![[bouncer]](faces/lomore/bouncer.gif)
up緊，就快得
佐山愛
4973日
上個月某一晚我夜左少少放工，番屋企時途經長沙灣體育館隔離果個公園時，隔離長天中學已經熄哂燈，所以公園入面已經好暗好暗
我一行入個公園，迎面有幾個衣著打扮好奇怪的人行過黎。佢地行ge方向係行出公園，剛剛同我相反。唔知點解，佢地不約而同咁一路行一路望實我，就好似我係異類咁。而佢地的衣著……我唔知點認容，總之好古怪，比mk更mk，比潮童更古怪。
公園入面有一 d 俾老人家活動雙手、好似車太盤的圓盤。你可以真係好似轉車太盤咁轉下佢。
我行到去果 d 圓盤附近，離遠一見到果D 圓盤果時，其中一個圓盤唔知點解係咁係度轉。平時有人轉過個圓盤，隔一陣個圓盤就會自己停落黎；但我見到果個圓盤係用一個好平均的速度自己轉緊。
但係隔離冇人搞個圓盤。
我平時行街都唔係一個八卦的人，但係我果個時候唔知點解成個人俾個圓盤吸引住，一步一步咁行埋去。
我愈行得近，個圓盤就轉得愈快，但果時周圍除左我之外，已經完全冇人 。
係呢個時候，我已經企定左係個圓盤前面。我記得果時我對眼望住一路轉但完全冇減弱的圓盤，仲有個衝動想伸手按實果個圓盤……
但過左一兩秒，我又唔知點解突然成個人好似清醒番，打消左按實圓盤的念頭，仲加快腳步行離果個仲轉緊的圓盤（當時我由行埋去圓盤，到加速離開圓盤，成個人都近乎係冇意識 ）
到我就黎離開公園，就見到有個阿伯……
阿伯坐左係度，用一個好詭異陰陰嘴笑的眼神望實我……但我一出公園，街上d 人就同平時一樣，冇一個會好似我係公園遇到果幾個人咁一路行一路望實我。
到我番番屋企，上高登見到原來有其他人以前係呢個公園見到呢Ｄ會係夜深「自轉」的圓盤，我先知自己可能真係見到Ｄ「野」。
如果我當時忍唔住按實左個轉轉的話，唔知會唔會有事發生……而且諗番轉頭，都唔知我一入公園遇到果幾個好奇怪ge係唔係「人」。因為佢地真係好奇怪……
我唔係果 d 好迷信的人，但如果下次係公園見到D 周圍冇人、但會自轉的圓盤、tum tum 轉，又或者見到 d 秋千係一個唔合理的高度下自己搖動的話，最好都係唔好望，快 d 走。
因為可能你會好似我咁被「吸引」住……
我知你講邊到 我女友以前住長沙灣 次次去完街都會去果個公園坐一陣先番屋企 我次次去坐果個野都會自轉 大前提果時係夏天 一滴風都冇 最抵死一有路人行過佢就會停 之後見慣左想衝過去整停佢 不過唔敢
![[sosad]](/faces/sosad.gif)
![[shocking]](/faces/shocking.gif)
![[bomb]](/faces/bomb.gif)
，兩個講埋啲無聊野
女神 ![[yipes]](/faces/yipes.gif)
女人
但坐坐下發覺唔對路，點解天水圍去朗屏都咁耐
![[banghead]](/faces/banghead.gif)
我就諗:無理由架我明明係上去紅磡方向既車!
