[HiHi]我救左隻Husky犬,點知發現佢識講野(3)

三聯幫牟中三 4737日

新Post將進入最重要戲肉！
請留名正評！

留低個名先 4737日

三聯幫牟中三 4737日

拉了二毛進來，第一件事當然是刺探軍情，
本來不論我們怎樣問，二毛都因為義字當頭不肯出賣研究所的人，
不過在曉以大義加上女神親自開口之下，二毛才勉為其難告訴我們。
研究所總共派了六隊人來捉小明，每隊五人，
其中四隊人在圍村被大波榮他們襲擊，身高逾兩米的特別小隊被當成活靶般打，
結果特別小隊全軍覆沒，其他人亦被迫撤退，
剩下的兩隊負責監控，待發現我們後便派那三隊人來捉我們，
而借後巷武士打倒的乃是其中的兩隊，所以說現在有能力追蹤我們的便只剩下一隊五人而已。
我沒想過自己亂衝亂撞竟然也消除了大部份的威脅，
既然只剩五人，接下來的事情應該好辦得多，想到此處我稍為安心了，
二毛看了我一眼，該是猜到我心中所想，
「研究所收到消息，下一步就係派出加倍嘅人手，你地根本無可能走得甩。」二毛對我的語氣份外不屑，
「咩研究所咁巴閉呀！香港冇人理嘅！解放軍都未敢咁亂嚟啦！」我不服氣地回擊，
「只要冇死人，冇搞大件事，就算係共產黨對佢地都只會隻眼開隻眼閉，何況係你小小一個香港？」二毛反了反白眼，我對牠的同情心頓時消失無蹤，
不過，如果二毛所言不虛，小明的事牽涉的就是另一個層次的大問題，
恐怕絕非是我們東跑西逃便能解決的，
小明看見我苦惱和無助的樣子，把狗爪輕輕搭住我，
「小明.............」我嗚咽地說，
「喊唔喊你都亞太區有一天成為亞太區硬街架啦！而家諗下點幫契媽甩身吧啦！」小明竟然不是安慰我，
二毛聽罷連忙點頭，看來兩隻衰狗都打算不管我的死活。

三聯幫牟中三 4737日

「你地唔好嚇佢啦，我地快啲一齊諗下辦法。」女神的維護讓我感激流涕，同時她居然默許了契媽這個稱呼，
「無咩辦法架啦，交呢隻嘢出去啦！」二毛望了小明一眼，似是怪牠連累了女神，
「或者簡單啲，我自己走啦。」小明自然也明白大家的處境都是因牠而起，
「唔得！」我和女神幾乎是異口同聲喊了出來，
「你返去之後都唔知嗰啲人會點樣對你！」女神緊張小明的安危，
「你搞咗我咁耐，港九新界跟你跑哂咁濟，你而家先話一條狗走佬！？」我嘴上說得奇怪，但心底都是擔心牠而已，
小明還待說甚麼，二毛卻先叫了起來，
「嗚........嗚.......禾巧揀動呀.....」二毛又哭了起來，聲線更變得像金剛般含糊，「你隻二五狗竟然識到咁肯為你嘅契媽，有冇Vegetable呀......」
說到尾都是女神而已，又一次當我不存在，
「係喎，點解小明額頭有冧巴，你冇嘅？」我問二毛，
「佢都有架～唔係額頭啫～」小明不懷好意地笑，我和女神望向二毛，只見二毛一臉尷尬，
「唔...唔好問啦....冇乜好睇.....」二毛的反應卻告訴我們絕對好好睇，
「如果你將佢個冧巴影相放上網，咁先真係叫紅爆呀！」小明幸災樂禍，
「咁要睇睇喎！」我馬上衝過去捉住二毛，
「喂！！唔好！！！咬你架！」二毛緊張得大叫，
我抱起二毛，只見牠狗公特徵－袋底旁邊印了個清晰的阿拉伯數字「20」，
我本想說甚麼，但話到口邊卻突然讓我靈機一動，
我捉到某個重點，但一時之間又無法組織得很好，
只知道，我好像找到救命繩了。