[bouncer]up緊，就快得

發表失敗
發表失敗
原因: 確定
孔明 5098日
睇緊/未睇過緊巴打絲打請花小小時間睇下以下小小內容:)

多謝大家支持，而且故事發展已經去到中期部份
依個係長篇故事，希望大家多多支持。 你的正評/回覆就是我的動力。
故事內容正如標題所說 :)

阿靜是一位宅女，自知自己條件不好，但仍然愛上一位男生，面對即將失敗的她，主角阿明不忍心看到好友阿靜陷入低潮，決定幫她打扮，教她一些如何控制男人的心，收兵技巧，玩弄愛情手段，改善溝通技巧，擴大社交圈子，務求將這位宅女塑造成大家心目中的女神，一個擁兵自重的娘娘。但阿明慢慢發現，他對阿靜產生了愛意，在追求期間，不知不覺間，他發現自己竟成為了阿靜的一隻兵......

*********************************************************************

www.facebook.com/homing0624

依個係小弟既facebook fans專頁#hoho# 係我既讀者 希望可以入去比個LIKE
開左一個月已經超過１２００人Like，我所有動態都會係專頁到發佈#hoho# 敬請留意
而因為偉大高登admin 林祖舜 開返2011年前既POST
意味住 我以前寫既故得以解放(包括《我的回憶》，《一個會穿梭時空的男孩》， 終於可以再次面世
加上巴打MondayNitro幫手打包，所有故事都係Facebook專頁到可以download


http://www.youtube.com/watch?v=5nQS-foGBCQ
故事既主題曲#hoho# 已經突破５７００人點擊，多謝大家支持

http://forum1.hkgolden.com/view.aspx?type=SY&message=3795603
我將一位宅女變成女神，然後再將自己變成佢隻兵 (第一章)

http://forum6.hkgolden.com/view.aspx?type=SY&message=3812493
我將一位宅女變成女神，然後再將自己變成佢隻兵 (第二章)

http://forum6.hkgolden.com/view.aspx?type=SY&message=3826279
我將一位宅女變成女神，然後再將自己變成佢隻兵 (第三章)

http://forum6.hkgolden.com/view.aspx?type=SY&message=3835172
我將一位宅女變成女神，然後再將自己變成佢隻兵 (第四章)

http://forum6.hkgolden.com/view.aspx?type=SY&message=3844171
我將一位宅女變成女神，然後再將自己變成佢隻兵 (第五章)

http://forum6.hkgolden.com/view.aspx?type=SY&message=3857814
我將一位宅女變成女神，然後再將自己變成佢隻兵 (第六章)
想重溫可以入去睇返#hoho#
白蘭地 5098日
#hoho# #hoho# #hoho#
月巴西 5098日
#hoho# #hoho# #hoho#

#hoho# #hoho# #hoho#
絕版四眼龜 5098日
留明
孔明 5098日
個post 無啦啦顯示唔到
唯有開個新
POST返今晚出過既文先
Jagger 5098日
#bye#
孔明 5098日
晚上六時多，立法會財務委員會正式就興建高鐵方案進行投票，即係話今次會唔會通過就睇依一次。現埸人士情緒非常高漲，不斷大叫口號: 『反高鐵! 停撥款! 反高鐵! 停撥款!』

但我地都知道，由於立法會內有好多功能組別同建制派議員係到佔據立法會，無論政府想通過咩方案，基本上都一定會通過，而所謂既功能組別唔係我地市民一人一票所投出黎，即係話佢地唔係代表我地市民但佢地卻有立法會投票權，可以見到佢地係立法會霸權，長期騎劫住立法會。所以今次既高鐵方案，議員同我地都明白到高鐵一定會通過，不過我地唔會放棄，而且我地希望係會議上問多D問題，令到建制派同班功能組別答多D問題，將來有咩事都可以秋後算帳，捉佢地出黎鞭屍。

隨著一班投票機器既功能組別，同一班無良心既建制派議員，高鐵撥款正式通過。在埸人士即時起哄，情緒好高漲，亦都有人話唔好比入面既議員走，同埋要衝擊立法會。

『阿明! 依家點?』阿Sam問。

『係到等多陣，睇下情況點。』我望一望周圍，決定留係到多一陣。

現場人士起哄聲好大，身邊既人開始討論緊衝唔衝擊立法會，亦都有人大叫話要去禮賓府門外示威，隨即將人流分開。埸面開始有D混亂，因為我從來無諗過要衝擊立法會，更加無諗過要惡化我地既靜坐示威，我係一個和平主義者，加上撥款已經通過，已經係不可挽回既事實，咁衝擊立法會係為左咩? 為左唔好比班議員走? 咁唔比佢地走，到時又點? 我地目的係咩?

