[FF+甜故][變身]如果我這輩子是美女(END)

有心無默 5217日

最後一個post了，
到底家蔚佢地個未來會點...將會係呢到一一交代...

*

原來，轉眼間已經同各位一齊過左將近半年既歲月，

其實有好多位巴打同絲打我都好想好想係到講聲多謝...
但無可能一個一個講，又怕多謝漏左...

所以，我想藉住呢到一次過多謝，有你(妳)地既支持先可以寫到呢到 :~(

希望各位會鍾意呢個作品啦...

上個post好開心可以過到100正評，今個post，由返各位話事啦 ;-)

*

原作者為膠心密友巴打，因為佢中途放棄左繼續，
所以由小妹弟繼續作落去，希望各位多多支持

有心無默 5217日

打包link
http://www.sendspace.com/file/zwl0ts

故事簡介：

一個無存在感既毒向左走向右走陳嘉為，因為受上世既自己(女性)所托，
係暑假某一日突然由男變女，以陳家蔚既身份繼續生活，
女體化既自己，係生活上發生左各種唔同既事，令到主角自己對於做男定做女感到非常迷茫...

基本人物簡介：

陳嘉為 (陳家蔚) - 本故事男(女)主角
王樂宜 - 主角既表妹
鄭青琪 - 阿kay, 王樂宜既同班同學
文冰瑤 - 主角曾經班級既女班長，亦係女神級人物
紫晴 - 王樂宜既同班同學

詳盡人物介紹與故事時間表：含劇透慎入
http://forum.hkgolden.com/view.aspx?message=3593137&type=SY&page=14

有心無默 5217日

「阿…」當我正想開口個陣...

Stop and stare…
You start to wonder why you're here, not there…

『電話…』阿彥同我講…

「嗯…聽到…」我拎起部手機，

冰瑤？

「喂…？」

周圍好靜…但無人認…

「喂喂…？」

都係無人認…
但我無收線…因為…呢個情況熟口熟面…

就係兩日前…我先經歷過一次…個次係邦文既計劃...

『係呢到…講就無問題。』冰瑤佢終於開聲…但個距離感…一定唔係同我講更野…

『但係…』樂宜有少少擔心咁講…

『周圍都無人…怕咩呢？』

『始終…好尷尬嫁嘛…』

『咁等我示範一次先啦？』

『下…』

『我最愛kevin！』冰瑤突然大聲咁嗌，大到…如無意外周圍既人都應該注意到？
『愛到…就算我家姐做左幾多手腳…點樣阻止我地...

我都…唔可以放棄佢！因為…佢就係我…我想選擇既人！』

我震驚…因為…我估唔到…冰瑤會咁樣去大嗌法…
一直認真...冷靜...聰明既冰瑤...竟然可以咁樣去嗌...

係第一次...但點解...冰瑤要咁做...？

『我…文冰瑤…所選擇既人！啊…就係咁，拿...完全無人注意到。』

『小瑤…妳好屝利…』樂宜睇黎同我一樣咁驚嘆...

『我只係比個決心妳姐。』冰瑤笑住講…

決心，我覺得冰瑤呢句係語帶雙關…
除左同樂宜講…仲有…同我講...

『最後一日…想所有野發洩出黎…然後…正面對待自己既未來…』

『嗯…小瑤…有道理。』樂宜睇黎終於被說服…

唔知點解…我有種感覺…

「到底…樂宜妳同冰瑤係邊…？」雖然明知無人會回應...但我都照講出黎..

『小蔚？係邊個…』阿彥訝異咁問

然後…我聽到一聲大大既吸氣聲…係…樂宜...

『我…我…我王樂宜…』樂宜佢口窒窒…

『最鍾意我表哥，陳嘉為！由始至終都係，無論點都係…總之
總之…就係鍾意鍾意鍾意鍾意鍾意佢啊啊啊啊～～～～～～～～～～～～～～～』