有心無默
5235日
我未攪清楚而家既情況…所以呆呆咁企係到，
瞪目結舌望住冰瑤阿姨，纖細既小手仲係維持住舉起既動作。
「點解…我唔可以用佢？唔通…冰瑤阿姨既時光機…未完成？」
『並唔係咁，小影。』冰瑤阿姨搖搖頭『而係我需要攪清楚一件事先。』
「下？」
『我唔想小影你做白老鼠。』冰瑤阿姨講
『雖然事實你已經做過一次…但你都要明白用時光機係一件好危險既事。』
「我知道嫁…係用個刻…周圍變得好暗好凍…我都…差d以為自己會死…
而且...仲唔小心攪到而家呢個結果出黎…但正正係因為咁我先要再次用時光機啊！」
『小影…』
智影…
「我要所有野回復返正軌…就一定要再用…」
『小影，我明白你既心意。』冰瑤阿姨微笑『但我都係希望你可以等一兩日。』
「冰瑤阿姨…」
『就因為太重要，所以你先要忍耐。』
「阿姨…係...明白。」睇黎冰瑤阿姨主意已決...
*
芷螢…返屋企之前，可唔可以比我去一個地方？
下？你指既唔通係…
嗯…
所以，我花左十五分鐘時間，由研究所回到個個地方...
樓下既大堂號碼同管理員都係之前個個...
而往日熟識既走廊...亦無大不同...
除左一樣...就係我"屋企"道鋼閘...款色明顯唔同左。
我嘗試禁響門鈴…仿佛希望…會有一個熟識既人打開門…
但係…
『小姐，妳搵邊個？』應門既，係一個唔識既中年阿姨
「啊…對唔住…我諗我...搵錯左地方…」
『嗯…』中年阿姨點點頭之後就關返埋門。
我屋企…再唔係我屋企，
再唔係，陳智影，陳嘉為，王樂宜三個人既屋企…
爸爸…媽媽…
智影...
芷螢…雖然呢個係不情之請，但妳願意比我…暫時留係到嗎？直到時光機可以用...
智影…我…嗯，可以。因為我…已經感受到你所感受既…個種…痛苦。
芷螢…
個種…屋企人都離開左自己既痛苦…我已經感受到，所以…可以。
多謝啊…芷螢…
但你千其唔好用我身體做d奇怪既事啊！
一定啦！哈哈…
咁…咁輕率！都係唔肯啦！變態！
下！？！？
一齊努力啦！白痴！
![[sosad]](/faces/sosad.gif)
![[bouncer]](faces/lomore/bouncer.gif)
up緊，就快得![[slick]](/faces/slick.gif)
![[banghead]](/faces/banghead.gif)
![[flowerface]](/faces/flowerface.gif)
下個post 完唔完到
