嗰陣咁懦弱又細膽,唔係既話就唔會發生咁多事......
我追返上去偲穎隔離,我想話「我想呀」嗰陣,佢開左口:「估唔到我居然都未正式表白就俾人拒絕,唉點算呀!」
我聽到佢講呢句唔知點解個心係chok左吓,我鍾意左佢咁耐,到啱啱明明就應該可以得,點解自己咁懦弱咁細膽,Auntie張汋明你做乜勁呀頂你?
「呃唔係呀唔係呀偲穎,我......」
「得喇唔駛講喇我講笑咋。」
佢呢個moment帶著既笑容,雖然同平時差唔多,但係唔知點解喺我望落,似強顏歡笑......
結果,到最後我都係冇開到口,或者因為我係巨蟹座啦,已經變成習慣既懦弱,細膽,太多內心既小劇場阻住我,可能有啲嘢真係唔係我既就真係唔屬於我既?
DDEIYC 44日
返到屋企,阿媽問:「點呀仔?掂唔掂先我呢個阿媽?」
佢擰轉頭,見到我頭耷耷呆左吓,之後行左埋黎攬住我:「得啦冇事冇事,阿媽喺度,阿媽會幫你㗎嘛!」
喺呢個moment,我將我對自己懦弱細膽既厭惡仲有今晚既後悔一嘢爆發曬出黎。
第二朝起身,
「Hi Hi隻眼勁向左走向右走腫點算呀頂!」
我冇辦法之下唯有戴返副幾個世紀都冇戴過既黑色勁粗框眼鏡遮一遮。
一入𨋢望住塊鏡,
「唉Hi Hi點算遮極都遮唔到......」
返到學校,我已經對身邊既眼光麻木曬,直接走左入課室,一入去,見到啲同學全部望住曬我,雖然話我已經麻木,但係佢地望得好奇怪,係用緊一種研究,探索,分析同疑惑既眼神望住我,呢個時候我就覺得有啲唔對路,
阿桐:「喂阿明,你睇左forum未......」
(阿桐,仇一桐,係我死黨兼兄弟,由細到大佢已經同我,偲穎仲有紫筵一齊玩,啊sorry又唔記得講,楊紫筵,係思穎個姊妹雖然我地都熟但係佢地兩個點都熟過同我地兩個男㗎啦。)
我一路問一路攞部電話出黎睇forum:「做乜?......What the hell?」
Forum熱門第一位係,[突發]心理系男神張汋明啱啱喊完!
我心諗:「我Hi呀?」
「痴向左走向右走線班友前世係福爾摩斯?乜鬼野呀咁都知?!」
啲comment全部都係......
「邊個整喊我個張汋明?!」
「男人喊不外乎兩樣嘢,一係委屈,一係女!」
「我要報仇!」
我心諗:「頂乜鬼野呀?_?痴線依家第三次世界大戰咁痴線,純粹係嬲自己錯過左偲穎咋嘛......都唔知幾時先可以再見到佢。我話既,下次見到佢我一定會表白!」跟住唔知點解,呢個時候幾乎被我遺忘左既包裹筆又出左黎,我攞起佢:「喂阿桐......」
正當我諗住同阿桐講呢支筆既時候,professor入左黎,冇啦唔理,上左堂先。
「同學大家早晨,今日呢,我地呢個系有個新同學,啊應該叫交流生,會黎呢度交流兩個月,簡單啲講,即係呢個學年剩返既時間啦,大家要對佢好啲呀,靚女黎㗎......」
Professor講呢句既時候唔知點解眼神係掃過曬全班男仔,我心諗:「頂靚女咪即係唔易溝,掃我地有用咩?......」
Professor:「好喇好喇唔講咁多,李偲穎入黎同大家打個招呼!」
等陣先,what?偲穎?點解又係咁?一諗起佢就出現喺我面前?
「Hello大家好啊我叫李偲穎,大家叫我偲穎得㗎喇!」
「哇!!!!」佢一入黎全班男仔起曬哄咁,唔知點解我有種感覺係自己啲嘢俾人𥄫緊咁好難頂......