時間一分一秒咁過，大批示威者開始分別霸佔左遮打花園，德輔道中，同埋立法會門外多處地方，同時都有大約幾百人出發去禮賓府示威。而立法會門外既示威者開始同警方有衝突。

阿龍: 『阿明! 你衝唔衝?』

『衝咩呀?』

『前面班人話要衝入立法會，開始準備Call人上前! 我地不如都去!』阿龍表現得好興奮。

『咪住! 我地當日開會講過，我地係靜坐示威，唔會衝擊架! 加上我地班莊員未試過咁做，都唔想咁做，我地點解要佢地衝?』

『依家情況有變呀嘛! 佢地唔衝咪我地衝囉! 總有人要帶頭出去衝! 如果個個都唔衝咁和平理性，咁對件事有咩幫助?』

『和平理性對件事無幫助? 咁衝擊就有幫助?』

阿Sam見到我同阿龍係到理論都忍唔住加把咀:『算啦!唔好再嘈! 始終衝擊係有危險! 我地又唔係攪開社運，不如算啦!』

『阿Sam講得岩! 我地既目的已經達到，要做既野都做左，我地唔需要再做額外既野!』我說。

『講到尾你地都係怕事，你地唔衝我去衝!』阿龍說。
SLIVER_CROW 5098日
留名
孔明 5098日
『各位! 有邊個想上前衝擊?』阿龍大叫。

莊員有部份男士竟然和應，紛紛走過黎支持。

『你地傻左呀! 衝咩擊呀!』我同佢地說。

現埸有市民見到我地理論又加把口支持阿龍:『後生仔! 咁有衝勁! 將來香港靠哂你啦!』

『又唔好咁講! 我地都係盡一分力姐!』阿龍見有人支持自己，表現得更興奮。

『WOW!!』前方既示威者開始起哄，而且開始唔小人係後面開始湧上黎。

『大家! 我地唔好去衝擊，我地盡快離開依到!』我說。

『大家! 前面有一班人係到試圖衝擊立法會! 我地作為大學生! 好應該上前盡一分力! 如果大家想一齊衝! 依家跟我黎!』阿龍說。

我即時火起，捉住阿龍大叫: 『你講夠未呀! 你想死既話你自己去! 唔好累人呀!』

阿龍推開我大叫:『你龜縮就返屋企! 我有我衝! 唔關你事!』

在埸有一班後生仔說 :『怕就返屋企啦! 』

『你收聲呀! 關你咩事!』我罵班後生仔。

在埸人士知道阿龍佢地想衝，即時遞上保鮮紙，雨衣同潛水眼鏡，以防警方用胡椒噴霧! 阿龍就收哂所有物品，同班莊員係到互相幫大家包住個身體。睇黎佢地真係要上前衝擊立法會。

『阿明! 依家點?』阿Sam問。,

『唔洗理佢! 我地帶班莊員走吧!』我說。

『OK! 咁我地走吧!』

當我地收恰D報紙時，準備離開，我望到阿雪竟然拎左D保鮮紙同雨衣著上身，我即刻走埋去問佢咩事。

『我都要上前!』阿雪說。

『你傻左咩! 你女仔黎架!』

『阿龍上左去! 我都要去! 放心啦! 我地無事既! 我地唔會企最前，有咩事我地會走。』阿雪微笑回應，但從佢既臉色黎睇，佢個樣好緊張同好擔心，好明顯佢從來未遇過咁既情況，係因為阿龍去左佢都要跟住嗎? 就係因為佢係阿龍女朋友，佢就要陪住阿龍嗎?

