我將一位宅女變成女神，然後再將自己變成佢隻兵(４)

孔明 · 2012-07-12T08:35:04.6300000Z

睇緊/未睇過緊巴打絲打請花小小時間睇下以下小小內容多謝大家支持，而且故事發展已經去到中期部份依個係長篇故事，希望大家多多支持。你的正評/回覆就是我的動力。故事內容正如標題所說阿靜是一位宅女，自知自己條件不好，但仍然愛上一位男生，面對即將失敗的她，主角阿明不忍心看到好友阿靜陷入低潮，決定幫她打扮，教她一些如何控制男人的心，收兵技巧，玩弄愛情手段，改善溝通技巧，擴大社交圈子，務求將這位宅女塑造成大家心目中的女神，一個擁兵自重的娘娘。但阿明慢慢發現，他對阿靜產生了愛意，在追求期間，不知不覺間，他發現自己竟成為了阿靜的一隻兵...... ********************************************************************************************************www.facebook.com/homing0624依個係小弟既facebook fans專頁係我既讀者希望可以入去比個LIKE開左兩星期已經超過６１０人Like，我所有動態都會係專頁到發佈敬請留意而因為偉大高登admin 林祖舜開返2011年前既POST意味住我以前寫既故得以解放(包括《我的回憶》，《一個會穿梭時空的男孩》，終於可以再次面世加上巴打MondayNitro幫手打包，所有故事都係Facebook專頁到可以downloadhttp://www.youtube.com/watch?v=5nQS-foGBCQ故事既主題曲已經突破3800人點擊，多謝大家支持http://forum1.hkgolden.com/view.aspx?type=SY&message=3795603我將一位宅女變成女神，然後再將自己變成佢隻兵 (第一章)http://forum11.hkgolden.com/view.aspx?type=SY&message=3812493我將一位宅女變成女神，然後再將自己變成佢隻兵 (第二章)http://forum6.hkgolden.com/view.aspx?type=SY&message=3826279我將一位宅女變成女神，然後再將自己變成佢隻兵 (第三章)想重溫可以入去睇返

性感地盤佬 5120日

留名,終於追到LIVE :~(

,明大哥你一月要溝到阿雪啊,絕種好女仔 #good#

,阿靜就咪鬼理佢啦,我覺得你同阿雪開始左,阿靜會同個 fuck

風開始

孔明 5120日

到左中午，我地轉戰去Canteen門口哂莊，雖然入冬，但中午時分天氣仲係好熱，我地又著左成套suit，真係熱到出哂汗。

當我地靜靜地企係到哂莊，突然聽到一股氣勢從背後湧埋黎，而且一股好有霸氣既聲音從後發出

" 我地...係第四十屆香港中文大學學生會幹事會候選內閣! 中連 ! 請多多支持我地 "

我地轉身一望，原來係阿風支莊黎左，佢地好有組織性，十多個莊員整齊地行，好似一隊軍隊列隊到埸咁，而且邊行邊叫口號，氣勢好強勁。身旁仲有一班Helper邊派宣傳單張同紀念品，睇真D，原來係印有中連既File。

我地莊員見到咁，都感到強大壓逼感，我地幾丁友拍埋去真係得淡笑。阿風似乎留意到我地，就行埋黎同我講 : 『咦? 你地係到哂莊呀? 真係似足你地個莊名，得個靜字! 哈哈! 攪咩呀?』

『我唔覺得叫到鬼殺咁嘈又係一件好好既事。』我說。

『咁你不如叫遊行示威既人咪鬼叫啦! 嗌莊係傳統文化! 你唔試係你蠢。』

『傳統文化就要跟?』

『你唔好扮哂突出啦，以為玩突破玩另類就會嬴? 我到依家都諗唔到你做咩可以出黎選，咩你覺得會嬴咩?』

『一日未選，一日都未分勝負。』

阿雪見到後，就拉開我 : 『我地唔好同依D人講咁多野。』

阿風就笑笑口講 : 『係囉! 快D聽下D女人講啦! 哈哈!』

『放手! 』我甩開阿雪隻手說。我覺得依下好無面，於是叫其他莊員: 『我地換個地方。』

『唔洗換啦，我地都唔想係到阻住D人入去買野食，我地咁多人就真係唔方便既，你地就唔同啦，幾丁友係到，阻得去邊! 哈哈哈! 』說罷，阿風就繼續帶領班人一路叫口號，一路行。

