高登友去澳門賭場中招實錄!!!!!!!!!!!!!!!!

PoLe · 2010-08-09T18:12:52.2670000Z

以下是真人真事, 給大家的忠告: 尤其是男性, 大家以後去澳門賭場.小心你入場時, 己成為壞人的目標.比大鱷還恐怖.個案一, 我朋友兒子A 君, 生日同朋友去澳門玩,順道去賭場玩下,(佢不是爛賭的人)同朋友分開玩, A 君贏了錢想走, 突然有個人走來同佢講 : 兄弟你手風好順啊, 不如去我地個場玩二手, 捧下場啦,A 君推辭, 話我有朋友等, 不去了, 但那人同其它人一起力推, 又拍又拉, 又叫佢老闆, 又話玩二手下啫,咁都唔比面, 咁就把佢推下停車場, 車了佢去另一家賭場, 上到去, 叫 A 君玩下, 一陣車你回去同朋友相聚, A 君唯有照做, 正想玩二手應酬下佢就走, 當佢想下注時, 那人又話,不用你老闆換錢, 我地替你下泥碼, 玩完才計數吧. 初時問佢買什麼, 咁就替佢下注.但銀碼就替佢不斷加大. A 君話不玩, 佢地話要替佢番本. 買大的, 到輸掉到八萬元時, A君話不玩, 要走, 沒錢. 佢地又同佢講, 你輸咁多錢走, 你順我都唔順啦, 我同你去賭(排九). 你做莊. 好快番本. 又拉又推入了房, 佢地叫做莊, 又是咁, 輸掉了四萬, A 君好驚, 同佢地講, 你地重唔比我走, 我報警, 壞人就話, 今天是你手風唔順, 我地結賬啦, 結果給佢簽了借據十二萬元, 找二個人同佢一起回港, 但回到港, 打電話給佢家人, 話佢個仔欠佢地十八萬, 現在給佢個仔回家, 三天後不付錢, 起釘隻倍, 結果佢媽媽同那班人講沒錢. 求佢地收少的, 結果付了十八萬才拿回正本借據,

PoLe 5814日

PoLe 5814日

東方老師 5814日

其實好多BR都係抱住見識吓,玩兩手既心態入賭場,都係建議大家去啲大場度玩,一黎裝修靚啲,二黎多保安/警察巡邏,
賭場係一個偏門既行業,好多其他偏們都依靠賭場維生(如當鋪,放數等).只要大家唔好貪心,唔好因為免費船飛,食飛等落塔,自不然會減少好多麻煩(其實依家好多賭場自己都會有績分,賭夠一定金額都會送飛的),詳情,可以問吓賭場職員(著西裝,心口有個工作牌戈啲)...
另,去邊度都好,財不可露白,,你招招遙遙咁,唔扑你扑邊個丫,,,係賭場贏咗既錢,並唔係真係屬於你,,要將錢放到落銀行度,先至係你既錢,切記切記...