『唔得!!你知唔知咁做好危險! 我唔會比你咁做!』

『阿雪! OK未? OK就上去吧!』阿龍突然從後說。

我轉身再罵阿龍:『你自己想做英雄就自己做到夠! 你唔好拉埋阿雪落水!』

『你講夠未! 我無逼過佢! 我都知危險! 我都叫左佢唔好去! 係佢自己決定去!』阿龍說。

『你地唔好嘈啦......係我自己決定! 』阿雪說。

『阿雪呀......』

『放心啦! 我地無事既!』
好人唔做 5098日
#hoho# #hoho# #hoho#
我來自阿森納 5098日
留名
杜奧巴坦 5098日
新文呢
長恨哥 5098日
阿龍:阿雪係我女朋友 佢有咩事我會保護佢 #fire#
喱埋眼行出去 5098日
LM
啊番茄醬 5098日
#hoho# #hoho#
煙花落下 5098日
愛情真偉大
阿明:~(
小倉唯麻友 5098日
雪雪呀:~(
我叫KELVIN 5098日
#hoho#
楓之色 5098日
#hoho#
空中少尉 5098日
新文呢

新文呢
黑椒牛丸河 5098日
lm:)
孔明 5098日
說罷，阿龍就帶住部份莊員同阿雪就逼上去，務求行到最前線，即係立法會門外。望住佢地身影慢慢消失於人群之中，都開始見到警方舉起旗幟，寫明如果示威者有進一步行動就會作出防衛，要求我地盡快離開。

莊員都收恰好，正要離開 :『阿明!走吧!』

我視線一直望住前方，實在好擔心。於是同阿Sam說:『你帶佢地走吧! 我要上去!』

『下?你上去做咩呀?』

『我要睇住阿雪! 我唔會比佢有事! 你地快D走!』 說罷，我就衝上前搵阿雪佢地。

人群之中好擠逼，後面班人不斷撞上黎，逼到我根本搵唔到阿龍佢地係邊，而有人大叫:『班狗官想走呀! 唔好比佢地走呀!』

此言一出，在埸人士情緒更加高漲，不斷叫口號，同時係咁從後逼上黎。

『WOWOW!衝呀!』前面傳出一班叫聲，相機閃光燈係咁閃，好明顯前面開始有行動。激氣，點解好地地會攪成咁。我好辛苦逼到上前，搵到阿龍佢地。

『夠啦! 班莊員已經走左! 我地走啦!』

但阿龍無理到我，不斷叫口號同逼上去。我清楚阿龍性格，當佢決定好做既事，無人可以阻到佢，所以我都放棄左唔勸佢，反而更加保護阿雪。我見到阿雪雞手鴨腳咁將保鮮包隻眼，我就行埋去幫佢整一整。

我一路幫佢整一路說:『一陣你企我後面，有咩事你要走! 知唔知?』

『嗯! 我答應你! 你都要小心!』

當我企係阿雪面前幫佢整好副潛水鏡，睇見佢一臉天真既樣，傻傻更更咁好似唔知發生咩事咁，同現埸氣格格不入，就好似一個細路女無神神走左入大人既世界咁，令人好想好想保護佢。

『阿雪.....』我話未說完，前面已經同警方爆發衝突，後面既人更加湧上黎，我都逼於無奈咁逼上前。警方手拖手築成一條人鏈，再加上前面放上鐵馬，防止示威者更進一步上前，而我地就不斷向上逼，令到前方既人係咁撞個鐵馬。

警方再一次開咪宣佈 :『請盡快離開! 否則會採取進一步行動! 請示威者盡快離開!』

警方再一次舉起紅色旗以示警告，睇黎情況好快一發不可收恰。唔洗一分鐘，衝突正式爆發，所有人都一窩蜂咁湧上前，我擔心阿雪比人撞倒，於是我將阿雪推後，叫其他莊員帶佢走，由於莊員都知道事態嚴重，都聽我話帶阿雪走。

『阿明! 你要睇住阿龍呀!』

依句說話係阿雪離開前最後一句說話，估唔到去到緊急關頭，佢係關心阿龍多過我，個一刻埸面雖然混亂好嘈，但係係我眼中，所有野都好似靜止左咁，個腦一片空白，眼白白望住阿雪離開，個腦不斷重覆一句"阿明! 你要睇住阿龍呀! "
高比仔 5098日
Post 7 LM :)
軌的綠巨人 5098日
#good#
孔明 5098日
聽日返早
依家打多篇就要訓了
凍華田 5098日
LmO:-)









小弟今日生日
跳到頁尾
下一頁
登入