我要訓了 聽日要返早
你地都去訓吧

范威拍一拍我膊頭: 『既然好女仔既話，不如祝福佢搵到個好男人仲好啦。』

『祝福佢? 我無咁偉大，得唔到人就要祝福佢，好聽D就叫瀟灑有風度，唔好聽既...就係失敗者講出黎自我安慰既說話。明明我係想同佢一齊，點解我要祝福佢同人地一齊?』

『我....都係隨便講下。我都覺得祝福人依個行為都幾白痴......拍戲咩。』范威說。

我攤係地上，望住天空，無數星星係我眼前，呆呆望住，個腦又係到諗野。

『阿雪話我係一個好男仔，如果佢係好女仔既話，唔係應該配返個好男仔咩?』 我望住個天問。

『哈哈，女人係咁。把口話想搵好男仔，但當個好男仔係佢面前時，都唔會去揀佢。不過感覺既野....好難講既，唔通有個好女仔係你面前，你就要接受佢喎。所以講感覺.....都係一件擇偶條件黎，你唔可以怪阿雪。』

『我無怪佢.....只係我唔明白咩係感覺，以前我同阿靜講，女仔同一個男仔去到一個好曖味既關係時，如果個女仔唔鐘意對方，可以話無感覺，當你朋友依類說話去拒絕人，所以.....我聽到之後，好似莫須有罪名咁......。』

『話時話，阿靜近排點? 佢依家真係唔同哂，個人都無咁毒。』范威問。

『哈.....我都好耐無見佢，佢依家不知幾開心，又有人追，又多朋友，又靚左咁多。』

『我好記得上年我地成日笑你重口味，得你一個同阿靜玩。估唔到阿靜依家變得咁搶手。』

聽左范威依句後，內心不禁有點心酸。

『係.....以前得我一個同阿靜玩，依家.......我想同佢玩，都好難。』 突然間，腦海一直沉睡住既阿靜，慢慢浮現出黎。

『點解難? 其實我地覺得阿靜鐘意你，點解你唔試下追佢姐? 你一出聲，佢一定肯。』

『又追.....我已經唔想再追人，好累。咩係一定肯.....我唔想再重覆多次失敗。』

『今次唔同呀....阿靜佢......』

『算啦....唔講。夜了，我想返屋企訓。』我企起身，收恰一下啤酒，就拜別左范威。

范威坐係到望住我既背影，嘆了一句: 『唉....佢已經對女仔失去哂信心。』

第二日早上，起身時發現手提有未接電話(23個)，嘩...發生咩事? 而且來電全部都係莊員，有阿龍阿言阿雪....究竟發生咩事? 我打返電話比阿龍

『阿龍! 你地CALL爆我機做咩? 發生左事?』

『你快D返黎中大睇下民主牆!!!!!!我地支莊比人攪呀!!!!』

感情既野不嬲都係咁唔理性，你既行為我可以理解，佢地覺得你幼稚，唔成熟，小學雞係因為佢地係局外人，局外人睇野永遠都係咁理性。但感情既野邊會咁理性，如果個個都好理性去對待感情，咁仲會有人傷心咩? 佢地唔明白，係因為佢地無經歷過，但當佢地局內人既時侯，都可能會變成你咁。

但當佢地變成局內人 ?

其實邊度睇個reply 係第幾個.. 樓上又知就要開新POST?

呀雪係個好女仔
呀明係個好男仔
但唔等於佢地可以一齊

同埋.. 其實我都覺得阿靜好似鐘意阿明..


同埋范威咪有野想講既.. 可能係代表左阿靜之前同范威講左D 野.. 不過阿明冇聽到 所以其實阿靜真係講左自己鐘意阿明俾威聽都唔出奇

阿明, 俾你既
因為你唔聽清楚范威講咩

同埋.. 其實我都覺得阿靜好似鐘意阿明..


同埋范威咪有野想講既.. 可能係代表左阿靜之前同范威講左D 野.. 不過阿明冇聽到 所以其實阿靜真係講左自己鐘意阿明俾威聽都唔出奇

阿明, 俾你既
因為你唔聽清楚范威講咩