【2】千萬別試圖改變過去，不然賠上的可不單是性命...

有心無默 · 2013-05-15T09:41:46.4930000Z

第二個post，原來加埋已經寫左接近3萬字，上個post有各位支持，竟然突破左100正評但比起正評，其實我更加希望各位多d留言，特別係無左起底功能之後，真係睇得出成個講故台留言量係明顯少左...留言先係作者最大既動力來源，希望鍾意呢個故既各位可以多多留言啦！========================================================回顧：千萬別試圖改變過去，不然賠上的可不單是性命...http://forum.hkgolden.com/view.aspx?type=SY&message=4418077劇情簡介：主角阿揚，自從三年前一次旅行意外失去女朋友小玥後，整個人變得內向和頹廢，還能看到常理無法解釋的「幻覺」，好不容易從劇變習慣過來，卻發現自己被捲入一連串神奇事件，並且被告知自己擁有穿越時空的能力，利用這能力，就能夠拯救小玥...然而，主角很快就知道，真正改變過去的方法，並不如想像般簡單...人物介紹：（粉字為劇透）阿揚－故事男主角，自意外失去女朋友後，變得內向和頹廢，還能看到「幻覺」。小玥－阿揚女朋友，三年前因為一次意外離世。阿妹－小玥的親妹，與阿揚的關係如親兄妹一樣。阿肯－守衡者，愛戴鴨舌帽，不修邊幅，性格雖然惡劣，卻意外地擁有領導能力。灰仔－守衡者，雖然不顯眼，偷竊和行動力卻非常高。阿傑－守衡者，戴著眼鏡的他外表老實，而且非常聰明。李小姐－守衡者，個性正經，外表如冰般的美人，能夠預測到時間可能產生的變化。冬伯－前守衡者，成功改變過去，救回十多年前離世的妻子。

有心無默 4815日

第一個從黑房走出來的是李小姐，她看到我的時候表情並沒有多大變化。

緊隨其後的阿肯即是完全不一樣。

『哦...』不單止表情變化，他很乾脆說出自己的想法『考慮得比想像中快喎。』

今天的他比之前更不修邊幅，不只如此，衣著看起來還要非常殘舊。

『你係唔係已經決定好？』李小姐向我確認，

「係。」

她今天的衣著以銀灰色為主調，整體感覺多了幾分典雅，

『阿傑雖然已經同你解釋得好清楚，但我要再補充多句，
我地接下來做既野，係會極端地危險，稍有差池都會無命，你係咪真係有呢種覺悟？』

李小姐的態度相當認真，但我竟然笑了笑才回應：

「無論你地想點做，預埋我一份就得。」

反正，我早該在那個時候就要死了。

『咁就好，』李小姐察看了眼那部筆記型電腦『你地係到傾緊乜？』

「我岩岩同阿傑講緊...」

『等等，阿揚，』阿傑打斷我的話
『你個單遲下再講，而家有更加重要既事，阿肯你地查成點？』

『大致己經掌握好，話哂都扮左好幾日乞丐。』我聽得出阿肯這句有點挖苦意味

『我地今次目標人物叫薛子健。』李小姐開始解釋
『佢之前係金融從業員，而家無職。時間變異點有三處。』

『時間變異點，即係我地即將要阻止既時間同地點。』阿傑立即解釋

『咁、咁佢既能力呢...？』坐在沙發上的灰仔開口問

『睡夢中穿越。』李小姐回答

心中有愧 4815日

新post再留名
好耐無見

真係好耐

又有美女故的舊讀者
全是熟識臉孔

陳家蔚 4815日

新post再留名
好耐無見

真係好耐

又有美女故的舊讀者
全是熟識臉孔

主角都喺度

桃廊 4815日

有心無默 4815日

今晚好靜，高登又好慢 :-(

KKKin 4815日

唔靜的

毒拎的悲哀 4815日

無默加油

黑框文學士 4815日

睡夢中

玥遙說 4815日

獅子山下智久 4815日

題外話問一問,
李小姐佢地成班都無做野架 [sosad]

?

無盡的1P 4815日

GotzeBB 4815日

新讀者新post留番個名
好中意呢d題材

有心無默 4815日

『睡夢穿越，就好似咁字面解釋，
薛子健佢每次入睡，都可以重新穿越到某一個特定既日子。』

『邊一日？』這次是阿傑問

李小姐回答的時候，不是看著阿傑反而是看著我。

『四月三十日，個日係薛子健人生最黑暗既一日，
根據我上門打聽返黎既情報，佢做左公司代罪羔羊而被即時解聘，
當佢最需要家人支持個陣，佢發現到自己妻子同人有染。』

阿傑聽到這裡露出同情的表情，我也一樣，
不論自己有沒有相同經歷，作為男人，最深惡痛絕的事肯定就是戴綠帽。

『最有趣既地方都未講到，』阿肯接著說，他絲毫沒有同情
『佢最想死個刻，莫過於佢見到自己老婆，上左佢老闆部車上面個刻。』

『佢前老闆就係薛子健妻子既情夫。』李小姐解釋得清晰點
『理由好簡單，就係為左錢，佢被解聘正正係佢妻子指示。

薛子健無辦法接受眼前發生既一切，佢買左一樽安眠藥，
諗住配烈酒大量復用自殺，點知大難不死，仲發現自己有能力回到個一日。』

「你地每次...」我問阿傑「遇到既人都係咁戲劇化？」

『基本上都係。』他回答『除非係用科技得到時空穿梭能力，
唔係能力誕生既原因幾乎都係源自悲劇。』

看著阿傑的臉，我突然很想知道他的悲劇是什麼，
但隨即又想起他曾說過『每個人都有自己的秘密。』

『起初佢係唔相信，認為自己只係發緊夢，』李小姐繼續解釋
『直至進行左幾次實驗之後，先確信自己係真係有呢種能力。』

『而有兩次實驗，就係我地要阻止既變異點。』

黑框文學士 4815日

等到了

隱隱覺得呢個故事由好多悲劇堆砌而成 [sosad]

有心無默 4815日