[認命故]男人唔可以窮 Part.4

薛可正 · 2012-12-18T18:36:46.0000000Z

Part.1 http://forum7.hkgolden.com/view.aspx?message=4105908&highlight_id=367378Part.2 http://forum7.hkgolden.com/view.aspx?message=4116449&highlight_id=367378Part.3http://forum7.hkgolden.com/view.aspx?message=4128643&highlight_id=367378

薛可正 4961日

[quote][quote]

Lock倉，係行內一個掩眼法，亦可以話係一個小技巧，舉例如果你700蚊金果時渣左一手貨，咁你就有一張渣貨單係700蚊果個位，點知個市唔升反而跌，一跌就跌到去690蚊，即係暫時個倉就蝕左10蚊金。

如果而家平倉止蝕，咁你個倉就會即時虧蝕左10蚊金，即係每一手蝕七千八佰蚊。但好多經理既做法係Lock倉，Lock倉既意思，都係喺690果度沽貨，但佢唔係平番700蚊果張單，係另外沽一手貨，即係話佢700蚊果度有一張渣貨單，而690蚊果度就有一張沽貨單，問題就係呢度。

有野請教
咁如果700蚊有一張渣單係度>700 跌到690>做Lock倉> 係690蚊做張沽單
咁如果個金價,係690蚊果陣,止跌回升,升番上去691>692>693.....
咁咪變左渣單又蝕錢,沽單都蝕錢,蝕兩份錢

如果升番693 咁之前張渣單咪賺番3蚊只係蝕7蚊
而張沽單就蝕左3蚊

其實一樣但張日結單就精彩好多

但係整體黎計,兩張單都係蝕緊喎
只不過渣單蝕得無咁勁,但係沽單一樣蝕
其實我咁樣理解有無錯?
沽單係廢既,因為一沽一渣都係balance番,始終個倉都係蝕左10蚊,只不過有張沽單係度,張日結單就靚仔d,但講到底,點樣都係蝕左10蚊

係，就係兩張單已經鎖死左10蚊既虧蝕，所以隻金點行都係要蝕十蚊
但問題就係一張單蝕十蚊係會比個客好唔專業既感覺
人地問你一句"點解你唔做止蝕"已經要Stop la

明白了,唔該曬正哥
另外想問問,如果開左一張單,係咪要係當天收市前一定要做平倉呢個step
我可唔可以等番一頭半個月,等到個價升番上去700蚊或以上,先至平倉
問的問題好似好傻的嗎

可以

以前如果你沽貨過夜仲有息收
渣貨就要比息
但而家好似冇呢支歌仔唱

你講果個飄浮方法係基本上可行
只要唔去到你爆倉果口價
你基本上可以由佢飄

鈴木幸 4961日

又來幫推

NEX-7 4961日

家下沽貨有西息咩無左呢支歌仔唱啦，金公司收你就有，你想收返佢！難啦，家下賺到盡，pk

薛可正 4961日

收到Edith既留言，我覺得有啲奇怪，點解佢會搵唔到以娜？

我諗左半個鐘，足足坐喺電腦前面諗左半個鐘，都只係諗同一個問題：我應唔應該打比以娜？

幾時打用乜野開場白跟住講啲乜，我完全小小概念都冇，最後，果晚我諗到訓著左，到第二朝，阿爸拍醒我，問我做乜唔返房訓。

走返入房訓，點知訓喺床度又訓唔到，跟住拎個電話出黎，睇下半夜德叔有冇搵過我，發覺冇人搵過我，又放返低個電話再訓過。

十五分鐘後，我知道自己如果唔試下打一次比以娜，我應該係呢世都唔會再訓得著。

半年黎第一次搵返以娜，我緊張到手心都出汗，電話接通，但響左好耐都係冇人聽。

四分鐘後，我再打多一次，今次響左七下，終於有人聽。

「喂！」電話對面傳黎既，竟然係一把男仔聲，

「喂，係…唔該張以娜。」

「以娜，電話搵妳呀，﹝遠處傳黎一把女聲：問佢邊個？﹞佢問你邊個。」

「哦咁冇野喇，拜拜。」

薛可正 4961日

收線，呢個結果係出乎我意料到有小小令我手足無措，點解以娜會同一個男仔一大朝早就一齊？果個男仔又係邊個？Grace個八婆去左邊度？呢一大堆問題一直徘徊喺我個腦到，直到我個電話響起，打黎既，係以娜。

