[該完結還是會完結]我老母話我有個未婚妻三年後結局

八輩子的約定 · 2013-07-20T06:30:46.5570000Z

順便幫朋友賣賣廣告，求admin勿bam 求各位巴絲唔好Hi勁我因為人地幫左我好多,我只係略盡綿力幫返朋友們呢個「結局」，唔單止係《我老母話我有未婚妻》既後續，而且仲係「神秘故事海報」裡面四個故事既結局。「神秘故事海報」只會係書展有得送，地點係泛華發行攤位，問問職員就有架喇。好,入正題《我老母話我有個未婚妻三年後結局篇》嗨，好耐冇見，我係八輩子。露露已經走左三年，而我都由當年i大畢業到依家大學畢業。呢三年我雖然一直同露露都冇見過面，但係一直都有靠facebook同埋whatsapp聯絡。我同左露露講，我將我同佢既事寫成故事，放左上高登，露露睇完之後都話好睇，仲話我將佢第一次用蘋果掟我個頭果一個畫面，描寫得好維肖維妙，令佢恨不得即刻飛返黎香港拎住一大抽蘋果狠狠掟多幾次。「其實，你肯返香港，我真係咩都唔怕。」我按下錄音鍵，將呢句說話錄好，再發送俾露露。眼見露露在線上，但係冇任何回應，繼而下線。正當我心諗「都係既，都三年啦，咩火都熄哂啦…… 」既時候，露露突然又上線，而且狀態係輸入中。「傻佬！其實，我已經決定左，黎緊準備返香港讀大學喇。」咩話！！！「真係﹖咁你公公點算﹖」「公公佢知道我其實係香港有男朋友，而且佢覺得我咁落去唔係辦法，所以佢決定住老人院，但係佢開左個條件，就係一年要返去探佢兩次。」哇，公公皇恩浩蕩呀！！！「咁你幾時返黎﹖依家暑假喇喎，咁咪要由你依家間大學，直接轉過黎插班入學囉﹖」「幾時返就唔話你知，但係好似有人畢左業喇喎，我記得三年前有個人係我臨走之前，又話會負起責任養我，果陣時我就話佢冇能力，要靠父母；但依家呢﹖果個人有能力未呀﹖搵到工未呀﹖ 」見到呢句，真係紅都面哂，點解我當時會講d咁肉麻咁尷尬既野…… BTW，我畢左業成個月，搵工方面都冇咩消息，所以就成日掛住整理自己個Fanspage。咁你知啦，馬死落地行，我就周圍放風問下有冇朋友有工作介紹，去到呢一刻，真係連OK既懷抱我都要投入，總好過冇工返，日日係屋企懶懶閒。咁岩有個朋友尋日有消息，佢叫陳天佑。係露露走左果三年，我一直都有去做下義工，當係消磨時間，我就係果陣時識左呢個朋友。佢話佢有熟人做緊保安，好似都幾好Pay。咁又係既，依家保安呢行，叫做退休工，冇咩後生仔入職，人手流失

八輩子的約定 4701日

八輩子都返黎出後續
但係走青巴打就冇曬聲氣

八輩子的約定 4701日

八輩子巴打住屯門邊度屯門向左走向右走報到

這是個不能說的秘密

八輩子的約定 4701日

有結局

當年睇完今日嘅結局雖然短，但係就令到個故事唔再有遺憾

搵時間重新睇個故事一次

多謝你,出書會唔會買?

八輩子的約定 4701日

終於見返八神你啦

篇未婚妻睇到差唔多識背

見到你而家上返水又帶喜訊俾成班巴絲,

多謝你

我多謝你先真,出書會唔會買

八輩子的約定 4701日

八輩子
分享下宜家拍拖啲野好冇？？
好掛住你地

無嫁WO,無限LOOP出街食飯果D

八輩子的約定 4701日

留個名

琴日終於見到你真身

八輩子的約定 4701日

一口氣成個故睇曬新讀者表示幾時作到結婚啊

我工都未搵到,出書食唔到飯 [sosad]

八輩子的約定 4701日

好懷念

三年前CD-rom等到依家

終於等到

八輩子的約定 4701日

真係好驚訝
想當年你第一個POST已經開始追,果陣高登真係好多正故
呢個故果陣睇到最後都幾心UP
冇諗過今日竟然有個後續,雖然好短..但係唔知點解好似突然解左個多年既心結咁
覺得所有野都好似係尋日發生咁,勾起左好多回憶..好感觸

因為大家都等緊露露返黎係咪?

八輩子的約定 4701日

都咁多年雖然淨係睇過一次但入面d情節好多都好深刻
冇一套作品可以令我十分感動你個故仔搞到我又窩心時又傷感
出書係真的嗎好的作品應該比更多人睇 (其實我有幻想過拍成電影應該幾好睇 )

多謝你, 如果可以我都想佢放上大銀幕,但係我呢個故事無咩商業價值,所以我估機會不大

八輩子的約定 4701日

想當年我岩岩同女朋友一齊,宜家到末期

有無好好同佢傾下?

八輩子的約定 4701日

都咁多年雖然淨係睇過一次但入面d情節好多都好深刻
冇一套作品可以令我十分感動你個故仔搞到我又窩心時又傷感
出書係真的嗎好的作品應該比更多人睇 (其實我有幻想過拍成電影應該幾好睇 )

手機手快sd左出?
巴打我都有諗過電影化
諗番起我追故?陣用我自己同埋女神同身邊既事?做背景咁睇。
不過好多野都唔同晒，有諗過脫毒扮mk溝女，但最後高登先係我屋企

好巴打

八輩子的約定 4701日