[bouncer]up緊,就快得

發表失敗
發表失敗
原因: 確定
店小三 103日
本人為寫故新手,突然有靈感,多多指教。
故事主要講述突然有個女仔入咗男校讀,之後男主成功溝到佢...(本文走搞笑風):)
店小三 103日
「起身啦,衰仔,7點9啦!」
「嘩!咁晏先叫我㗎。」
我飛身跳落床再用九秒九跑去廁所然之後攞起支牙刷再一路刷牙一路「放水」然後狗衝返房再攞出件校服然後一隻手換褲一隻手換衫,再攞埋個書包。搞掂!成個過程唔使分半鐘,我已經由一個啱啱起身嘅毒男銳變成一個可以出門口返學嘅毒男啦!
呀!我唔記得咗自我介紹添,我係一個毒男,我叫黃浩銘,個個都叫我「鉻仔」,我唔知自己小六揀中學嘅時候發乜神經,係都要揀入一間男校,嗰時以為男校同男女校冇乜分別啫。唉!而家後悔啦,日日對住班宅男同基佬,真係唔宅都變宅,唔基都變基(本人絕無歧視唔同性傾向人士)。唉!功課又多,壓力又大,又無女溝,睇嚟我個中學生涯都冇乜精彩嘢㗎啦。
「衰仔,記住睇車呀!」
「知啦!」

(待續...)
店小三 103日
我出咗門口,望一望隻錶,而家7點56分。根據我精密計算,由屋企跑返學校大約需要3分鐘,計埋等紅綠燈嘅時間(如果我會等嘅話),都要4分鐘。學校大約8點05分打鐘,但係訓導主任好嚴,8點以後入校門都死,睇嚟今次要跑快啲啦!
最後都俾我喺最後一刻入到校門。一入校門,我即刻聽到校長開廣播叫全校同學去操場,仲話有咩特別宣佈,我心諗:妖,咪又係嗰啲低能嘢,有乜好聽呀?
我抓住啱啱喺我面前經過嘅死黨---「中子」,佢係我由小學識到宜家嘅朋友,我同佢可以話無所不談。我問「中子」:「喂!你知唔知今日校長想講乜春?」佢答:「唔清楚喎,不過聽啲師兄講,好似係大單嘢。」「ok,咁去聽啦。」我不情不願咁行過去操場,我同班同學全部喺度討論緊究竟乜事,我照常咁排喺「中子」前面。第咗一陣,校長攞咗支mic,開始講:「各位同學,我知道各位有好多疑問,不過請等我講埋先。今日我咁突然叫各位同學,係因為xx女書院有幾位同學想過嚟我哋學校做交換生...」之後我就聽唔到佢講乜喇,淨係聽到啲師兄弟喺到「嘩嘩」聲,我自己都唔敢相信我自己聽到呢一番說話。

(待續...)
粉紅豹 103日
[lming]cn
比其他孩子長得高?
馬凡氏症知多少
sooohealthy.org
贊助網站
店小三 103日
[lming]cn

多謝支持
粉紅豹 103日
我出咗門口,望一望隻錶,而家7點56分。根據我精密計算,由屋企跑返學校大約需要3分鐘,計埋等紅綠燈嘅時間(如果我會等嘅話),都要4分鐘。學校大約8點05分打鐘,但係訓導主任好嚴,8點以後入校門都死,睇嚟今次要跑快啲啦!
最後都俾我喺最後一刻入到校門。一入校門,我即刻聽到校長開廣播叫全校同學去操場,仲話有咩特別宣佈,我心諗:妖,咪又係嗰啲低能嘢,有乜好聽呀?
我抓住啱啱喺我面前經過嘅死黨---「中子」,佢係我由小學識到宜家嘅朋友,我同佢可以話無所不談。我問「中子」:「喂!你知唔知今日校長想講乜春?」佢答:「唔清楚喎,不過聽啲師兄講,好似係大單嘢。」「ok,咁去聽啦。」我不情不願咁行過去操場,我同班同學全部喺度討論緊究竟乜事,我照常咁排喺「中子」前面。第咗一陣,校長攞咗支mic,開始講:「各位同學,我知道各位有好多疑問,不過請等我講埋先。今日我咁突然叫各位同學,係因為xx女書院有幾位同學想過嚟我哋學校做交換生...」之後我就聽唔到佢講乜喇,淨係聽到啲師兄弟喺到「嘩嘩」聲,我自己都唔敢相信我自己聽到呢一番說話。


(待續...)

