巿民食炸雞竟魚踩屎受傷！64歲家庭主婦袁女士閒時炒股，上周三(14日)她相約2名女友人到銅鑼灣證券行睇股巿，下午4時許收巿後三人行到灣仔港灣道新鴻基中心1樓肯德基快餐店食炸雞，傾股經交流心得。3人逗留至傍晚6時10分離去。袁女士稱當時行到距離大門7至8呎範圍，突然腳下一滑跌倒在地，同時右背直撞高櫈，背部近腋下位置隱隱作痛。

她初時以為腳下踩中雪糕跌倒，但仔細一看見到左邊大腿及鞋底流佈黃色污物，且有陣陣惡臭攻鼻，才知踩中糞便：「我以為踩中雪糕球，但嘩咁臭，我有養狗，感到唔係狗屎嚟喎，先知領嘢。」 當時餐廳經理遞上濕紙巾讓她清潔及慰問傷勢，但經理未有報警。最後她自行報警求助，由救護車送往敦律治醫院。她稱，經X光檢查後證實沒有骨折，十分好彩，但右邊背脊有瘀傷，當晚出院後回家休息了兩日才能外出。
袁婦最為不滿的是，餐廳經理至今未能解釋為何食肆內會出現糞便，她要求翻看閉路電視，但經理聲稱閉路電視當時未有拍攝事發現場的畫面，要求店方交待，並揚言不再幫襯肯德基。「咁大條通道有灘屎點會無人知？當日沖咗成個鐘頭，依家仲諗起嗰陣味。」

http://static.apple.nextmedia.com/images/e-paper/20160918/large/1474197237_f449.jpg