" 我地...係第四十屆香港中文大學學生會幹事會候選內閣! 中連 ! 請多多支持我地 "

不知不覺間，我腦海竟然係咁出現依一句。

Crystal*_=] 5120日

睇一次睇live! 等你既文呀孔明大哥 #yup#

雞屎綠 5120日

『放手! 』我甩開阿雪隻手說。我覺得依下好無面，於是叫其他莊員: 『我地換個地方。』

阿明對住阿雪發火

春江花月夜 5120日

做乜唔踢爆佢地抄舊野

魔術毒拎 5120日

Mario_Gotze 5120日

lm

杜奧巴坦 5120日

好假既真真。 5120日

『放手! 』我甩開阿雪隻手說。我覺得依下好無面，於是叫其他莊員: 『我地換個地方。』

阿明對住阿雪發火

允行 5120日

『放手! 』我甩開阿雪隻手說。我覺得依下好無面，於是叫其他莊員: 『我地換個地方。』

阿明對住阿雪發火

薛凱琪最迷人 5120日

第三身罪犯 5120日

AI-Iverson 5120日

『放手! 』我甩開阿雪隻手說。我覺得依下好無面，於是叫其他莊員: 『我地換個地方。』

阿明對住阿雪發火

吞杜奧巴d精 5120日

明哥Check pm []

小太陽珊妮 5120日

輸了妳贏了世界又如何

有呀雪咩都夠啦 :-(

孔明 5120日

『點? 我地仲洗唔洗轉地方? 』阿龍問。

『唔轉啦......係到得。』我望一望阿雪，頭先突然間被阿風激到燥燥地，大力甩開左阿雪隻手，於是我就行埋阿雪到。

『頭先.....對唔住。』

阿雪搖搖頭: 『我明既，唔洗講對唔住! 佢真係幾黑人僧。』

『我地支莊咁散，好似一班烏合之眾組埋一齊咁，我地莊員同莊員之間又無咩交流，你睇下今日，我地哂莊但都可以得幾丁友黎，人地就..........』我都開始灰灰地。

『我地當初唔係預左咁嗎?我地要係咁既環境下要嬴! 就算嬴唔到，我地都算係試過同努力過! 』

我明白阿雪係想安慰我，但依D大道理我聽到都覺得煩，依D好聽既說話我明白，我都識講，但我依一刻真係聽唔入耳。

『喂喂! Sorry!! 岩岩先落完堂! 點呀?』阿Sam跑黎。

『你套Suit呢?』我望住阿Sam說。

『丫....今日我趕住出門，所以......』阿Sam仲未講完，我就將手上既手舉牌掉去阿Sam到，然後說 : 『你係到舉，我去食飯。』

阿Sam見我咁大反應都有D驚訝。

『你係到企吧，我去睇下阿明。』阿雪說罷，就跟住我行去Canteen。

『依支莊真係不知所謂，究竟佢地有冇心選? 我真係睇唔到。』我邊排隊買野食邊說。

『唔好咁啦，可能佢地真係好多野做呢。』

『多野做? 唔通我地都唔多野做喎? 我地已經走左堂黎哂莊，我地都放棄左好多野，佢地呢?』我都講到有少少嬲。

『黎近都差唔多放假，我估情況會好好多。』

『黎近放假就死啦，到時邊有學生返黎? 一月就係政綱發佈會! 之後係質詢會! 我地唔多D宣傳，根本無人知我地既支莊係點。』

『唉.......我都唔知點算。』阿雪似乎都開始灰心。

而我望住前面個食物價錢牌，個腦只係浮現阿風個種串咀樣，究竟我點先可以嬴到佢?

行路草 5120日

雖然有呀雪就已經羸曬 :-[