我又緊張又開心咁去接聽，

「喂，薛可正，做乜打黎問你邊個又唔講呀？搵我乜野事？」電話入面既以娜聽起上黎非常之咁精神

「下，我見妳唔得閒咪收線囉。」

「搵我做乜野呀？」

我：「Edith Msn搵我話食飯，仲有話打比妳搵唔到妳喎。」

以娜：「係呀我啱啱返香港咋，喂你等等先，喂信哥你唔好自己拎呀，等我幫你拎啦。」

我：「…」

以娜：「薛可正，我而家唔得閒，Edith果度我應該冇問題，你約左時間再打比我…咔嚓…Do…」

信哥？係邊個黎？

薛可正 4961日

又一日~~~訓喇聽日見! #good#

PAPER__ 4961日

又一日~~~訓喇聽日見!

把酒問青天 4961日

莫名其妙的一篇

太靚冇屎屙 4961日

想知正哥同可勇而家關係點 [:Dx]

我鍾意喇嘛囉 4961日

留個名

前排有認真諗過
依家做緊廚房佬搵萬4 就算升到2萬4又點?安穩草錢買樓娶老婆?
人生就係咁簡單?
而且做廚房成日俾人睇唔起

依家自我增值學緊英文同睇書
幾個月後地產旺季就試下
趁後生有青春個陣就應該去闖下
我亦都好憎港女
所以追post追到好有共嗚感 [:~(x]

薛可正 4961日

想知正哥同可勇而家關係點

相親相愛

太靚冇屎屙 4961日

想知正哥同可勇而家關係點

相親相愛

NEX-7 4961日

想知正哥同可勇而家關係點

相親相愛

THIS

薛可正 4961日

收左線，我嘗試喺記憶入面搜索下以娜身邊有邊個朋友叫阿信，但我真係一啲頭緒都冇。

返到公司，打比Edith，話比佢知我搵到以娜，順便問埋幾時食飯，溝通哂所有要溝通既野之後，電話既最後一句，我終於忍唔住問Edith：

「Edith，妳記唔記得邊個係阿信？」

Edith：「阿信？」

我：「都係冇野喇。」

收左線，我不期然咁拎左個銀包出黎，拎左一張，半年前已經寫好既五萬蚊支票放喺手上面睇，

呢張支票，已經寫左半年。

飯局係約左兩個星期之後，第二日覆返以娜，點知又係一句「OK！咁你之前一日再提我。」就收左線，到底佢有乜野咁忙？

時間過得好快，兩個星期眨下眼就過左，呢兩個星期我同可勇愈黎愈冇野講，佢有佢做既單，我有我幫德叔手，感覺又去番佢坐監果段冷戰既時間咁，不過呢個唔係我想見到既場面。但人長大左，就算你有財有勢，都唔代表你可以改變任何野，更何況我只係一個普通人。

薛可正 4961日

飯局前一日，我特登提以娜叫佢唔好失約，點知電話入面佢竟然向我提出一個要求：

「喂我聽日帶多一個人黎，但你可唔可以去尖沙咀接我？清真寺附近，得唔得呀？」

我：「我有車…我可以車埋你去，但仲有個邊個黎？」

以娜：「咁得啦，聽日五點，去到電聯。」

我：「咁即係邊個黎架？」

以娜：「去到你咪知囉成個女人咁。」

第二日，我四點十已經去到附近，以娜打比我，話我知佢喺亞士厘道入面，我渣架車過去，轉入阿士厘道一刻，我離遠就見到以娜既身影，佢電左頭髮，感覺好似大個左好多，喺佢隔離有一個男仔，一個坐住輪椅既男仔。

停車，我即刻去為佢地開門，就喺我開門之果一刻，我同以娜大家望住對方，情況係有小小尷尬，如果冇隔離呢位輪椅小男孩喺度既話，我好想話比以娜知

「張以娜妳靚左好多。」

以娜覺得尷尬而擰轉頭之後，就拍一拍果位小男孩：
「喂，介紹自己啦。」

果個男仔伸左隻手出黎向我示好，禮貌咁向我作出一個驚人介紹：「你好呀，我叫張以信，係佢細佬。」

細佬？點解我同以娜拍拖三年都唔知佢有個細佬？

薛可正 4961日

清晨驚喜篇