有心無默
4801日
15.
阿肯回到基地，已經是一小時之後的事，
我根據阿傑的提議，以另一個版本交代發現「關鍵事件」的經過。
『你話運送去火化站既車有唔妥...所以...或者關停屍間事。』
「嗯，同阿傑佢地分析過之後...都覺得好大機會係咁。」
『有道理。』
非常慶幸的是，阿肯對這版本絲毫沒有懷疑，
也沒有提出尖銳的問題，聽到後反而嘴角微翹，露出興奮的笑意...
『做得好...揚生你既幻覺既能力果然有用，咁既話...
所有拼圖都已經集齊...之前計劃遇到既問題都可以迎刃而解...』
『計劃個進度而家係點？』阿傑宣問
『哈，我咁遲返黎當然係有原因，黑客個邊我已經過左數，
用黎短暫干擾醫院監視錄像既裝置，應該可以幾日內比到我地。』
『干擾？』阿傑不解『但一間大醫院如果比人干擾，
引伸既問題唔係會好嚴重咩？會唔會同我地之前查既記錄有衝突？』
『佢話可以保證，除左監視錄像之外，其他醫院裝置一律唔會受影響，
所以正常情況下係無人會發現，當然，過長時間使用都係會有風險...』
阿肯豎起一隻食指，繼續說下去：
『一分鐘，係絕對安全既期限，個黑客用佢既名聲黎保證。』
換句話說，只要一分鐘內沒讓任何人發現，就不算是違反歷史。
阿傑看著醫院的平面圖，拿起一枝筆開始分析起來：
『...假設我地係無監視錄像既雜物房出現...之後啟動裝置，
解決章天晨，再將佢移轉到最底既停屍間，一分鐘...睇怕都係非常勉強。』
『所以我地需要既...會係一個內應。』阿肯回答
『李小姐，我叫妳去查威院個期既入職離職記錄，結果係點？』
『係，』李小姐點頭，用帶點官腔的語氣回答
『係12月6日之前都無人入職同離職，但之後，係有一位護士離職...』
然而，說到這裡，她好像察覺到什麼似的從會議桌上拿起一張名單...
『原來係咁...個個護士既職責之一，正正係負責屍體運送！』
『所有野都講得通。』阿肯滿意地點頭『阿傑，幫我起呢個護士底，有無問題？』
『舉手之勞。』
本來膠著的任務進度突然變得非常順利，令我難免感到興奮起來...
撇開未來阿傑可能遇險不談，其實電話裡面還有個訊息...對我來說是一枝強心針，
既然他如何解決章天晨，不就代表這次任務會成功嗎？
對...能行，只要完成這件事，我就可以拯救到小玥...！
![[bouncer]](faces/lomore/bouncer.gif)
up緊，就快得
![[sosad]](/faces/sosad.gif)
![:-]](/faces/devil.gif)
![[bouncy]](/faces/bouncy.gif)
![[flowerface]](/faces/flowerface.gif)
留名
