有一次起中環德己笠街果間美心(裝修前) 打算借廁所用唔知有無巴打去過 個男廁就好細 兩個尿兜 一個廁格咁我當日去果陣 我前面有個男人入左去先 我跟尾入一入到去 個廁格就有個裝修師傅裝緊馬桶 其中一個尿兜有人用緊 我前面個男就用另一個尿兜 咁即係無哂位 我咪出返去 企起外面等等左成分鐘 心諗岩岩入果個未出黎都唔怪你 但用緊果個搞乜 諗住入去望下奇怪既事發生了 入到去 第一眼照舊望到廁格先 師傅繼續起度整野 但我再望 只剩下一個男人起度洗手 果個廁所只有一個門口

沖走左

如月車站都睇到好向左走向右走心寒

2ch重有一個都好心寒，話出完國返泥收倒五封信....,高登仔之前有開post,search 2ch應該見倒

想睇

http://forum9.hkgolden.com/view.aspx?message=4087757

上個月某一晚我夜左少少放工，番屋企時途經長沙灣體育館隔離果個公園時，隔離長天中學已經熄哂燈，所以公園入面已經好暗好暗

我一行入個公園，迎面有幾個衣著打扮好奇怪的人行過黎。佢地行ge方向係行出公園，剛剛同我相反。唔知點解，佢地不約而同咁一路行一路望實我，就好似我係異類咁。而佢地的衣著……我唔知點認容，總之好古怪，比mk更mk，比潮童更古怪。

公園入面有一 d 俾老人家活動雙手、好似車太盤的圓盤。你可以真係好似轉車太盤咁轉下佢。

我行到去果 d 圓盤附近，離遠一見到果D 圓盤果時，其中一個圓盤唔知點解係咁係度轉。平時有人轉過個圓盤，隔一陣個圓盤就會自己停落黎；但我見到果個圓盤係用一個好平均的速度自己轉緊。

但係隔離冇人搞個圓盤。

我平時行街都唔係一個八卦的人，但係我果個時候唔知點解成個人俾個圓盤吸引住，一步一步咁行埋去。

我愈行得近，個圓盤就轉得愈快，但果時周圍除左我之外，已經完全冇人 。

係呢個時候，我已經企定左係個圓盤前面。我記得果時我對眼望住一路轉但完全冇減弱的圓盤，仲有個衝動想伸手按實果個圓盤……

但過左一兩秒，我又唔知點解突然成個人好似清醒番，打消左按實圓盤的念頭，仲加快腳步行離果個仲轉緊的圓盤（當時我由行埋去圓盤，到加速離開圓盤，成個人都近乎係冇意識 ）

到我就黎離開公園，就見到有個阿伯……

阿伯坐左係度，用一個好詭異陰陰嘴笑的眼神望實我……但我一出公園，街上d 人就同平時一樣，冇一個會好似我係公園遇到果幾個人咁一路行一路望實我。

到我番番屋企，上高登見到原來有其他人以前係呢個公園見到呢Ｄ會係夜深「自轉」的圓盤，我先知自己可能真係見到Ｄ「野」。

如果我當時忍唔住按實左個轉轉的話，唔知會唔會有事發生……而且諗番轉頭，都唔知我一入公園遇到果幾個好奇怪ge係唔係「人」。因為佢地真係好奇怪……

我唔係果 d 好迷信的人，但如果下次係公園見到D 周圍冇人、但會自轉的圓盤、tum tum 轉，又或者見到 d 秋千係一個唔合理的高度下自己搖動的話，最好都係唔好望，快 d 走。

因為可能你會好似我咁被「吸引」住……

我以前細個試過係屋企牆果到撞,有冇巴打想聽

我由細到大都會發同一類型既怪夢
點解叫同一類型, 因為我只記得既係好難受感覺, 但個場境係點就唔太記得,
個感覺係好似有人叫你將一個貨櫃既紅豆綠豆分開佢, 你花一年時間先分開完, 但之後佢再同你講重有十隻貨櫃要分咁樣, 就係呢種感覺啦