「咦?Hello張汋明!咦仲有阿桐Hiiii!!!!」
我即刻覺得自己好似動物園入面啲動物咁,俾一堆男仔望住曬我,更正吓,係敵視。
Professor:「乜你識得我地心理系男神㗎?咁就啱喇你過去坐佢隔離啦!喂男神,成日都唔要同女仔坐,女神坐你隔離得喇掛?」
我呆左吓:「哦......哦好呀!」又係口窒窒,唉頂......
(下章講下李偲穎既內心小劇場先:D
DDEIYC 44日
推一推:~(
DDEIYC 44日
大家幫幫手推吓#adore# 想多啲人留言話俾我聽劇情點樣走啱大家多啲!
火の鷹 39日
大家幫幫手推吓#adore# 想多啲人留言話俾我聽劇情點樣走啱大家多啲!

己開追故模式,唔好爛尾#yup# #yup#
DDEIYC 39日
大家幫幫手推吓#adore# 想多啲人留言話俾我聽劇情點樣走啱大家多啲!

己開追故模式,唔好爛尾#yup# #yup#

Sorry sorry我呢幾日趕緊assignment今晚出文!:~(
DDEIYC 38日
Hello,我係李偲穎。
唔知係人大左定係咩啦,我覺得好似自己對愛情呢樣嘢有少少好奇。我開始去留意身邊周圍既情侶,或者人。聽講好似如果有人鍾意你既話就會成日偷偷地望住你。
我覺得呢句嘢講得幾啱,因為我係咁。
張汋明係我由細玩到大既好朋友,做咩都好夾,大家會同一時間諗緊對方諗緊既嘢。原本以為話由細玩到大既朋友係唔會產生任何感情,我由本身唔想信呢樣嘢,到依家我真係寧願呢句嘢係真。
有一日我本身以為可以見到汋明,但係居然成堆free-rider,把鬼火。冇辦法啦唯有自己做。但係就係突然間佢地無啦啦全部搞掂曬啲嘢。我開心都黎唔切,就襯左套靚衫衝左出去。
食完飯之後,我地一齊去買筆,俗語有話「男追女隔座山 女追男隔層紗」我希望係啦。可能今日係個天特登俾我黎得到,叫我要表白?所以我就膽粗粗咁借啲二問佢做唔做我男朋友。可惜唔係所有嘢都可以盡如人意。我聽到佢嗰句:「吓?你講真架?」我個心係驚到震左吓。呢一刻,我只係唔想冇左個咁好既朋友。冇辦法。我只好跑走,應該係最好既辦法。但係,都係忍唔住,流左幾滴眼淚。希望佢睇唔到啦。
過左冇耐,我返到學校,professor搵我,你份project做得唔錯!有冇興趣去XX大學心理系交流?又黎?個天係咪玩緊我?XX大學咪張汋明間學校?又係毫無先兆咁,仲要係心理系?又係張汋明?......但係,唉,始終都係敵唔過自己個心。我一嘢就應承左......應該冇事既!
到左之後,先發覺唔到落場嗰下都唔知最後係點,我一見到張汋明,我又震左吓,「冇事既冇事既李偲穎,唔好自己嚇自己!」
我諗住同班啫,應該冇事啦,唔坐埋一齊咪得。
我......唉......個professor真係搞事咩......
「嘻嘻......嘻嘻」我望左過去之後,吓點解阿桐又係度乜佢地同一間學校㗎?唉頂硬上!
DDEIYC 38日
一諗起我仲要喺度交流埋之後嗰兩個月,真係唉搞笑咩......
雖然話就話我俾張汋明間接拒絕左啫,但係喺一入門口嗰瞬間,我啲自信終於開始返翻黎,原來我真係都有好多男仔𥄫,唔係咁差啫我,但係俾人望得耐都好唔舒服,快快手走過去先。
———
「Hi好耐冇見喎偲穎!」阿桐一黎就露出佢招牌笑容,如果唔係有張汋明喺佢隔離,我覺得我都會留意下佢。
「喂係喎既然你都已經係半個我地學校既學生,咁就快啲join forum啦黎啦黎啦!」佢勁熱情咁叫我join,我點好意思拒絕,但係我眼尾唔覺意見到張汋明好似有少少怯左吓,錯覺?
