【2】千萬別試圖改變過去，不然賠上的可不單是性命...

有心無默 · 2013-05-15T09:41:46.4930000Z

第二個post，原來加埋已經寫左接近3萬字，上個post有各位支持，竟然突破左100正評但比起正評，其實我更加希望各位多d留言，特別係無左起底功能之後，真係睇得出成個講故台留言量係明顯少左...留言先係作者最大既動力來源，希望鍾意呢個故既各位可以多多留言啦！========================================================回顧：千萬別試圖改變過去，不然賠上的可不單是性命...http://forum.hkgolden.com/view.aspx?type=SY&message=4418077劇情簡介：主角阿揚，自從三年前一次旅行意外失去女朋友小玥後，整個人變得內向和頹廢，還能看到常理無法解釋的「幻覺」，好不容易從劇變習慣過來，卻發現自己被捲入一連串神奇事件，並且被告知自己擁有穿越時空的能力，利用這能力，就能夠拯救小玥...然而，主角很快就知道，真正改變過去的方法，並不如想像般簡單...人物介紹：（粉字為劇透）阿揚－故事男主角，自意外失去女朋友後，變得內向和頹廢，還能看到「幻覺」。小玥－阿揚女朋友，三年前因為一次意外離世。阿妹－小玥的親妹，與阿揚的關係如親兄妹一樣。阿肯－守衡者，愛戴鴨舌帽，不修邊幅，性格雖然惡劣，卻意外地擁有領導能力。灰仔－守衡者，雖然不顯眼，偷竊和行動力卻非常高。阿傑－守衡者，戴著眼鏡的他外表老實，而且非常聰明。李小姐－守衡者，個性正經，外表如冰般的美人，能夠預測到時間可能產生的變化。冬伯－前守衡者，成功改變過去，救回十多年前離世的妻子。

收膠俠 4815日

留名

有心無默 4815日

『咁既話，今次呢個對象應該唔難對付？』灰仔有點膽怯地提問
『至、至少佢要訓教先可以穿越到...即係我地有好多機會落手，
而且佢只會重覆回到同一日，咁我地要準備既功夫都少啲...』

『我知道你記起乜，灰仔，』阿傑無奈地回應
『個次係大帽山守左足足五日五夜，我都唔想再發生類似情況。』

『原本我既想法都係同你一樣，灰仔。』阿肯回答
『直到發現左一件事，李小姐妳繼續。』

阿肯客氣地伸出手，裝作紳士讓李小姐說下去。

『薛子健係一個幾忠直既人...』

『即係蠢，』阿肯突然插話『我想像唔到咁蠢既人可以做做到金融從業員，
仲要有個樣貌同身材都唔差既老婆，雖然會比綠帽自己戴呢點有少少唔好喇，但投資涉及風險嘛...』

『其實你係唔係想我解釋？』李小姐非常不滿地瞪著阿肯『係你就唔好打斷我。』

『係既係既...』

『唔該。』李小姐不客氣地說『薛子健比我個感覺係，
佢根本唔會諗到可以用實驗黎知道自己係發緊夢，定真係有穿越時空能力。

所以，係我同阿肯達成共識之後，花左一段時間觀察，總算搵到端倪，
係信，薛子健係睇左一封信之後，先開始識用實驗呢招。』

『你既意思即係有人教佢？』阿傑問

『好有可能，我地甚至懷疑佢能力可能就係來信者比佢...
總之，雖然目標對象並唔係相當聰明，但我地都唔可以輕率。』

『咁樣...佢既最終目標係想點？進行完實驗...確認自己有改變過去既能力之後？』

『炸彈。』

和剛才一樣，雖然提問的是阿傑，但李小姐又是看著我回答。

『薛子健想用炸彈，將佢前老闆同埋妻子，一齊炸死。』

（續）

鏡草火日 4815日

留名

有心無默 4815日

今晚到呢到