[認命故]男人唔可以窮 Part.3

17號愛人 4968日

同你講過，所謂既金經紀係阿豬阿狗都做得既，你搵一個客，個客開個戶口向間貴金屬公司，同間公司傾好左每個客做每手單間公司就會有回佣比番個經紀<<呢個明啦?而回佣係點計既呢?咁緊係個客做既單數多，回佣就緊係回多d比你啦，據我我知每個月你呢個經紀手數上既客做多過1000張，基本上就大約每手單可以收150-200呢個數。
咁你其實只需要搵個朋友，再搵間貴金屬公司，叫個朋友扮經紀同佢地話有客(即係你)想向佢地公司做單，問下佢地每手單可以回幾多佣比你個朋友，咁佢地就會問一個月大約可以做幾多張單啊，咁樣黎睇你單數有幾多而開個回佣價比你，而如果你傻的嗎9咁樣走去間公司開戶口玩既話，間公司只會當你係個人客戶，而唔會有回佣果d出黎，都唔會同你講有呢樣野，而家果三隻金既點差係6，5，4，即係話你渣又好沽又好，一開始就無左呢幾點既錢，倫敦金黎講係5點點差，咁你一開始玩渣落去就沒左5點點差x78蚊=390蚊。
如果你話你大把錢，或者話睇市好向左走向右走準咁我緊係吹你唔脹啦，如果唔係我勸你就最好搵盡間公司既錢，
即係拎佢既回佣黎倒貼番個點差。

完全明白, 但個人客同所謂AGENT 客, 個客俾既手續費係咪一樣?

我可以同你講，你做單係唔洗比手續費既，你自己做單同比人做單係完全唔需要比手續費呢樣野!
好多人攪唔清咩係點差咩係手續費，投資貴金屬既公司係絕對唔會收你任何手續費，我指既投資貴金屬既公司係指開個平台比人玩，向金銀業貿易場登記左既公司，係絕對唔會收你手續費，好似英皇金融咁樣，係唔會收個客做每手單既手續費，你要攪清楚呢點。經常誤解既係所謂既點差，所謂既點差係指而家全個市場行緊既價，你沽價同渣價係差幾點既，唔信既你上英皇個網睇，你都可以比較任何公司，當中既點差係港金/99金係6點，倫敦金係5點，白銀係4點，都有d公司會降低個點差去吸引d客去玩，呢個點差係根據全世界既貴金屬公司去定既，你一入場就一定會輸左呢幾點先。
而我做過既公司唔係果d濕勁咩咩投資公司，呢d濕勁投資公司自己唔會有一個投資平台比客玩，而只會搵客之後向第間公司玩