一login,哇[shocking] 大大個標題,我望左吓張汋明,佢對我微微咁尷尬笑左吓,我「噗嗤」咁笑左出黎,「喂張汋明呀張汋明,睇黎你真係好多兵咁喎?」
「咩呀鬼有我都冇收,佢地要咁講我可以點呀?」
「搵返個女朋友封盤咪得,駛乜搞咁......」
我講講下諗返起,即刻閘住,但係講到呢度,你眼望我眼,好尷尬......
———視角分界線———
頂去馬啦張汋明仲後悔啲咩呀,人地都講到咁你肯大膽啲未呀,怕乜鬼?
我望住李偲穎對眼,點解可以咁靚?點解我可以咁細膽?眼前呢個靚女如果我可以大膽啲既我晨早唔駛咁,頂硬上呀!
「咁你......」
———視角分界線———
哇你想講咩你想講咩唔好呀唔好呀唔想friend都做唔成!
「上堂先啦哈哈唔好傾計住!」我格硬笑左笑。
一路上堂,我feel到好多目光望左過黎,有男有女。但係我feel到有啲目光,一定係我情敵,敵意太明顯了,但係單人匹馬難敵四面楚歌,呢啲敵意既目光多到不得之了,駛唔駛呀張汋明?有冇咁把炮呀你......又好似真係有......
一放,痴線㗎?唔係我誇張,而係真係咁誇張,走過黎既女仔就猶如見到光既飛蛾,纏住曬張汋明,喂好喇喎夠皮喇喎!
「喂明明,走未?我地返屋企啦!」
等陣,咩事,我到底點解會講左啲咁既野,等陣先,發生左啲咩事,痴左線呀你李偲穎?
冇辦法,我意識到事情既尷尬程度之後即刻跑走,但係正當我走嗰陣,有隻手拉住我。
(下篇去翻張汋明視角!^3^
未戀先失 33日
留名,個故好正,等下一篇#yup# #good2# :Ddw
DDEIYC 33日
「我就知道...一放學一定又係一大堆女衝埋黎...」
「喂明明,走未?我地返屋企啦!」
我心諗:「明明...?吓?佢係想幫我解圍?都好」
我一嘢捉住左佢隻手
「走啦咁!」
我一捉我就知道,瀨嘢了。冇辦法頂硬上。
於是我就同偲穎係一片驚呼聲離開左課室。

「喂張汋明...捉...捉完未?」就到屋企嗰陣,偲穎突然問我。我意識到之後即刻鬆開:「Sorry!」
「唔緊要啦嘻。係喎之前都唔知原來呢咁受歡迎㗎喎!」
「咩呀我都唔想㗎!我都冇做過任何野佢地就遲埋黎可以點喎...我又唔識拒絕人...」
「咁你嗰日又拒絕我?哼!」
偲穎講完就嘟起左個嘴行走左,唔係我話,真係好得意...
———
我返到屋企,諗一諗今日既事,所以點解佢會毫無前兆咁黎左我學校??以我認識既偲穎如果係會黎我學校既話,一定會一早同我講㗎喎...
就喺我諗緊呢樣嘢既時候,我耳邊響起一把聲...
火の鷹 33日
覺得樓主用兩個主角嘅視角寫令我哋可以容易啲代入到故事#yup# #yup# ,但係間唔中有啲錯字同漏字[sosad] [sosad] 個故整體都唔錯,加油#hoho# #hoho#
DDEIYC 33日
「001,你好。」
「偲穎?」
我周圍望,一把好似偲穎既聲以dolby All Around You咁既effect喺我耳邊響起,但係一個人都冇。
我諗左陣,偲穎點會喺度啫傻咩?
