[bouncer]up緊，就快得

發表失敗
發表失敗
原因: 確定
于日辰 4752日
他媽的這三天，睡覺時轉個身稍為踫到老二都立即痛至驚醒，
阿積這個瘋子實在令人相當困擾，我應該怎樣應付他？
我真的怕了他，倉內每一個人都怕了他，連司徒也忌他三分，
因為他的錢實在太多，頭腦也太不正常，還要有一大伙跟班，
他的勢力就如在倉內多開一個字頭般強大，誰敢惹他？

如此一個活生生的技安，偏偏選中我為大雄，
而又不設定一個叮噹給我，連靜兒都沒有，
我只是無間斷的被他欺壓，我的生活不再平靜，
不再悠閒，不再豐盛，連night也不敢落，
有次終於害得我真的夢遺了，然後醃著臭了一整天……
別問我是誰~ 4752日
#good#
船長掌船槳 4752日
#yup#
美少女賭神 4752日
push ~~~~
毒拎公仔麵 4752日
硬係覺得主角女朋友最後會離佢而去 :-( 因為佢好似諗到出冊後會好幸福咁 :-(
莫澤基 4752日
觀左鳥都唔洗你拆珠?_?
Hi畫張大飛叫條ii收佢皮咪得囉
我愛含鏈咀 4752日
#good#
支持中
忽傾阿尾盛！ 4752日
觀左鳥都唔洗你拆珠?_?
Hi畫張大飛叫條ii收佢皮咪得囉

可能ii一早收左飛保阿積
SO能救SAD 4752日
#good#
美少女賭神 4752日
劃十條飛埋佢單啦Hi
恩人走得麼? 4752日
買左 #adore# #hoho#
西貢基維爾 4752日
唔通你之前響出面同佢嘈過?_?
寶寶飲奶 4752日
你食過佢D女黎?
唔係點解咁大仇口架
(不過痴線佬其實無乜好解釋)[sosad] [sosad] [sosad]
咁易比你估到 4752日
我估係出面實有牙齒印 唔係點會哎住 :)
龜爺 4752日
我估係出面實有牙齒印 唔係點會哎住 :)

我覺得可能係d白痴理由，最後做左好朋友（單方面，積當左佢男神）
于日辰 4752日
22. 180日前 【打包】

我：「你已經覆桌咗幾簡，其實有無諗過撈返正行？」
伍：「唉，跳咗灰咁耐，仲做得乜吖……」
我：「你……你無屋企人嘅咩？」
伍：「有，老母同個女。」
我：「你唔想陪住佢咩？」
伍：「我想佢唔想呢……邊有人想有個爛賭嘅毒犯老豆㗎……」
我：「咁你咪改過自新囉！」
伍：「唉，唔好搞咁多嘢喇……我其實都幾習慣呢度嘅生活。」
我：「你個女有無嚟探你？」

伍：「無。」

我：「咁你掛唔掛住個女？」
伍：「唉有時啦！」
我：「仲有一隻你就出冊，係時候改變一下吖？」
伍：「唔……」
我：「你個女幾多歲？」
伍：「十四。」
我：「咁同邊個住呀？」
伍：「同我阿媽住。」
我：「都好，咁你出咗冊返去咪可以即刻見返個女囉！」
伍：「但係個女堅係抗拒我……」
我：「豆釘咁細鬼知你跳灰咩！」
伍：「但係佢覺得係我害死佢阿媽……」
我：「你……老婆？」
伍：「我老婆DD死。」
我：「佢係你客仔？」
伍：「唔係……。」
我：「咁……」
伍：「佢唔想我繼續賣粉，所以一次過隊晒落口……」
我：「噢……」
伍：「然後我就入咗嚟。」
我：「噢……」
于日辰 4752日
伍：「真係攬炒。」
我：「你老婆點解會咁激動？」
伍：「嗌咗場交之後意氣用事囉……」
我：「佢唔知咁嚴重？」
伍：「好明顯啦……嗰度成kg，一嘢倒晒落口……」
我：「呃……」
伍：「好彩佢無餵埋個女……」
我：「所以個女唔跟你？」
伍：「佢睇住佢阿媽啪晒成包粉之後抽搐……嘔泡……救……救……護車都未……嚟就……就……」
我：「你呢？」
伍：「我嗰朝出咗去買早餐，返嚟啱啱好見到佢最後一啖氣……」
我：「係…點㗎？」
伍：「我諗佢真係好憎我……」
我：「個女呢？」
伍：「喊到豬頭咁……」
我：「白車嚟咗都無用？」
伍：「我哋住唐樓，佢哋踩到上嚟都灘凍晒……」
我：「唔……」
痕淫馬露 4752日
呢篇好打動人心
再不是欺皮的文章
為了阻止老公賣毒 以死相抗
于日辰 4752日
伍：「我之前喺荔枝嗰邊有食藥，好彩唔使送去青山……」
我：「吓你食咩藥？」
伍：「衰咗入冊之後有啲情緒唔穩定咁囉……至於咩藥我就唔知喇。」
我：「噢……依家好返未？」
伍：「間中失吓眠發吓惡夢咁，都係嗰啲……」
我：「老同，振作啦，希望在明天，一隻後一條好漢，唔好再搞毒喇！」
伍：「魚仔，你就話屋企大把貨啫，我阿媽執紙皮㗎咋！」