伏筆?
之後會唔會有個男仔去咗女校讀書
店小三 103日
我出咗門口,望一望隻錶,而家7點56分。根據我精密計算,由屋企跑返學校大約需要3分鐘,計埋等紅綠燈嘅時間(如果我會等嘅話),都要4分鐘。學校大約8點05分打鐘,但係訓導主任好嚴,8點以後入校門都死,睇嚟今次要跑快啲啦!
最後都俾我喺最後一刻入到校門。一入校門,我即刻聽到校長開廣播叫全校同學去操場,仲話有咩特別宣佈,我心諗:妖,咪又係嗰啲低能嘢,有乜好聽呀?
我抓住啱啱喺我面前經過嘅死黨---「中子」,佢係我由小學識到宜家嘅朋友,我同佢可以話無所不談。我問「中子」:「喂!你知唔知今日校長想講乜春?」佢答:「唔清楚喎,不過聽啲師兄講,好似係大單嘢。」「ok,咁去聽啦。」我不情不願咁行過去操場,我同班同學全部喺度討論緊究竟乜事,我照常咁排喺「中子」前面。第咗一陣,校長攞咗支mic,開始講:「各位同學,我知道各位有好多疑問,不過請等我講埋先。今日我咁突然叫各位同學,係因為xx女書院有幾位同學想過嚟我哋學校做交換生...」之後我就聽唔到佢講乜喇,淨係聽到啲師兄弟喺到「嘩嘩」聲,我自己都唔敢相信我自己聽到呢一番說話。


(待續...)

伏筆?
之後會唔會有個男仔去咗女校讀書

暫時唔劇透住,不過如果你哋鍾意,可能會喺外傳講
店小三 103日
就係咁樣,xx女書院喺今日派咗30個交換生過嚟,之前我哋每班抽一個男仔去xx女書院度,空咗嘅位就俾啲女仔入嚟。唉!可惜啦,我冇俾人抽中,反而我嗰班全班最毒嗰個毒L抽中咗,條友就爽啦(雖然我覺得佢冇可能溝到女),但係可以俾成班女圍住都真係好難得㗎!唔緊要啦,可以喺男校入面有女同學,已經係一種福份啦!
「大家好,我叫葉倩晴,你哋可以叫我小倩。」
淨係呢個自我介紹,已經令班上所有狗公同毒男神魂顛倒,因為小倩根本就係嗰種喺條街到經過,十個男人有九個都會望返轉頭嘅女仔。
「好啦,由於有新同學,我哋而家會重新掉位。」班主任李老師一講完,班狗公同毒男又開始起哄。唉!佢哋真係太耐冇喺學校見到女啦(除咗老師)。
全班(包括我)立即用「宇宙第一速度」執好所有嘢,之後出去排隊等班主任幫你揀位,今次絕對係我最期待嘅一次掉位。
最後,我冇得坐小倩隔離,反而坐咗喺佢後面,而中子就坐我隔離。一開始我都有啲失望㗎,不過諗深一層,可以坐喺佢後面都幾好㗎,起碼唔係坐到離佢鬼咁遠先啦。

(待續...)
刺蝟扮狗 103日
:)
店小三 103日
#yup# 各位巴打好唔好睇呀?
店小三 103日
自從小倩同埋嗰29個女仔入咗嚟讀,全校所有男學生嘅校園生活就變得多姿多彩,班狗公變到每日都好期待返學。而我,就因為每日都坐喺佢後面,加上唔知點解佢成日主動同我傾計,令到我都有啲心動(雖然我知道如果我嘗試溝佢,班狗公會打7我)。
自從小倩嚟咗,我幾乎冇一堂係專心上堂嘅,每一次正當我想抄黑板嘅時候,佢就會拎轉頭撩我傾計,有時中子仲會傾埋一份。雖然我都想溝女,但係我始終都想做返一個成績好嘅毒男(雖然可能冇人信,但係我成績都有中上㗎)。
相處咗一段時間,我同小倩開始熟絡,之後我成功攞到佢個電話...

