我接通了來自陰間的電話 (三)

庸材 4824日

序:
有冇試過當自己唔見手提電話既時候, 會用屋企電話打返俾自己去搵返個電話? 如果有的話, 我建議你地千萬唔好再試, 因為可能有「人」會幫你接聽電話.

多謝各位對這個故事的支持, 讓小弟可以爆第二個post, 希望你們可以多多留言, 給我多一些這個故事和寫作的意見, 我每個回覆都會認真咁睇. 多謝你地.

新讀者可以到「紙言」一次過睇返呢個故之前既情節
http://www.shikoto.com/article/2489/%E6%88%91%E6%8E%A5%E9%80%9A%E4%BA%86%E4%BE%86%E8%87%AA%E9%99%B0%E9%96%93%E7%9A%84%E9%9B%BB%E8%A9%B1.html

喜歡這個故事的話, 請給我正評, 或到我的FB PAGE LIKE 一下, 多謝各位!
http://www.facebook.com/yungchoi2012

庸材 4824日

「嚴國旋，不過你叫我阿旋得架啦！」保安員說。

「旋叔！如果我兩日之後冇事，一定會請你食飯，仲有你可唔可以俾你電話我？到時我電話約你。」我說。

「好！」旋叔拿了枝筆出來，並把電話號碼寫了在我的手心上。

「祝你好運，記住你要用‘心’去對待今次既事，知道嗎？」旋叔說。

「用‘心’去對待今次既事」是什麼意思？內裡有什麼玄機？我聽到旋叔說這句說話的時候鏗鏘有力，不過老人家說話的語氣大多如是，所以我也不多理會。

「知道啦！咁我而家帶我朋友去搵師父幫手先，再見！」

我和旋叔道別之後，我便背著李泳兒乘的士去找沈震龍，希望他和蔣師父可以幫手救一下李泳兒，確保之後也不要再有機會被鬼上身。

「司機，唔該你大埔沙螺洞村！」我從褲袋裡拿出了沈震龍的卡片。

看著李泳兒的面色已經慢慢的好起來，這才讓我稍為鬆了一口氣，我輕撫著李泳兒的面頰，想不到十年過去我在這個情境方可認真的看清楚李泳兒的容貌。

已經三十歲的她，面上少不了有數條皺紋，她在這十年裡究竟過得怎麼樣？這些皺紋是她當時墮胎和獨自面對困境所留下的印記嗎？

昏迷中的李泳兒雙眼掉下了一顆眼淚，我用手輕輕的把眼淚擦去。

「是因為我讓你在夢中也得不到安寧嗎？我的出現會否激起了你這十年內已經忘記了的傷痛？」我的心不禁又來了一下刺痛。

「一切一切都係因為傻強！」我的怒意再一次全起。

傻強點解要咁做？他這樣做是因為要把李泳兒搶過來嗎？

我明天一定要問清楚傻強，一個我最好的朋友為何要做這麼多事去離間我和李泳兒？

庸材 4824日

「哥仔，你想響邊到停呀？」的士司機說。

「你等等，我打個電話問一問先！」我在褲袋尋找手提電話。

不見了！

我想起那時我在公園聽到電話傳來女人小孩的哭叫聲時，被嚇得把電話擲了在地上，之後我就沒有把電話拾起了。

我在李泳兒的手袋裡找到了她的電話，並根據沈震龍的卡片所留下的電話而致電給他。

「喂，沈生，我係天佑，我同我朋友搭緊的士去沙螺洞村搵你，我想問下你正確地址響邊度？因為的士司機唔知響邊度停。」我說。

「吓？冇咩事呀？咁急突然之間黎搵我？」

「呀…..我諗我地見面先傾啦。」

「咁你同司機講響公廁到停就得架啦，我而家出黎接你！」

與沈生通完電話後，我便指示的士司機在前方的公廁讓我下車。

只見沈生已經一早在公廁旁的涼亭內等著我們。

庸材 4824日

第三十四節

只見沈生已經一早在公廁旁的涼亭內等著我們。

我抱著李泳兒下的士後，沈震龍便急步的走過來看一看李泳兒的狀況。

「你地之前做咩黎呀？佢俾鬼上身呀？」沈震龍說。

「係呀，一言難盡！唔該你幫手睇下佢有冇事呀。」我說。

沈震龍於是帶著我往他的家裡走去。

晚上的沙螺洞村十分寧靜，四處還可聽到不同種類的動物在發出叫聲，如果我不是認識沈震龍，我想我即使在大埔住了三十年，也一定不會知道大埔有這樣的一個地方。

我們沿著小路一直的行，很快我們便行到沈震龍的家，只見蔣大師一早已經在屋內閒坐著。

「師兄，有個女仔俾鬼上左身，而家天佑送左佢過黎。」沈震龍說。

「哦？等我睇睇。」蔣大師指示我們把李泳兒平放在梳化上。

蔣大師走上前從頭到腳看了李泳兒一次之後，便說：「佢而家應該冇事架啦，隻鬼已經走左唔響佢個身體，佢而家昏迷只係因為佢個元神未完全恢復返晒，我燒啲符水出黎俾佢飲左就咩事都冇。」

蔣大師入房寫了一張符，把符燒成灰再開水之後，用毛巾沾了部份符水並把毛巾放在李泳兒的臉上。

只見李泳兒慢慢的張開雙眼。

我立刻走過去，並把符水拿到了李泳兒的面前說：「你快啲飲左佢啦，飲左佢你就會冇事架啦！」

「呢….呢啲係…..」李泳兒雖然醒了，可是神智還是有點混沌。

「你信唔信我？飲左就會冇事，我唔會呃你！」我說。

庸材 4824日

李泳兒看著我的雙眼說：「信，我信！」，說完後李泳兒一口氣把那碗符水喝掉。

飲了符水後，李泳兒的情況的確開始好轉了起來，我把她扶起並讓她倚靠在我的肩膀上。

沈震龍拿了一張木椅子放到我的旁邊坐下便說：「天佑，頭先你話個女仔俾鬼上身，但係我見你帶佢黎既時候，隻鬼已經走左，我有小小疑問就係隻鬼真係咁簡單就自己走左？」

「當然唔係啦，頭先我地……」我把剛才的經歷豪無保留的告訴蔣大師和沈震龍，而且我幾可確定今次既靈異事件，係因為當年李泳兒墮胎所致，亦即是說我今次是被自己的子女尋仇。

「咁你地俾個男人救返，都真係幾好彩，估唔到大埔都有咁多高人。」沈震龍說。

「係呀，唔係佢，我地都唔知點算。」我說。

「佢用咩方法趕走隻鬼架？因為正常黎講要作法先可以驅到鬼，你個朋友功力都幾深厚。」蔣大師說。

「其實都唔可以叫咩朋友，佢係我地條村既保安員，咁啱我想自殺既時候又撞到佢，係佢救返我一命既，同埋響昨晚佢都有俾到張符我袋住，可能係因為咁，所以隻鬼先冇上到我身。」

「你攞度符俾我睇下！」蔣大師說。

「你再講下佢點樣救你個朋友？」沈震龍接著說。

我把那度符交了給蔣大師後說：「我冇記錯佢好似用手指我朋友隻眼，另一隻手就緊緊捉住我朋友隻手，之後好快我朋友就醒左啦。」

「你位朋友叫咩名？」蔣大師看了符後說。

「佢叫做嚴國旋！」

只見蔣大師和沈震龍他們神情凝重的互相對望了一下。

一翁 4824日

留名