我：「你識做啲乜？」
伍：「我…唔……我真係字都唔識多個㗎……」
我：「如果做吓送信、換吓燈膽、執頭執尾呢？」
伍：「哦，咁應該得……唉郵局唔會請我啦！又老又坐過監……」
我：「三十幾就話老？」
伍：「我16、7嗰陣做過搬貨之外就無試過有份正職喇喎……」
我：「咁所以先係時候抬起頭做人！」
伍：「喂魚哥，係咪有好路數？」
我：「我要請多個助理都唔過份嘅！」
伍：「喂魚老闆，咁我跟你㗎喇！」
我：「你以前運一次毒幾多錢？」
伍：「雖然唔係日日有，不過跳一次，細單嘅一千幾百，大單嘅有成兩三千蚊㗎……」
我：「一個月平均有幾多單？」
伍：「唔……旺季一個月有四、五單㗎，都幾肥仔！」
兼職科士 4752日
:-(
CarlyJepsen 4752日
#good# #good# #good# #good#
于日辰 4752日
我：「乜有分淡旺季嘅咩？」
伍：「有㗎，白麵就平均啲，茄同草真係季節性，天口熱會多啲㗎！」
我：「我公司暫時就畀唔到咁多你喇，萬二蚊OK？」
伍：「O呀O呀！我有時一個月連兩千都無！」
我：「嗱為咗迫使你行返正軌，我之後會同你簽返份合約……」
伍：「吓咩合約？」
我：「你兩年內絕對唔可以自行離職，如果唔係就當毀約㗎喇！」
伍：「哦哦哦！難得有份寫字數工，我一定會努力㗎！」
我：「出返去買返幾件恤衫呀，唔好寒寒酸酸喇！」
伍：「係係係，多謝魚哥關照！多謝魚哥關照！」
我：「喺出面叫我Nelson。」
伍：「呢…咩……」
我：「唉叫我于生啦。」

伍：「但係你未出冊嗰段時間我點算？」
我：「都係三個月啫，洗碗又好做咕哩又好，好快就過到㗎啦！」
伍：「咁又係……」
我：「最緊要抬起頭做人，喺你個女面前堂堂正正做返個男人！」
伍：「魚哥多謝你……我會自力更生㗎喇！」
我：「同個女好返，然後睇佢畢業，睇佢結婚，做埋阿爺湊孫，你話幾好！」
伍：「我覺得我人生終於有返意義！」
我：「係呀！做人無夢想，同條鹹魚無分別！」
伍：「嘩！魚哥，金句呀！」
我：「嘿……」
伍：「我驚做得唔好俾你炒魷咋……」
我：「唉，你咁高，換燈膽難你唔到啦！」
伍：「哈，唔好講笑啦！」
于日辰 4752日
兩天後一個早上，伍仔被發現在扇把用匙羹柄尖自殺……
這是我第一次遇上監獄所謂的「打包」。
babimari 4752日
今日出得幾快, 很好
我係公司悶到發慌
-Fabio- 4752日
兩天後一個早上，伍仔被發現在扇把用匙羹柄尖自殺……
這是我第一次遇上監獄所謂的「打包」。

:~(
跳到頁尾
上一頁 下一頁
登入