(待續...)
NE2000 103日
誤入男湯:P
店小三 103日
誤入男湯:P

#hehe# #hehe#
店小三 103日
附上紙言link:https://www.shikoto.com/i/0TZ
店小三 103日
今日,又係一個平平無奇嘅星期一,我照常行返學校,但係今日唔知點解早咗出門口,7點15分已經起咗身,咁不如早啲返去啦,抄下功課都好。
就係咁,我就成功喺中學生涯第一次早過7:40分出門口,難得今日咁早,就慢慢行啦,又可以玩下電話。
啱啱落咗樓,我就開始一路玩電話,一路行返學,我諗我個潛意識已經記得返學條路點行,我衹要專注喺電話世界入面就ok啦!行下行下,個背脊突然俾人拍咗一下。
「喂!銘仔,一路行一路睇電話唔好㗎喎!」
「嘩!嚇死我咩!話時話,小倩你都係住呢度附近咩?」
「係呀!我咪住嗰度囉!」小倩講完後用手指住xxx屋苑。
「咦!原來我同你住得咁近㗎,我哋兩個真係幾有緣喎!」
跟住,小倩講咗句班狗公夢寐以求嘅嘢。

「咁不如,我哋以後都一齊行返學啦!」
我毫不猶豫咁答咗句
「好呀!就咁話啦,咁我哋就約定每日7點半喺度等啦!」
「Ok!」
佢最後仲俾咗個好靚嘅笑容我。

到咗呢一刻,我心須承認我的確鍾意咗佢...

(待續...)
我唔做人類啦 102日
留名
利申讀男校,學校真係有類似呢啲嘅programme
想露髀 102日
加甜plz :P
店小三 102日
加甜plz :P

盡量:)
店小三 102日
今次未有甜住,各位巴打等一等
店小三 102日
自從小倩同我每日都一齊行返學,我每日都會7點正起身,亦都唔再賴床,連呀媽都話我「轉死性」。估唔到我竟然為咗一個淨係識咗幾個禮拜嘅女仔而改變我多年嚟嘅生活習慣......
我同佢一齊行返學嘅時候,可能係我每日最開心嘅一段時間,我唔再一路行一路玩電話,我哋反而會利用呢段時間傾下心事、講下老師壞話,有時我仲會講下笑話氹佢開心。我改變咗咁多,衹為博得小倩紅顏一笑。望見佢可愛嘅笑容,我,就滿足啦!
喺呢段時間,我變得更加了解小倩,由佢嘅喜好到佢嘅生活習慣,我都好清楚。從中,我發現我哋原來有一樣共同喜好

----打乒乓波

所以我同佢小息/Lunch time有時候都會落去乒乓波枱打下波,切磋下。

可能,呢段時間係我讀中學時,最開心嘅一次。

(待續...)
店小三 102日
有少少甜
店小三 102日
時間轉眼間嚟到十一月中,統一測驗已經迫在眉睫,好多「學霸」已經開始不眠不休咁溫書。作為一個本身成績唔錯嘅毒男,再加上小倩嚟咗,點都要威返次俾佢睇。所以我每日都會喺學校溫書溫到6點先走,因為喺學校溫書可以斷絕手機嘅引誘。
時間嚟到統測前一日,我照常留喺學校溫書,聽日測數學,我數學成績最好,還掂數學都冇乜嘢溫,都係溫後日測嘅英文好過。
就喺我啱啱攞出英文書嘅時候,一把熟悉嘅聲音傳入我耳中。
「咦?銘仔你仲未走咩?」
「係呀,聽日UT(統測),要溫書呀!」
「咁一齊溫啦!」
就係咁,小倩同我就開始咗「一齊溫書之旅」。我而家先發現佢數學唔係咁好,之前都係啱啱合格。於是,今次「一齊溫書之旅」就變咗「我教佢數學之旅」。
俗語有云:開心嘅時間過得特別快,好快已經6點,校工要鎖門,唯有執嘢走人。
「多謝你教咗我咁多條數呀!」
之後,小倩錫咗我塊面一啖
我即刻呆咗,而佢就好似好開心咁離開咗課室

但係我哋兩個都唔知道,「佢」將呢件事盡收眼底...

