[認命故]男人唔可以窮 Part.3

碩士lady 4966日

深夜黎明，樓主加油#hoholm#

薛可正 4966日

可勇一鎚打到條光頭佬Hi Hi，跟手就衝上前搶刀，我打算行落去幫拖果時，先見到光頭佬後面有幾個大陸人跑緊過黎我地呢度。

「可勇，佢地有幫拖架。」

可勇聽到之後，仲未搶得切把刀就踢多光頭佬一腳，之後就同我一齊反方向走，走到街口，點知又有一架貨車打橫衝出黎，車一停，車上面又走多四五個人落黎，

後面果班已經追到黎。

行頭果個平頭裝大陸佬望望我地，之後施施然咁上番車：
「別打死，別打暈就成了。」

條平頭裝都未講完，前後加埋果八九個人就衝埋黎我同可勇度，我下意識跑到個角落頭度背貼牆，將自己可以比人打既位置收窄。

「哥，護住個頭呀，班Hi Hi唔知有冇架生！」可勇另一邊大叫

就係咁我同可勇比呢班大陸佬練左成分鐘拳，我地大家都係攬住個頭縮埋一舊咁唔郁，寧願比班Hi Hi打個背脊，不過講真，當時真係太亂，其實唔係好覺得痛。

一分鐘之後，個平頭裝又行出黎叫停手。

「好吧，你兩個跟我們上車，阿兵，跟其他人分錢就走。」平頭裝指一指我地，我地就比人推左上架貨車度，開車果時，喺車既窗度我仲見到光頭佬企喺度派錢，頭先打我地果班人拎完錢就一個個走。

開頭我以為係打劫，但見到呢個情況，我已經估到七七八八。

「哥，睇黎我地真係中左招。」

「係，諗計點拆啦。」

架車行左差唔多二十分鐘，終於停低左，我同可勇每人比兩個大陸佬好似捉馬騮咁捉左落車，個環境周圍都係四五層高既樓，樓下底有士多有髮廊，就係一條大直路好似成個村咁，直路既最盡頭，我見到個大牌坊，上面寫住

『向西村』

「向西村，咁熟既」我細細聲問
「我知，好多人黎叫雞架，呢度屬於羅湖喇。」

「抄你媽的，吵什麼！走上去！」

我地比人帶到其中一個大閘，入左大閘之後就行左四五層樓梯，上到去就入左一間乜野傢俬都冇既屋入面。

「進去！」
一行入去，我就聞到一浸又臭又霉既味，再望真小小，窗邊企左兩個人喺度，一個又係黑黑實實既平頭裝，感覺好似係軍佬咁，另一個，唔使講都知，係Jacky。

薛可正 4966日