我接通了來自陰間的電話 (二)

庸材 · 2013-04-23T09:58:03.0830000Z

序: 有冇試過當自己唔見手提電話既時候, 會用屋企電話打返俾自己去搵返個電話? 如果有的話, 我建議你地千萬唔好再試, 因為可能有「人」會幫你接聽電話. 多謝各位對這個故事的支持, 讓小弟可以再一次爆post, 希望你們可以多多留言, 給我多一些這個故事和寫作的意見, 我每個回覆都會認真咁睇. 多謝你地. 為左方便新讀者，我會一次過POST 多一次喜歡這個故事的話, 請給我正評, 或到我的FB PAGE LIKE 一下, 多謝各位! http://www.facebook.com/yungchoi2012

庸材 4829日

第二十九節

李泳兒按下了電話號碼。

「Do….Do…..」電話未能接通。

李泳兒再一次按下電話號碼。

「Do….Do…..」電話還是未能接通。

「打唔通，你之前係點同隻鬼聯絡？」李泳兒說。

「除左第一次係我打過去通之外，基本上每一次都係隻鬼打俾我。」我說。

「係？」李泳兒還是不停的在試。

不知怎的，我突然之間感到四周的氣溫急速下降，旁邊的樹亦被吹得‘沙沙’作響，可能是心裡還在想著那女人小孩的刺耳聲，我覺得那隻鬼其實就在我的身邊。

「真係打唔通，會唔會要你先至接得通？」李泳兒把電話遞回給我。

我看著李泳兒的雙眼，她，真的相信我的說話嗎？她會以為我在編織一個故事來欺騙她嗎？

「我試一試！」我從李泳兒的手中接過電話，並撥打了自己的電話號碼。

我的心再一次急速的跳動，只要想起那把恐怖的女人小孩聲，我就全身不停的在震。

「Do….Do…..」電話未能接通。

我接連試了多次，電話還是未能接通。

「可能真係要等佢打黎都未定，我都冇辦法接通個電話。」電話未能接通讓我稍為舒一口氣。

「咁而家點算？我地即係咩都做唔到？你有冇搵人幫手呀？」李泳兒說。

庸材 4829日

「我有，我响醫院探傻強既時候見到兩個高人，佢地答應左會幫我，至少而家我確定到我今次俾鬼報仇既原因，係因為自己年青時既不負責任。」

「你唔係不負責任，你係俾人誤導俾人離間左，其實都唔可以講話全部都關你事。」李泳兒安慰著我說。

「多謝你…..」聽到李泳兒安慰的說話，我一次哭了起來，「我唔知道如果我地冇誤會既話，仲係咪一齊緊，不過你等我兩日，我把所有野都處理好之後，我一定會搵返你！」

李泳兒聽到後笑而不語，時過境遷，或許我們大家也在摸索對方，在探索著十年後雙方的心意。

過去因為傻強離間和父母離異的關係，我不相信愛情，可是現在眼前站著的這個李泳兒，我的初戀，我的命運，她的存在已經變成我生存的原動力。

憑著愛，我信有出路！

「時間緊迫，我諗我都要快啲打電話俾兩個高人先得啦！我要走啦，我地兩日後再見啦！我一定會冇事搵返你！」我緊緊的擁抱著李泳兒。

「鈴…..鈴……」是手提電話的鈴聲。

邊個打電話黎？是那兩個高人嗎？

我看一看電話，沒有來電顯示，是那隻鬼嗎？

「泳兒，打電話黎啦！」我把電話的屏幕給李泳兒看。

「你聽電話先，之後你再按‘擴音’掣，咁樣我都聽到佢講咩，如果真係我地個仔，就由我去勸服佢啦！」李泳兒說。

「Do！」我按了接通電話的按鈕後，再按‘擴音’掣。

電話播放著的是和之前一樣讓人覺得陰林的「呼呼」聲。

「嘻嘻，你地搵我呀，嘻嘻！」

蜜糖水 4829日

live