[認命故]男人唔可以窮 Part.6

薛可正 · 2012-12-29T18:28:54.8700000Z

Part.1 http://forum7.hkgolden.com/view.aspx?message=4105908&highlight_id=367378Part.2 http://forum7.hkgolden.com/view.aspx?message=4116449&highlight_id=367378Part.3 http://forum7.hkgolden.com/view.aspx?message=4128643&highlight_id=367378Part.4 http://forum7.hkgolden.com/view.aspx?message=4141467&highlight_id=367378Part.5http://forum7.hkgolden.com/view.aspx?message=4150900&highlight_id=367378

SOSAD 4952日

會唔會google到德叔究竟係邊個

XPERIA_GAINT 4952日

今晚飲到好HIGH ,唔得閒追Live

留低個喜愛夜蒲故既序俾你地先... #bye#

[係dancefloor入面,我攬住左wincy.
我地咀同咀之間距離,係零.
一個鐘之後, 我同佢去左維記]

偷心者 4952日

講故佬. 4952日

留名繼續睇以娜

不再推post 4952日

正哥

文呀Hi 你。。。。

突發! 4952日

凍呀，著多件衫呀正哥

喪黃 4952日

留名

大勁水手 4952日

留名

薛可正 4951日

德叔既電話就好似一個炸彈咁突然喺我生活入面引爆，原本我打算做返一個普通經紀，就算係靠自己呢接近一年以黎經驗再加上德叔之前既人脈，我預計自己都可以維持到接近現有既收入，阿爸既醫療費方面我亦都唔需要太擔心。但由德叔咁緊張對我吩咐黎睇，我知道件事並唔係我地之前想像中咁細，明顯，我已經冇考慮既空間。

我用我最快既速度離開呢間公司，離開呢間，令我去到人生另一個階段既公司。

走之前，同Gini既一席話，令我非常驚訝。

Gini：「正呀，後會唔知有冇期，得閒搵我食飯，仲有，幫我問候來叔。」

我：「Gini，妳識我阿爸架咩？」

Gini：「其實我阿爸同德叔，仲有同來叔都係同事，我爸爸叫阿球。」

我：「球叔係你爸爸？即係喪禮果次…」

Gini：「係，我爸爸都係癌症，爸爸而家既太太係我後母，我一向同佢都唔係好啱傾，所以，果次阿爸喪禮我只係坐親友席。」

我：「德叔一直帶住妳出身？」

Gini：「德叔個人好好，佢以前做錯過一次事，就係同來叔果次，已經唔知試過幾多次，佢飲醉左，把口都係提住果一件事，佢冇做警察之後，一直都有同我爸爸聯絡，但爸爸成日都話來叔變到好孤僻，成日唔肯見人。

有幾次德叔託爸爸想比小小錢來叔，最後爸爸都係比唔到，佢話來叔好聰明，死都唔肯要。」

我：「點解妳一直冇講？」

薛可正 4951日

Gini：「德叔叫我唔好講，佢話估唔到會喺公司撞到你地兩兄弟，覺得好開心，其實由可勇入公司果日開始佢已經有留意，因為佢唔肯定所以唔方便出面住，你爆倉果次都係佢打電話比我，叫我睇住你，如果唔係，你覺得一個Team頭因為爆倉而走去樓下同個經紀仔傾計咩？」

我：「下，我以為我靚仔咋。」

Gini：「我今次講出黎，係想話比你知，德叔對我地真係好好，佢同我講，,上次同來叔第一次見返面之後，兩個人單獨果時佢應承過來叔一定會睇住你地兩兄弟，我知道佢而家自己都有麻煩，唔可以睇住你地，佢好難過，所以如果將來德叔有事，我地一定要幫佢。

我：「知道，我會同可勇講返，將來我地三個，一定要報答返德叔。」

Gini：「唔係三個，係四個。」

我：「四個？」

Gini：「詠航爸爸叫興叔，我唔知道你識唔識，但以前都係同德叔來叔佢地一隊。」

我：「佢同妳一樣，都係一直跟住德叔？」

Gini：「係，自從來叔出事，德叔又離開左之後，興叔就調左去第二個環頭，唔知點解變得好爛賭，爭落人好多錢，後來德叔出現，幫佢還左好多債，仲供詠航讀書，到詠航畢左業，就一直跟住德叔周圍做嘢。」

我：「估唔到，德叔為左我地做左咁多嘢。」

Gini：「好喇，我地後會有期，保重呀薛可正。」

薛可正 4951日