細個發得特別密, 每次嚇醒個下個feel重係道

我又係細細個開始只要一發燒就會發同一個夢，
但係個夢既場景會隨住我訓既地方改變，一定會係同訓緊既地方一樣所以好真實都幾恐怖下，
夢既內容一醒就唔會記得，但係感覺好似係要由床既一邊行去另一邊，
但係自己同張床既比例好奇怪，size好似時大時細咁，永遠都行唔到去另一邊，
不過每次扎醒我就會去搵阿媽同佢講我發燒

我之前成日發夢見倒
自己起自己間房訓著
之後我好想郁但郁唔倒
好努力咁起身行出去
隔一陣又返返去同一張床
又好努力咁爬起身
隔一陣又返返去張床度
不停咁LOOP

Hi
呢個真係會
講果d野做果d野感覺勁真實
以為自己真係已經起左身去郁去做
隔一陣就冇左畫面
先發現自己原來仲o係張床到

奇怪在點解好多人都會有相同既夢
係人類既dna問題定係有其他能量干擾影響

腦電波

成家都有試過靈異野，
分享下我老豆既故仔
有晚我老豆夢到過左身既爺爺，
係個夢到好大雨，
爺爺好污糟好慘咁望住佢，
我老豆第一既以為只係個怪夢，
點知連續幾日都發同一個夢，
佢一得閒就去睇下我爺個墓，
原來個到落大雨沖哂d 泥落個墓到+浸哂水

中學果陣有一晚補完習搭小巴返屋企
成程車都好正常
最後其他客落晒車剩返我係總站落
我一如以往坐定定等落車
無意中我望向塊倒後鏡道
見到個呀伯司機對住我陰陰咀笑
成個人寒一寒
即刻叫佢係總站前一個站有落
佢冇理到我 一邊渣一邊陰陰咀笑
我真係心寒到PK
終於去到總站 等左車
我同佢講開門啦我係道落呀
佢又陰笑 理都冇理我 除安全帶落左車
我果下呆左成秒 甘大個仔都冇試過咁樣冇車落
跟住我呆完之後拉開道門 狗衝左返屋企
諗返都心寒 事關我冇再見過果個司機

中學果陣有一晚補完習搭小巴返屋企
成程車都好正常
最後其他客落晒車剩返我係總站落
我一如以往坐定定等落車
無意中我望向塊倒後鏡道
見到個呀伯司機對住我陰陰咀笑
成個人寒一寒
即刻叫佢係總站前一個站有落
佢冇理到我 一邊渣一邊陰陰咀笑
我真係心寒到PK
終於去到總站 等左車
我同佢講開門啦我係道落呀
佢又陰笑 理都冇理我 除安全帶落左車
我果下呆左成秒 甘大個仔都冇試過咁樣冇車落
跟住我呆完之後拉開道門 狗衝左返屋企
諗返都心寒 事關我冇再見過果個司機

我細個(幼稚園)一發親高燒就會發同一個夢
(差唔多一至兩星期就會發一次高燒, 咁都唔死得真係好野)
個夢既場境, 就係一個得泥沙既斜坡,
斜坡中間就有條路, 我就伏左係下面望著條路
即係咁
\_<----路
__\ <---我在此,
跟著就由左邊傳黎馬跑既聲,
一陣間之後就見到有個著清裝八旗黃色甲既人騎著隻啡馬由左至右快速跑過,
當佢o岩o岩一跑過沙塵都未散既時候,
係坡上面就有兩舊灰色大石向著我look過黎,
跟著我眼前一黑就會醒左同時會係咁嘔

一係關你前世事 一係關你祖先事

我細個成日發d好奇怪既夢
成日去左一d唔知咩大廈到
跟住就自已答lift
成日都會去左幾百層,一係d樓層名好奇怪(e.g. af23g,253,F2-4.g?)
一出lift就係d好舊既唐樓feel
好黑,有d綠綠地既暗光
就算係係夢入面都好驚
跟住就諗住行後樓梯走
但係通常行黎行去都行唔完


d人話你發既夢係你既潛意識
夠景我細個個腦諗緊乜

3更半夜聽到樓上波子聲同拉chair 聲