【2】千萬別試圖改變過去，不然賠上的可不單是性命...

有心無默 · 2013-05-15T09:41:46.4930000Z

第二個post，原來加埋已經寫左接近3萬字，上個post有各位支持，竟然突破左100正評但比起正評，其實我更加希望各位多d留言，特別係無左起底功能之後，真係睇得出成個講故台留言量係明顯少左...留言先係作者最大既動力來源，希望鍾意呢個故既各位可以多多留言啦！========================================================回顧：千萬別試圖改變過去，不然賠上的可不單是性命...http://forum.hkgolden.com/view.aspx?type=SY&message=4418077劇情簡介：主角阿揚，自從三年前一次旅行意外失去女朋友小玥後，整個人變得內向和頹廢，還能看到常理無法解釋的「幻覺」，好不容易從劇變習慣過來，卻發現自己被捲入一連串神奇事件，並且被告知自己擁有穿越時空的能力，利用這能力，就能夠拯救小玥...然而，主角很快就知道，真正改變過去的方法，並不如想像般簡單...人物介紹：（粉字為劇透）阿揚－故事男主角，自意外失去女朋友後，變得內向和頹廢，還能看到「幻覺」。小玥－阿揚女朋友，三年前因為一次意外離世。阿妹－小玥的親妹，與阿揚的關係如親兄妹一樣。阿肯－守衡者，愛戴鴨舌帽，不修邊幅，性格雖然惡劣，卻意外地擁有領導能力。灰仔－守衡者，雖然不顯眼，偷竊和行動力卻非常高。阿傑－守衡者，戴著眼鏡的他外表老實，而且非常聰明。李小姐－守衡者，個性正經，外表如冰般的美人，能夠預測到時間可能產生的變化。冬伯－前守衡者，成功改變過去，救回十多年前離世的妻子。

諸如此類推 4802日

留名睇live

有心無默 4802日

『佢係黃種人...即係好大機會係香港人。』李小姐的想法比我更進一步

『基本上係可以肯定，所以先會搵同行查，
直到有消息之前...我都唔會再貿然行動...特別係知道呢件事之後。』

阿傑的語氣雖然平淡，但從這句話，還是聽得出他不想死...
想了想，這也是理所當然，眼見願望就快達成，誰還會甘心接受死亡？

若果小玥已經回到我身邊，我無論如何都會想辦法迴避死亡的...

『既然知道點解決章天晨，我地就應該專注係個度，
只要完成左呢個任務，我地既願望就能夠達成...但之前，我想拜託大家一件事。』

「拜託...？」

『我遇襲呢件事...係解決章天晨之前，唔好講比阿肯知。』

『唔講比阿肯知？』李小姐不解『點解？』

『其實...我一直都有個想法，而呢個想法近期亦變得愈來愈強烈...
阿肯佢...或者係背著我地...暗地裡進行緊某件事。』

『你話...某件事？』這次換作灰仔開口

『我仲未查清楚...但或者...係打算背叛我地...都唔出奇。』

『阿傑！』李小姐嚴肅起來『你呢個係好嚴重既指控！』

『係因為個電話先令我更加相信！』阿傑反擊
『灰仔，你都知道阿肯佢有前科，做起事上黎係幾咁心狠手辣！』

『雖...雖然係咁...但係...』

『我唔想比阿肯知道，就係唔想佢預先知道個結果，
同埋我可以有更多時間去查清楚，反正佢唔知都無影響，係咪？
章天晨個邊，阿揚大可以話係靠幻覺查出黎...至於我死唔死，對任務根本無影響！』

看到阿傑如此堅持，話也有點道理，我決定應承他：

「我都覺得係無影響...前題係，你一定要盡快查出黎。」

『我會，而且...我離搵出真相只係差一步。』

阿傑看見我答應，將目光轉向其餘兩人。

有心無默 4802日

『我...無問題...反正...我一直都唔妥阿肯...』灰仔這樣回應

『暫時瞞著係可以，但章天晨件事之後，一定要講出黎。』接著到李小姐

『一定會。』

就這樣，我們四人在這裡達成了一致共識。

看到這一幕，我不禁回想起黑衣人留下的那張紙條。

行動開始，切勿相信任何人。

莫非...他所指的就是這件事...？

看來，這個守衡者組織的背後，其實暗藏著其他陰謀。

（續）

悲天憫人 4802日

再黎