[是咁的]親身恐怖經歷---死亡Hi西[7]

笑匠 · 2009-01-18T19:07:59.1700000Z

[是咁的]親身恐怖經歷---死亡Hi西 http://forum7.hkgolden.com/view.aspx?message=1476420&highlight_id=180732[是咁的]親身恐怖經歷---死亡Hi西[2] http://forum7.hkgolden.com/view.aspx?message=1479688&highlight_id=180732[是咁的]親身恐怖經歷---死亡Hi西[3] http://forum7.hkgolden.com/view.aspx?message=1481650&highlight_id=180732[是咁的]親身恐怖經歷---死亡Hi西[4] http://forum7.hkgolden.com/view.aspx?message=1487866&highlight_id=180732[是咁的]親身恐怖經歷---死亡Hi西[5] http://forum7.hkgolden.com/view.aspx?message=1490828&highlight_id=180732[是咁的]親身恐怖經歷---死亡Hi西[6] http://forum7.hkgolden.com/view.aspx?message=1507043&highlight_id=180732

~西斯~ 6377日

其實我好想知,呢個古仔究竟同死亡Hi西有咩關係? ?_?

好拎好人 6377日

老公 6377日

出多兩篇先啦Hi

笑匠 6377日

[196]
阿杰(恐慌)︰點解...點解你會係度...?!
我(愕然)︰有全...?!

有全佢就成個人企左係阿杰面前, 瞪大左雙眼
佢個樣就好似岩岩都被嚇親一樣, 成個人重有d震
我︰有全...點解你會係度...?
有全︰阿杰...?
我︰咦...?!

阿杰望見有全之後, 就一路退, 一路退
退到撞向我度, 重差d成個人趴係地
我︰喂...冇野丫嘛...?
阿杰望一望向我, 我睇見佢成塊面都青哂
阿杰(激動)︰係咪你?! 係咪你帶佢黎既?! 係咪你下?!
我︰喂...放手...!

其實講起黎都有d奇, 有全佢係點樣黎到呢度架呢?
偷走?跟蹤我?

我︰我冇帶佢黎!
阿杰︰咁點解佢會係度...?! 點解...?!
呢個時候, 有全踏前左一步, 好似想走近阿杰, 阿杰見到就即時好大反應
阿杰︰啊! 唔好過黎呀!

阿杰不斷撲向我, 又搵我擋住, 就好似有全一行過黎佢就會死咁
見到佢咁激動, 我怕成個場面就快失控, 所以我叫有全退一退
我︰有全...你停係度...唔好過黎...

有全聽完我咁講, 又真係停左腳步, 冇再行近
我望一望阿杰, 見佢終於冷靜返少少
我︰而家咁樣, 冇問題啦?
阿杰猛搖頭
阿杰︰你快d帶佢走啦!
我︰唔得, 我要你係度等我...
阿杰︰唔啦! 我要離開呢度。

我有d不耐煩, 於是我清一清喉嚨
我︰我唔知你地咩事啦, 但係我而家就走過去佢度, 叫佢離開, 但係如果你唔乖乖地留係度等我既話, 我絕對, 絕對會帶住有全剷上你屋企, 等你地日對夜對!
阿杰(呆著)︰......
我︰留係度等我, OK?
阿杰安靜咁點點頭

=口= 6377日

笑匠兄歸位

笑匠 6377日

笑匠兄歸位

抱歉, 令你地既情緒都冷卻哂 :-(

老公 6377日

又收左皮

笑匠 6377日

[197]
我走左過去有全度
我︰全, 點解你會係度既?
有全︰我見到你出去, 我以為你已經出發呀
我(搖搖頭)︰我唔係去呀, 我未去呀...
有全︰哦
有全望向阿杰個方向, 粒聲冇出, 好似諗緊咩咁
但阿杰就低住個頭, 所以佢地冇眼神交流

我︰全, 點解阿杰佢咁驚你既?
有全冇答到我, 依然係呆住咁望過去
我︰你係咪想去果個咩墳州呀?
有全轉個頭望住我, 睇黎呢個話題可以加以利用
我︰如果你想我帶你去墳州, 你就話我知, 阿杰之前同你發生過咩事

有全聽完我條問題之後, 一d反應都冇
頂...想點呀...好頭痛...
我望一望向阿杰個方向, 我諗冇能要佢一直咁樣等我
我︰全...你答應我企係呢度等我, 行開一步都唔準, 得唔得先?
有全竟然點左一點頭, 有d進展
我︰拿, 我陣間會行開遠少少, 但係你唔準行開架! 你要畀我見到你, 知唔知!
有全又再點頭

於是, 我行返到阿杰身邊, 回頭一望, 有全真係冇郁過
我︰喂...
阿杰︰佢走左喇?(探頭一望)
我︰未...
阿杰(激動)︰你唔係話!
我(搶白)︰你唔好緊張! 放鬆先!
阿杰嘗試按捺情緒
我︰我而家同你行遠d先...

我捉住阿杰手臂, 離開有全一段更遠既距離, 然之後先停低
我︰而家好d未?
阿杰︰我想走...!
我︰唔得...而家由我話事...
阿杰一臉無助咁望住我
我︰點解你咁驚有全...
阿杰(搖頭)︰我唔想提...!

