【2】千萬別試圖改變過去，不然賠上的可不單是性命...

有心無默 · 2013-05-15T09:41:46.4930000Z

第二個post，原來加埋已經寫左接近3萬字，上個post有各位支持，竟然突破左100正評但比起正評，其實我更加希望各位多d留言，特別係無左起底功能之後，真係睇得出成個講故台留言量係明顯少左...留言先係作者最大既動力來源，希望鍾意呢個故既各位可以多多留言啦！========================================================回顧：千萬別試圖改變過去，不然賠上的可不單是性命...http://forum.hkgolden.com/view.aspx?type=SY&message=4418077劇情簡介：主角阿揚，自從三年前一次旅行意外失去女朋友小玥後，整個人變得內向和頹廢，還能看到常理無法解釋的「幻覺」，好不容易從劇變習慣過來，卻發現自己被捲入一連串神奇事件，並且被告知自己擁有穿越時空的能力，利用這能力，就能夠拯救小玥...然而，主角很快就知道，真正改變過去的方法，並不如想像般簡單...人物介紹：（粉字為劇透）阿揚－故事男主角，自意外失去女朋友後，變得內向和頹廢，還能看到「幻覺」。小玥－阿揚女朋友，三年前因為一次意外離世。阿妹－小玥的親妹，與阿揚的關係如親兄妹一樣。阿肯－守衡者，愛戴鴨舌帽，不修邊幅，性格雖然惡劣，卻意外地擁有領導能力。灰仔－守衡者，雖然不顯眼，偷竊和行動力卻非常高。阿傑－守衡者，戴著眼鏡的他外表老實，而且非常聰明。李小姐－守衡者，個性正經，外表如冰般的美人，能夠預測到時間可能產生的變化。冬伯－前守衡者，成功改變過去，救回十多年前離世的妻子。

有心無默 4812日

「由我黎引爆...？」我不太確定地問

『無錯。』阿肯的嘴角微微上揚，看來對現況感到相當滿意，

昨天我明明表達過自己抗拒殺無辜的人，但現在...這情況...

「你...」突然有股怒意湧上來「你係故意既...」

『故意？當然唔係喇，我已經解釋左，我地係分身不暇...』

開什麼玩笑？

「既然有辦法穿越時空，你大可以去快餐店搵我之餘，同時係到引爆...」

『阿揚，你個想法係岩，』回應我的是阿傑
『但非必要我地都唔會選擇重覆穿越相同既時間地點太多次，

除左好容易比人發現到唔妥，我地本身定「時間點」既難度都會提升。
雖然殺人...對你黎講或者係太快，但遲早你都要面對。』

看來，阿傑這次並沒有幫助我的打算...

『定你要專登叫李小姐黎做？』阿肯乘勝追擊
『只係輕輕按一個制，如果你咁都做唔好叫我地點信任你？』

「我...」看來已經是決定好的事，無法拒絕「我做...」

為了小玥...我做。

『好，完成之後唔好急住走，阿傑應該會返黎，你協助佢清理現場，
而我同灰仔就會返去呢個時間既EMIT，放低你部手機之後先離開。』

阿肯揮了揮手，示意灰仔開始行動。

『記住引爆時間準時八點十五分，你親眼見過當時既情況，應該知道係點。』

說罷，他和灰仔就離開這個單位。

『你係咪真係無問題？』阿傑有點擔心地問

「係...無問題...」

『容我講多一件事...希望可以加重你個決心。我地原本以為，
薛子健會選擇係佢老闆部私家車到裝炸彈，但事實上，
係佢發現自己妻子係老闆解聘佢既真兇之後，佢想做既比想像中瘋狂得多。』

「即係點...？」

『...佢會直接係公司到引爆炸彈，連同佢老闆、同事、妻子仲有自己一齊同歸於盡，
如果我地唔係到阻止佢，呢個時間既金融中心...傷亡人數就更加無法想像。
殺36人，定係冒險改變歷史，從而傷害更多既人...你要即刻下定抉擇。』