我問:「你叫我?」
「係。」
「你係邊個?」
「請提供你既個人資料。」
「呃,吓?...咩呀?依家啲騙徒詐騙手法層出不窮喎。攞我資料做乜嘢。」
「想儲存返001既資料,用於製造身分識別卡。請係螢幕上輸入你既資料。」
我呆左陣,同時發覺褲袋嗰支筆喺度震,我一攞出黎,有個螢幕好似Tony Stark啲high tech嘢咁彈左出黎,我又一次呆左,望著個螢幕:「唔係真事啊嘛...?」
「請001輸入資料。」把聲再一次響起,但係相比起之前,我冇咁驚訝,起碼我都已經預左支筆係唔簡單。咁我就輸入吓啲資料啦。
輸入完之後,把聲又再響起。
「張汋明你好,接住落黎我會同你講解一下。」
(我簡單解釋下,把聲話佢係人工智能,而支筆係未來既科技,喺十九年前黎到呢個時代既原因係因為未來需要收集一下呢度既資料,但係當時發生左啲意外,研究中心突然毫無反應,導致佢唔可以及時將支筆俾實驗對象,但係佢喺幾年後就收到未來既指示,將主體隱藏好就可以開始化為人形搜尋實驗對象。佢既實驗對象必須係要會被動地會有好多人接近,但係唔可以係名人或者明星,因為會太高調,唔可以好好咁收集資料,所以就變左我。而佢既作用係,可以提供一定次數實現願望既機會,以研究到底呢個時代既人會為左啲咩而去消耗呢啲機會。)但係佢喺最後嗰陣講既一句嘢,我好在意。
「你好張汋明,希望我地既實驗唔會對你造成任何影響或不便,喺冇通知你既情況下就將你視為實驗對象,抱歉。以後你可以叫我做零。我諗,又或者你都可以叫我,李偲穎。」
DDEIYC 33日
覺得樓主用兩個主角嘅視角寫令我哋可以容易啲代入到故事#yup# #yup# ,但係間唔中有啲錯字同漏字[sosad] [sosad] 個故整體都唔錯,加油#hoho# #hoho#

真係有追喎你!#yup# 我都知呀但係我唔識速成倉頡嗰啲,筆畫又打得慢,所以我用繁體拼音,就搞到有啲錯字。[sosad]
DDEIYC 28日
「喂喂,等陣先,關偲穎咩事?同埋如果你咁講,即係你有一日都係會要帶資料返未來?」
「李偲穎係我喺十九年前化為人形既身份,佢同你接觸既資料我都儲存曬喺主機度,即係簡單啲講,我十七年前已經開始接觸你。而我之後都係會要帶住我所有資料返去未來。」
「咁所以...即係偲穎既全部嘢都係假既?而且你之後返去,都要帶走偲穎?...咪玩啦大佬,唔係假既,喂你同我講唔係假架啦,喂,講笑咋嘛?...」
喺呢個咁大既衝擊之下,我只可以自己喺度說服自己,但係真係好難。由我出世嗰陣,我已經識偲穎。由細細個一齊玩,到依家大個左既所有點點滴滴,我從一個可能連鍾意係咩都唔識,變到知道乜嘢叫鍾意,而呢一切,都係一個由李偲穎既女仔俾我。喺呢個時候,突然有個完全冇乜可能既嘢出黎同我講,偲穎所有既嘢都係假既?
我奪門而出,同時手機打俾偲穎,喺呢個時候我已經唔想再俾自己既細膽懦弱束縛,電話通左。
「喂?」
「喂?係咪偲穎?」
「張汋明你搞笑咩,打過黎我個電話咁梗係我。」
「你真係偲穎?李偲穎?我識嗰個李偲穎?」
——視角——
一返到屋企,真係好攰,呀呀呀真係好難頂,點解今日自己要咁講,好尷尬呀救命。
但係同一時間我諗緊,其實我做到咁明顯乜張汋明都sense唔到咩?由細到大,我一直都有個最好最好既朋友,佢叫張汋明。一直以黎我既學生生涯都係有好多情侶喺身邊誕生,離離合合呢啲我見得多,亦都聽到好多人係度拗,「男女之間有冇純友誼架」,我原本都覺得冇,因為我身邊就有一個好好好好既男性朋友。