(待續...)
店小三 102日
第二日,我仍然陶醉於琴日嗰一吻,搞到我完全冇辦法專注喺溫書上。其實我仲未搞清楚小倩嗰一吻究竟係咩意思。不過都係UT完先問啦,而家一定要專心測完個UT先。
今日我都照常喺7點半等小倩,等咗十分鐘,佢都仲未出現。因為佢之前冇試過遲到,所以一開始我仲以為佢今日唔等我 。點知,佢喺7點9先到。一見到佢,我覺得佢個樣好似有啲唔同咗,佢行到埋嚟,我先留意到佢原來化咗個淡妝。佢平時素顏已經好似天仙下凡,而家更加唔使講啦!
「咦?你點解化咗妝㗎?」
「唔得咩?行啦,就嚟夠鐘啦。」
佢一講完就拖住我就手跑返學校。唉!佢咁做就預咗俾人望住㗎啦。果然,班狗公一路鄙視我。睇嚟今個學期我都冇得好過㗎啦。
一返到學校,中子就即刻行過嚟問我
「喂!你真係溝到小倩?」
「唔係呀!我冇主動溝佢㗎,係佢自己無啦啦拖住我隻手㗎!」
「嘩!呢個籍口都俾你吹到出嚟,你好嘢。溫書啦,仲溝女。」
「喂!聽我解釋...」
中子冇理到我就走咗。
我心諗:今次真係跳落黃河都洗唔清...

「測驗時間完畢,請停筆。」
話咁快就測完一科,好彩夠時間做。

本來諗住執嘢走人,點知...
「另外,黃浩銘同葉倩晴,請到7樓教員室,梁欣榮老師有事搵你哋,其他同學可以離開。」

我同小倩對望咗一眼,我同佢都唔知發生咩事,唯有上教員室失知咩事。我同小倩一齊行上七樓,佢都收斂咗好多,冇再拖住我隻手,睇嚟佢有啲淆底,可能係因為梁sir係全挍出哂名惡嘅老師。

一上到7樓,梁sir即刻叫我哋過去,然後佢俾咗張相我哋睇
「你哋點解釋?」
嗰張相影到小倩錫咗我一啖...

(待續...)
想露髀 102日
:O
店小三 102日
「Er...Err...Err..」我完全講唔出任何籍口。
「嗚...嗚...」小倩開始喊,睇嚟佢真係好驚。
「咁邊個負責任?」梁sir開始猛烈嘅追擊。
「...」
「我問緊你哋嘢呀!」
「係我迫佢嘅,唔關佢事!要記過就記我,唔好記佢!」我終於鼓起勇氣講出呢句說話。
「嘩!好有義氣喎。好,我承你貴言,今次我唔會spread條片出去,淨係記你一個小過,益咗你啦!下不為例!」
梁sir講完就走咗。我心諗:頂,條友咁就走咗,。唉,又要記小過,今日真係黑到爆。
我拎轉頭,見到小倩仲細細聲喊緊,我摸咗下佢個頭,
之後同佢講
「唔好喊啦,都冇事。」
「sorry...我累...咗你...」佢喊嘅時候都幾可愛喎...
「唔緊要啦,小過啫,真係冇事喎。當俾面我,唔好喊啦。一齊返屋企啦。」
「好啦...」

喺返屋企途中,我問小倩
「其實點解你琴日會無啦啦錫我?」
佢即刻面都紅哂
「我...講咗你...唔好嬲喎」

(待續...)
想露髀 101日
咁短#ng#
跳到頁尾