[186]
有全︰(激動)阿輝!你要救我呀!
我︰(受驚)...?!
有全︰(肉緊)阿輝!救我呀...求下你!你要救我呀...
我︰(不明所以)......

有全激動既表現, 引黎全間餐廳D人望哂過黎...
而且佢雙手將我既衣領抓得好緊, 成件衫都就快要變型喇...
我唔想餐廳D人報警, 亦唔想我件新衫報銷...
所以, 我決定先去安撫有全既情緒...
我︰阿全...
有全︰(點頭)嘎...救我呀...
我︰(深呼吸)你...拿你...你聽我講先...你放低你雙手先...
有全︰(喘息)......
我︰(責怪)喂呀...你睇下周圍先啦...而家個個都望住我地喇...重點講野呀...

有全佢聽完我講, 然後就轉身望一望周圍, 呢個時候佢先發覺自己既行為過哂火...
於是終於收起左雙手, 坐返好, 垂低埋個頭...
我見佢情緒既然已經平復返, 於是就打算去問返佢究竟發生咩事...
我︰阿全...你有D咩...係想我幫...
有全︰(不安)......
我︰做咩又唔講野呀...?你頭先唔係話要救...
有全︰(搶白)阿叔阿嬸佢地要死喇...
我︰(震驚)...?!
有全︰(顫抖)跟住...好快就會到叔婆...
我︰(懸疑)喂...咩呀...?你咁講係咩意思...?
有全︰(皺眉)對唔住...阿輝...我重連累埋你...
我︰(錯愕)喂...咪住先咪住先...!(炆)你講咩呀?!咩連累埋我呀?!
有全︰(東張西望)殊!
我︰(氣結).....
有全︰(煞有介事)你唔好同第個講...
我︰(不耐煩, 點頭)......
有全︰(煞有介事, 輕聲)其實我應該死左架喇...我唔應該係度架...
我︰(震驚)下...?!
有全︰(憂傷)阿叔佢地...就係因為知道左佢既事...所以...佢地好快就會死架喇...
我︰(一頭霧水)咩呀...邊個佢?你講緊...
有全︰(自言自語)而阿叔婆...佢身體都越來越差...應該都就快...
我︰(皺眉)......
有全︰(凝重)阿輝...之後就到你喇...
我︰(錯愕)你...你係話...我會死...?
有全︰(傻笑)係呀阿輝...
我︰(充滿疑惑)......
有全︰(認真)所以要快!

真係好好睇
可以出書

之前我係某FORUM睇過一個都係用口語寫既甜故 , 真係好好好好睇 !!
果陣真係好高人氣 ..
有成百幾萬點擊 ...
跟住作者寫到埋尾果陣停左 , 仲潛左水成個月
之後作者出返黎解釋就話 , 原來有出版商睇中左 , 主動聯絡佢去出書
最尾成功左 , 不過本書會O係台灣出 , 始終香港既市場太細 ..
所以佢要將成20萬字譯返做白話文 ..
樓主 , 你可以POST上第2 D專係寫故既FORUM度試下睇下好唔好反應

你講果個係咪《女校男生》
如果係, 咁我就真係自愧不如

唔係呀，個貼名叫《溝女物語》，作者佢真係好似寫書咁
自己ＰＬＡＮ晒個大綱，跟住再慢慢寫Ｄ細節位，寫完之後再ＣＨＥＣＫ
睇下有冇地方可以改好Ｄ，自己滿意先ＰＯＳＴ出黎！
再睇下讀者意見，吸收下．．．
故事係適當地方加甜，劇情發展真係意想不到！

事後我先知道原來作者之前已經出過書，難怪可以寫得咁好！
樓主你都可以架！
十卜你