但係,人越大,就開始發現好多野都唔係自己原先諗既咁。我原本都以為自己對張汋明既只係普通朋友既好感,只係一般人唔會想像到咁多既好感,只係咁多,絕對唔會係鍾意。只不過,到頭黎原來係自己既恐懼同怕事既化身。我怕,會冇左個朋友。我怕,會同我地成個squad散曬。我怕,一踏出左呢一步,我會後悔。我怕,同張汋明分開。
突然,眼前一黑。
一醒返,好似冇咩事咁,算啦可能攰得滯。正當我諗緊呢啲嘢既時候,佢打黎。
——視角——
「李偲穎,我想同你講...講啲嘢。我知道我好懦弱,好細膽,好怕事,跟住又成日唔識氹你,但係我希望我可以同你一齊走埋之後既路。我唔理幾時會完,我只係怕完嗰一日我都未表白,會後悔。所以,李偲穎,可唔可以做我女朋友?」
我真係好怕有一日,偲穎要返到未來,而我仲係未表白,我怕會後悔一世,我唔想。我亦都唔想李偲穎忘記我,我怕當佢真係變成返一堆數據嗰陣,我相比起啲數據,我只係一個同灰塵一樣咁微不足道既數據,不足掛齒。我想同我認識既偲穎一齊經過埋呢段時間,哪怕得返一個禮拜都好,唔該你了,李偲穎。
DDEIYC 28日
「喂喂,等陣先,關偲穎咩事?同埋如果你咁講,即係你有一日都係會要帶資料返未來?」
「李偲穎係我喺十九年前化為人形既身份,佢同你接觸既資料我都儲存曬喺主機度,即係簡單啲講,我十九年前已經開始接觸你。而我之後都係會要帶住我所有資料返去未來。」
「咁所以...即係偲穎既全部嘢都係假既?而且你之後返去,都要帶走偲穎?...咪玩啦大佬,唔係假既,喂你同我講唔係假架啦,喂,講笑咋嘛?...」
喺呢個咁大既衝擊之下,我只可以自己喺度說服自己,但係真係好難。由我出世嗰陣,我已經識偲穎。由細細個一齊玩,到依家大個左既所有點點滴滴,我從一個可能連鍾意係咩都唔識,變到知道乜嘢叫鍾意,而呢一切,都係一個由李偲穎既女仔俾我。喺呢個時候,突然有個完全冇乜可能既嘢出黎同我講,偲穎所有既嘢都係假既?
我奪門而出,同時手機打俾偲穎,喺呢個時候我已經唔想再俾自己既細膽懦弱束縛,電話通左。
「喂?」
「喂?係咪偲穎?」
「張汋明你搞笑咩,打過黎我個電話咁梗係我。」
「你真係偲穎?李偲穎?我識嗰個李偲穎?」
——視角——
一返到屋企,真係好攰,呀呀呀真係好難頂,點解今日自己要咁講,好尷尬呀救命。
但係同一時間我諗緊,其實我做到咁明顯乜張汋明都sense唔到咩?由細到大,我一直都有個最好最好既朋友,佢叫張汋明。一直以黎我既學生生涯都係有好多情侶喺身邊誕生,離離合合呢啲我見得多,亦都聽到好多人係度拗,「男女之間有冇純友誼架」,我原本都覺得冇,因為我身邊就有一個好好好好既男性朋友。
但係,人越大,就開始發現好多野都唔係自己原先諗既咁。我原本都以為自己對張汋明既只係普通朋友既好感,只係一般人唔會想像到咁多既好感,只係咁多,絕對唔會係鍾意。只不過,到頭黎原來係自己既恐懼同怕事既化身。我怕,會冇左個朋友。我怕,會同我地成個squad散曬。我怕,一踏出左呢一步,我會後悔。我怕,同張汋明分開。
突然,眼前一黑。
一醒返,好似冇咩事咁,算啦可能攰得滯。正當我諗緊呢啲嘢既時候,佢打黎。
——視角——
「李偲穎,我想同你講...講啲嘢。我知道我好懦弱,好細膽,好怕事,跟住又成日唔識氹你,但係我希望我可以同你一齊走埋之後既路。我唔理幾時會完,我只係怕完嗰一日我都未表白,會後悔。所以,李偲穎,可唔可以做我女朋友?」
我真係好怕有一日,偲穎要返到未來,而我仲係未表白,我怕會後悔一世,我唔想。我亦都唔想李偲穎忘記我,我怕當佢真係變成返一堆數據嗰陣,我相比起啲數據,我只係一個同灰塵一樣咁微不足道既數據,不足掛齒。我想同我認識既偲穎一齊經過埋呢段時間,哪怕得返一個禮拜都好,唔該你了,李偲穎。
跳到頁尾