![[bouncer]](faces/lomore/bouncer.gif)
up緊，就快得
怕醜草都唔縮
4748日
是咁的，尋日女神佢身體不適，在家休息不宜外出，但又肚餓想食野，於是佢就whatsapp同我講：「我想食macaroni」。我諗左一陣，醒起macaroni即是通心粉，原來女神想食d清淡既野。作為士兵既我知道呢個係我晉升既大好機會，正所謂蘇州過後就無艇搭，我當然身先士卒挺身而出去獻殷勤，我瀟灑地回佢一句：「包係我身上啦，一陣送到你府上」。女神再補充一句：「我要紫色個隻」。呢句話的確耐人尋味，因為我實在未食過紫色既通心粉。
我走入廚房，發現廚櫃仲有大量既快熟通心粉係度囤積居奇，而且仲有幾款唔同既口味，分別以唔同顏色既包裝袋區分。當我見到紅燒肉丁湯口味既包裝既時候，我晃然大悟，因為肉丁味既包裝正正就係紫色，原來女神想食肉丁味。當時我望住「肉丁」呢兩隻字，突然腦裡面一個意淫既想法一閃而過，唔通呢個係女神既暗示?而佢因為害羞所以先咁婉轉以紫色代替肉丁二字? 唔通我服役多年終於有成果?我懷住愉快同興奮既心情去烹調個肉丁通粉，再加埋我既心意落去，一路諗起當年通心粉廣告入面一對情侶餵食彈牙通粉既溫馨場面。
好快我就帶住煮好既通粉送到女神府上，我打開保溫壺向佢展示出我精心泡製既通粉。呢個時候只見女神眼都凸埋出黎。我見勢色唔對，即刻反問：「乜你唔係要通心粉咩?」女神塊面立即變黑：「I mean macaron囉。」真係晴天霹靂。原來唔單只食麵好比生命的幻變，通粉都係。原來女神係whatsapp想打既係macaron，唔係macaroni。我無地自容，我見自己畢左已經即刻扮鵪鶉唔出聲，我而家既感覺仲慘過肉丁被火燒。點知女神得寸進尺，中氣十充地hi我：「下?乜你連英文都唔識架?唔明就開聲問啊嘛，亂咁make promise好唔要得囉，好彩我一早叫定其他人買者，靠你喎~?」
雖然我只是一名兵仔，但正所謂士可殺不可辱，我竭斯底里地大喝：「Hi！一早叫左人買俾你就咪搵我做後備啦。你自己打錯字仲賴勁我英文屎。好地地macaron又要加個 I 字落去，你駛唔駛咁自我中心啊?仲有，macaron係法文唔係英文啊八婆！」然後我頭也不回就拂袖而去，手上只拎住壺肉丁通粉，不帶走一片雲彩。呢一刻我既心情相當複雜，點解法國杏仁小圓餅同意大利通心粉既名稱要咁相似?我彷佛被意大利戲弄左咁，不禁令我回想起06年世界盃法國對意大利，施丹沉唔住氣還擊而領紅退役，而呢一刻我都知道自己會永久退役。我返到屋企獨自細味呢壺代表骨氣同尊嚴既肉丁通心粉。
我走入廚房，發現廚櫃仲有大量既快熟通心粉係度囤積居奇，而且仲有幾款唔同既口味，分別以唔同顏色既包裝袋區分。當我見到紅燒肉丁湯口味既包裝既時候，我晃然大悟，因為肉丁味既包裝正正就係紫色，原來女神想食肉丁味。當時我望住「肉丁」呢兩隻字，突然腦裡面一個意淫既想法一閃而過，唔通呢個係女神既暗示?而佢因為害羞所以先咁婉轉以紫色代替肉丁二字? 唔通我服役多年終於有成果?我懷住愉快同興奮既心情去烹調個肉丁通粉，再加埋我既心意落去，一路諗起當年通心粉廣告入面一對情侶餵食彈牙通粉既溫馨場面。
好快我就帶住煮好既通粉送到女神府上，我打開保溫壺向佢展示出我精心泡製既通粉。呢個時候只見女神眼都凸埋出黎。我見勢色唔對，即刻反問：「乜你唔係要通心粉咩?」女神塊面立即變黑：「I mean macaron囉。」真係晴天霹靂。原來唔單只食麵好比生命的幻變，通粉都係。原來女神係whatsapp想打既係macaron，唔係macaroni。我無地自容，我見自己畢左已經即刻扮鵪鶉唔出聲，我而家既感覺仲慘過肉丁被火燒。點知女神得寸進尺，中氣十充地hi我：「下?乜你連英文都唔識架?唔明就開聲問啊嘛，亂咁make promise好唔要得囉，好彩我一早叫定其他人買者，靠你喎~?」
雖然我只是一名兵仔，但正所謂士可殺不可辱，我竭斯底里地大喝：「Hi！一早叫左人買俾你就咪搵我做後備啦。你自己打錯字仲賴勁我英文屎。好地地macaron又要加個 I 字落去，你駛唔駛咁自我中心啊?仲有，macaron係法文唔係英文啊八婆！」然後我頭也不回就拂袖而去，手上只拎住壺肉丁通粉，不帶走一片雲彩。呢一刻我既心情相當複雜，點解法國杏仁小圓餅同意大利通心粉既名稱要咁相似?我彷佛被意大利戲弄左咁，不禁令我回想起06年世界盃法國對意大利，施丹沉唔住氣還擊而領紅退役，而呢一刻我都知道自己會永久退役。我返到屋企獨自細味呢壺代表骨氣同尊嚴既肉丁通心粉。
![[sosad]](/faces/sosad.gif)
![[sosad]lm](/faces/lomore/sosad.gif)