Send野比大雄 6377日

笑匠兄歸位

抱歉, 令你地既情緒都冷卻哂

我條J冷左,但係個故仔堅好睇,
唔洗急,最緊要出到貨 #good#

笑匠 6377日

[198]
我︰點解你咁驚有全...
阿杰(搖頭)︰我唔想提...!
我︰關唔關少荃事?
阿杰(錯愕)︰你...你知道...?
我︰老實講...我只係知道少荃佢用左有全個身份...
阿杰(寂靜一回)︰我同有全之間...係有d事...但唔關少荃事...
我︰如果係唔關少荃事, 咁我冇所謂, 我而家只係想解決少荃果件事者, OK, 我而家問你, 點解頭先你唔畀Jade幫我?

阿杰由頭先開始, 一直神不守舍, 不停抹冷汗
阿杰︰呀龜...少荃單野...我係為你好咋...
我(試探)︰你知道d咩?
阿杰(一怔)︰我冇收埋d咩秘密...
我(呼一口氣)︰你唔好扮野啦, 之前我問你少荃既事, 你就同我講有全既! 我就話對佢地2個冇印象, 唔知少荃用左有全既身份者, 但係你呢?! 你冇理由咁都搞錯呀話?!
阿杰(長嘆息)︰我真係唔知...
我︰你重扮野?!
阿杰(無奈)︰阿龜呀...件事唔簡單呀...你唔好去搞少荃喇...
我︰喂喂喂喂喂...原來你真係知既!

阿杰表情痛苦, 睇黎佢已經唔想再糾纏落去
阿杰︰我真係為你好咋...一係咁啦...我幫你令到少荃唔再出現係你面前丫...
我︰咩話...?
阿杰︰好冇? 你都係想咁樣者...!
我︰如果係, 你會打算點做...?
阿杰︰呢層你唔好理啦...總之我會試下架喇...!
我(思考一回)︰唔得...
阿杰(焦急)︰喂阿龜呀...!可唔可以唔好再講呢單住...!
我︰唔得...有咩瞞住我! 快D講!
阿杰︰喂! 你咪咁啦! 我又唔係害你! 點解要咁執著者! 你知唔知而家有第二件事係更加重要呀?!

我想..來多次 6377日

跟住點呀大佬好緊湊

老公 6377日

跟住點呀大佬好緊湊

笑匠 6377日

[199]
睇見阿杰的表情咁認真, 句句又講得咁用力, 我都窒左一窒...
我︰其實你由頭先開始...驚d咩者...?
阿杰(表情痛苦)︰龜...
阿杰望向我身後, 望向果個離我地好遠既有全
望左有全一眼之後, 阿杰又好快咁用我既身體去擋開視線...
阿杰望住我, 流住冷汗, 但眼神好堅定
阿杰︰龜...你要Jade幫你去搵個地址...OK...佢會去幫你搵...! 你話我同少荃之間有冇d咩秘密...? 我可以話你知...個答案會主動去搵你...根本唔需要我去講...
我︰你講咩呀...?我唔係好明...
阿杰(搶白)︰你唔好講野! 你聽埋先!
我︰...?!
阿杰︰我估唔到呀...我估唔到佢竟然真係返左黎...!
我︰...?!
阿杰︰龜...盡快離開有全...!
我︰咩話...?!
阿杰︰盡早送佢返大陸...斷絕來往, 點都好...! 最好唔再畀佢再係香港出現...!
我(不明所以)︰點...點解...
阿杰︰龜...其實我都唔知而家個情況係點...但係頭先我見佢...我見佢...佢應該未...

阿杰說話講到一半就停左, 我只見佢呆左咁望向我身後
阿杰︰唔...唔見左...!
我本能地轉身一望, 阿杰講緊既, 係有全唔見左!

我︰咦...?有全呢?!
阿杰突然用力捉一捉住我, 要我望實佢, 要我留心聽埋最後既說話
阿杰︰龜...對唔住...我唔想解釋咁多...我怕講得太多...第時會對你不利...但係...真係...遠離佢...

說話講完, 阿杰就望一望周圍, 望完就行開左
我︰喂!
今次我叫唔停阿杰, 佢一支箭咁離開左我既視線
佢應該係打算唔等我就搵埋Jade一齊走喇...

而有全唔見左, 我亦有D擔心, 於是我追向有全頭先個位置去搵佢
但係去到果個位, 我先發覺有全只不過係企埋一角, 空擔心一場
我︰全...
有全︰係咪出發喇?
我(沈默一回)︰我地返去先...美兒佢地應該好擔心你...

講完, 我就開始離開呢間酒店, 而有全亦都跟係我後面黎行
我轉身望一望有全, 諗左一諗頭先阿杰既表現...
我完全唔明點解呢個傻傻地既毒男, 會令到阿杰驚得咁緊要...
佢地之間究竟發生D咩事...

呢一次見完阿杰, 個腦衝擊左好多既新疑問...
阿杰佢同少荃, 有全都各自存在左d秘密, 當中...究竟有冇相關既地方
同時間, 我身邊既呢個人-有全, 又被阿杰形容為一個極度危險人物...
究竟發生緊d咩事...我懷疑冇可能知道哂各種真相...

笑匠 6377日

究竟發生緊d咩事...我懷疑有冇可能知道哂各種真相...